Fréttablaðið - 03.04.2008, Blaðsíða 58

38 3. apríl 2008 FIMMTUDAGUR
maturogvin@frettabladid.is
> Nú er tími...
...til að fara að huga að forræktun krydd-
jurta inni í eldhúsi, ef þú vilt eiga þér
kryddjurtagarð í sumar. Steinselja og dill
eru á meðal þeirra jurta sem þola
útivist, en þá er betra að hafa alið
plönturnar inni við í um 6-8 vikur.
Hvaða matar gætirðu síst verið án? Ætli það séu ekki
bananar, sojamjólk og pasta.
Besta máltíð sem þú hefur fengið: Ég hugsa að það sé
spínat-lasagna eiginmannsins, sem hann eldar við og við.
Það er með alls konar osti og kryddaðri ítalskri pylsu.
Svo er árlega þakkargjörðarmáltíðin, með kalkúni og öllu
tilheyrandi, alltaf tilhlökkunarefni.
Er einhver matur sem þér finnst vondur? Ég borða
ekki papriku og finnst pestó ekkert sérstakt.
Annars borða ég eiginlega allt. Vinum
mínum finnst ég samt örugglega vera
matvandari en ég er, þar sem ég er
svolítið erfið á veitingastöðum og
spyr alltaf út í alla rétti á seðlinum.
Leyndarmál úr eldhússkápnum:
Fjögur hundruð á Fahrenheit eru 180 á Cels-
ius. Það er það sem ég þarf helst að muna,
ég á svo mikið af amerískum uppskriftum.
Ég prófa mig mikið áfram í matseld og er góð í að galdra fram
úr ísskápnum, ólíkt manninum mínum sem fer mikið eftir
uppskriftum.
Hvað borðar þú til að láta þér líða betur? Búlluborgarinn er
alltaf góður til að láta sér líða betur eftir erfitt næturbrölt, en mér
líður líka alltaf mjög vel þegar ég er búin að fara á Mann lifandi í
hádeginu. Það er einn af uppáhaldsstöðunum mínum.
Hvað áttu alltaf til í ísskápnum? Ég á alltaf til egg, ost
og mjólk, og svo lífrænt majónes sem ég held mikið
upp á. Svo á ég eiginlega alltaf til beikon líka, til að
geta gert spaghetti carbonara.
Ef þú yrðir föst á eyðieyju, hvað tækirðu með
þér? Ég geri ráð fyrir að það séu ávextir á henni
svo ég útiloka þá. Þá myndi ég taka með mér
kaldan grillaðan kjúkling og Coke Light.
Hvað er það skrýtnasta sem þú hefur borðað?
Það eru líklega djúpsteiktar froskalappir sem ég
fékk á voðalega fínum veitingastað í Frakklandi.
MATGÆÐINGURINN ÞORBJÖRG HELGA VIGFÚSDÓTTIR BORGARFULLTRÚI
Góð í að galdra úr ísskápnum
Þeir sem hafa einhver kynni haft af
Stjána bláa vita að spínat er mein-
hollt. Margir blanda spínati út í
ferskt salat, en það hentar hins
vegar ekki síður sem heitt meðlæti
með hinum ýmsu réttum og á sér
þá sérstakan sálufélaga í hvítlauk.
Til að búa til spínatmauk, ef svo
mætti kalla, er spínatið fyrst þveg-
ið vel og þá þerrað. Hitið olíu á
pönnu og steikið dálítinn hvítlauk í
þar til hann er rétt farinn að brún-
ast. Bætið spínati á pönnuna, og
athugið að ef fleiri en einn eða tveir
eiga að fá að smakka réttinn er
vissara að nota 1-2 poka, þar sem
það rýrnar mikið við eldun. Veltið
spínatinu upp úr olíunni og setjið
lok á pönnuna í um eina mínútu.
Hrærið í og eldið í um eina mínútu
til viðbótar. Áður en spínatið er
borið fram er gott að dreypa ólívu-
olíu yfir það og salta dálítið. Einnig
má prófa að nota sesamolíu og strá
ristuðum sesamfræjum yfir
spínatið.
