Fréttablaðið - 03.04.2008, Blaðsíða 56
36 3. apríl 2008 FIMMTUDAGUR
bio@frettabladid.is
> GOTT STÓRT PLAN
Fyrsta leikna kvikmynd Ólafs Jóhann-
essonar, Stóra planið, fékk þrjár
stjörnur hjá bæði Fréttablaðinu og
Morgunblaðinu. Aðsóknin á myndina
hefur verið í samræmi við þá dóma
en tæplega sex þúsund manns sáu
hana fyrstu helgina.
Doomsday
Hvers kyns plágur og sjúkdómar sem eiga að ógna
tilvist mannsins og alls lífríkis á jörðinni hafa oft leikið
stór hlutverk á hvíta tjaldinu. Doomsday er enn ein
myndin í þessum dúr og varla þarf að kynna söguþráð-
inn í Doomsday. Vírus hefur nánast lagt jörðina í rúst
og eftir 25 ára volæði hefur tími mannkynsins runnið
sitt skeið með tilheyrandi eltingarleikjum, ópum og
látum.
Leikstjóri: Neil Marshall. Aðalhlutverk: Bob Hoskins og
Rhona Mitra. Dómur IMDB: 6,5/10
Fool‘s Gold
Líf Bens Finnegan snýst að mestu eða öllu leyti um falda fjársjóði og leitina
að þeim. Svo mikil er áráttan orðin að eiginkona hans, Tess, gefst upp á
honum, fær sér vinnu á snekkju auðkýfingsins Nigels Honeycutt og hyggst
gleyma ástmanni sínum um aldur og eilífð. En leiðir Bens og Tess liggja aftur
saman þegar hann laumar sér um borð og sannfærir herra Honeycutt um að
koma með sér í fjársjóðsleit.
Leikstjóri: Andy Tennant. Aðalhlutverk: Matthew McConaughey, Kate Hud-
son og Donald Sutherland. Dómur IMDB: 4,8/10
FRUMSÝNDAR UM HELGINA
Tökur á kvikmyndinni Brimi
eru í góðum gír og í gær var
Landhelgisgæslan fengin til
aðstoða við leik og störf. TF-Líf
og varðskipið Týr fóru á kostum
í einum umfangsmestu tökum
kvikmyndarinnar og Friðrik Örn
ljósmyndari var á staðnum til að
fanga andrúmsloftið.
Brim byggir á samnefndu leikriti Jóns
Atla Jónassonar og segir frá lífi áhafnar
um borð í línubát. Í kvikmyndinni er hins
vegar dragnótabáturinn Jón á Hofi í
aðalhlutverki en framleiðslufyrirtækið
ZikZak bjargaði honum frá því að enda
sem brotajárn.
Leikhópurinn Vesturport fer með
stærstu hlutverkin í myndinni og hafa
leikararnir, allir sem einn, hlotið þjálfun
í því að verka fisk í frystihúsum og farið
nokkra túra með „alvöru“ sjómönnum.
Árni Ólafur Ásgeirsson, leikstjóri Brims,
sagðist í samtali við Fréttablaðið vera
fullur þakklætis í garð Landhelgisgæsl-
unnar. „Þeir voru alveg ótrúlegir,“ segir
Árni en aðstandendur myndarinnar hafa
lagt sig mikið fram við að fanga ekta
andrúmsloft hjá hetjum hafsins. - fgg
Brim fer
á flug
UNDIRBÚNINGUR Árni Ólafur leikstjóri undirbýr sig niðri í Tý. Ekki er
ósennilegt að hjartað hafi tekið nokkuð aukaslög. MYNDIR/FRIÐRIK ÖRN
LEIKHÓPURINN Vesturportsfólk leikur stærstu
hlutverkin í myndinni en hún segir frá lífi áhafn-
ar um borð í dragnótabát.