Meinhollt og gott
Gulrótarkökur eru alltaf klassískar
og höfða til flestra – sama hvort um
ræðir sjálfa bragðlaukana eða bara
samviskuna, þar sem það er auð-
velt að segja sjálfum sér að kaka
sem inniheldur grænmeti hljóti að
vera hollari en margt annað. Þessa
uppskrift er að finna á síðunni all-
recipes.com.
Gulrótarkaka
4 egg
1 ¼ bolli grænmetisolía
2 tsk. vanilludropar
2 bollar hveiti
2 tsk. matarsódi
2 tsk. lyftiduft
½ tsk. salt
2 tsk. kanill
3 bollar rifnar gulrætur
1 bolli saxaðar pekanhnetur
Krem:
½ bolli mjúkt smjör
225 g mjúkur rjómaostur
4 bollar flórsykur
1 tsk. vanilludropar
1 bolli saxaðar pekanhnetur
Hitið ofninn í 175 °C og smyrjið
kökuform. Hrærið saman egg,
hvítan sykur og 2 tsk af vanillu-
dropum í stórri skál. Blandið hveiti,
matarsóda, lyftidufti, salti og kanil
saman við. Hrærið gulræturnar út í
og blandið pekanhnetum saman við
ef vill. Hellið í formið og bakið í um
40-50 mínútur, þar til tannstöngull
sem stungið er í miðjuna kemur
hreinn út. Kælið í forminu í um 10
mínútur og þar eftir á grind. Setjið
smjör, rjómaost, flórsykur og van-
illudropa í skál og hrærið þar til
blandan er slétt. Bætið hnetum í ef
vill. Berið á kalda kökuna.
Góð gulrótarkaka
KLASSÍSK KAKA Gulrótarkökur eiga upp á
pallborðið hjá mörgum. NORDICPHOTOS/GETTY
GRÆNT ER GOTT Spínat er meinhollt og
þar að auki bragðgott þótt ekki öðlist
allir jafnmikla krafta og Stjáni blái við
neyslu þess. NORDICPHOTOS/GETTY
Snorri Birgir Snorrason, sem rekur veisluþjónust-
una Kokkinn, er margfróður um sushi. Hann lærði
sushi-gerð í Japan, og átti áður og rak veitinga-
staðinn Sticks’n’Sushi. Hann heldur nú reglulega
nám skeið í sushi-gerð fyrir landann. „Ég er að fara í
gang með þau aftur núna eftir fermingartörnina og
stefni á að halda námskeið í matreiðsluskóla
Hagkaupa í Smáralind á næstu vikum,“ segir Snorri.
Hann hefur lagt áherslu á verkleg námskeið þar
sem hann segir nauðsynlegt fyrir fólk að fá að prófa
sjálft. „Ég byrja á því að fara í gegnum allt hráefnið
sem maður notar, því að hrísgrjón eru alls ekki það
sama og hrísgrjón og sojasósa ekki það sama og
sojasósa,“ segir Snorri kíminn. „Ferlið hefst á því að
þrífa hrísgrjónin og sjóða þau. Ef það er ekki rétt
gert verður þetta aldrei gott. Þetta er eins og með
danska smurbrauðið, ef brauðið er ekki gott skiptir
engu máli hvert áleggið er,“ segir Snorri og hlær
við. Nemendur fá því næst að spreyta sig á fisk-
skurði og að gera bæði maki-rúllur og nigiri-bita.
„Ég kenni undirstöðuna en maður lærir þetta ekki
allt á einu kvöldi. Fólk þarf að æfa sig heima,“ segir
Snorri.
Sushi hefur orðið átt miklum vinsældum að fagna
á síðustu misserum, og segir Snorri það vera í takt
við þróunina á hinum Norðurlöndunum. „Það hefur
verið hægur og góður stígandi í þessu. Sushi er
matur sem vinnur á. Sumir falla fyrir því á fyrsta
degi, aðrir þurfa nokkur skipti, en þá verður heldur
ekkert aftur snúið,“ segir hann.