SIGIÐ NIÐUR Í TÝ Magni Ágústsson
tökumaður sígur niður í Tý eftir vel
heppnaða þyrluferð.
FALLEGT Veðurguðirnir léku við hvurn
sinn fingur á þriðjudaginn og tökuliðið
hefði varla getað verið heppnara.
Breska leikkonan Helen Mirren
virðist þreytast seint á því að
bregða sér í hlutverk sögulegra
kvenna. Hún mun taka við af
Meryl Streep sem eiginkona rit-
höfundarins Leo Tolstoj, Sofia.
Christopher Plummer hefur einn-
ig verið skipt inn á fyrir Anthony
Hopkins og mun leika rússneska
skáldið sem er talið eitt áhrifa-
mesta skáld síðari tíma.
Ástarsamband Tolstojs og Sofiu
vakti mikla athygli í Moskvu á
sínum tíma en Tolstoj var af
frægri ætt borgarastéttarinnar í
höfuðborginni og hafði mikil áhrif.
Sofia var sextán árum yngri þegar
þau kvæntust og mun kvikmyndin
beina sjónum sínum að síðustu
dögum skáldsins og sambandi
hans við eiginkonuna. Paul Giam-
atti mun að öllum líkindum leika
fjölskylduvininn Chertkov og Ato-
nement-stjarnan James McAvoy
verður í hlutverki ritara sem
Chertkov réð handa vini sínum.
Tökur á kvikmyndinni hefjast í
Þýskalandi í næsta mánuði og
miðað við hlutverkaskipan má
fastlega reikna með því að kvik-
myndin verði áberandi þegar
kemur að Óskarsverðlaunum.
Mirren er eiginkona Tolstojs
EIGINKONA TOLSTOJS Helen Mirren fór
létt með Elísabetu drottningu og ætti
að geta skilað hlutverki sem eiginkona
Tolstojs með álíka miklum glæsibrag.
„Þetta á allt saman rætur sínar að rekja til
þess að undanfarin ár hefur kvikmyndahóp-
urinn Deux ex Cinema skrifað um nærri
fimm hundruð myndir og mig langaði til að
taka saman hverjar niðurstöðurnar væru,“
segir Árni Svanur Daníelsson, doktorsnemi í
guðfræði. Hann heldur erindi á listahátíð
Seltjarnarneskirkju í kvöld klukkan átta um
Biblíuna í kvikmyndum. Deux ex Cinema
hefur undanfarin ár skrifað um trúarlegar
tilvísanir í kvikmyndum og gaf út bók fyrir
nokkrum árum undir nafninu Guð á hvíta
tjaldinu.
Árni segir að það hafi komið honum á óvart
hversu veigamiklu hlutverki rit Biblíunnar
gegndu í þessum fimm hundruð kvikmynd-
um. Árni bendir þó á að sumar þessara
tilvísana hafi lítil sem engin áhrif á fram-
vindu sögunnar á meðan aðrar notfæri sér
hinn trúarlega texta til slíkra verka. „Svo er
líka forvitnilegt að skoða hvort er vinsælla,
Gamla testamentið eða það nýja,“ bætir Árni
við.
Árni ætlar sér að sýna brot úr tveimur vel
völdum kvikmyndum þar sem Biblían kemur
töluvert við sögu; annars vegar úr dönsku
kvikmyndinni Adam‘s Æbler þar sem saga
harmkvælamannsins Job liggur til grundvall-
ar og hins vegar Magnolía en þar kemur
froskaregnið úr Exodus töluvert við sögu.
Jafnframt verða sýnd nokkur brot úr
teiknimyndaseríunum The Simpsons og
Futurama en Biblían og trúarleg stef eru þar
ósjaldan til umfjöllunar.
Biblían í Futurama og Simpsons
TRÚ Í KVIKMYNDUM Árni Svanur tilheyrir Deux ex
Cinema sem hefur skrifað um trúmál í kvikmyndum.