Sé nánari upplýsinga um námskeið og skráningu
óskað má senda póst á snorri@kokkurinn.is. - sun
Heldur námskeið í sushi-gerð
HRÍSGRJÓNIN SKIPTA ÖLLU Snorri Birgir Snorrason segir sömu
lögmál gilda um hrísgrjón í sushigerð og brauð í smurbrauðs-
gerð – séu þau ekki í lagi skiptir engu hvað á eftir fylgir.
FRÉTTABLAÐIÐ/
Sólveig Samúelsdóttir söng-
kona hefur alla tíð verið
veik fyrir ís. Kósíkvöld á
hennar heimili helgast því
oft af ísþeytingi og súkkul-
aðiköku frá ömmu hennar
og nöfnu.
„Ísinn hefur alltaf verið ofarlega á
blaði hjá mér, en það eru ekkert
svo mörg ár síðan að ég datt í
súkkulaðið,“ segir Sólveig kímin.
Hún gefur lesendum Fréttablaðs-
ins uppskrift að kósíkvöldi heima
við, í formi súkkulaðiköku fjöl-
skyldunnar og ísþeytings.
„Þetta er súkkulaðikakan henn-
ar ömmu Sollu sem ég heiti eftir
og nú vona ég að fjölskyldan verði
ekki brjáluð yfir því að ég hafi
gefið uppskriftina upp,“ segir hún
og hlær við. „Það skemmtilega er
reyndar að þó að allir séu með
sömu uppskriftina verður hún
aldrei eins. Það er eins og hver og
einn hafi sína aðferð,“ segir Sól-
veig. Kakan getur að hennar sögn
bæði verið í formi tveggja- eða
þriggja hæða tertu eða einfaldrar
skúffuköku. „Svo er hún líka snið-
ug að því leytinu til að það eru
engin egg í henni, fyrir þá sem eru
með óþol,“ bendir hún á.
Ísþeyting, sem í sumum ísbúð-
um kallast bragðarefur, gerir Sól-
veig oft sjálf heima við. „Aðalat-
riðið er að ísinn þarf að vera
nokkuð vel frosinn, svo þeytingur-
inn verði ekki of linur,“ bendir hún
á. Sólveig blandar ávöxtum, á borð
við banana eða jarðarber, og sæl-
gæti saman og þeytir herlegheitin
í Kitchen Aid-hrærivél heimilis-
ins. Ísinn ber hún svo fram í háum
og fallegum skálum.
Kósíkvöld á borð við þetta hafa
þó verið af skornum skammti upp
á síðkastið þar sem Sólveig hefur
haft í nógu að snúast við æfingar á
Cosí fan tutte, sem Óperustúdíó
Íslensku óperunnar frumsýnir á
sunnudag. „Við höfum haft rosa-
lega gaman af þessu, enda er
óperan líka stórskemmtileg. Hún
fjallar um ástarflækjuvesen og
það er mikill hasar, þar sem þetta
gerist allt á einum sólarhring,“
segir hún.
Súkkulaðikaka ömmu Sollu
3 1/3 bolli hveiti
2/3 bolli kakó
2 bollar sykur
1 tsk. salt
2 tsk. natron
1 bolli smjörlíki, um 200g
2 bollar súrmjólk
Krem:
100-120 g smjör
3 msk. kakó
7 msk. mjólk
3 bollar flórsykur
Þurrefnum blandað saman í
skál. Smjörlíkið brætt og blandað
við súrmjólkina, öllu blandað
saman og sett í ofnskúffu eða 2-3
form, eftir því hvernig maður vill
hafa kökuna.
Bakað við 180°C í um 30-35 mín.
í skúffu eða 17-18 mín. í hring-
formum. Best er að stinga prjóni í
kökuna til að vera viss um að hún
sé tilbúin.
Krem: Bræðið smjörið yfir
vatnsbaði og blandið kakóinu út í.
Ef tíminn er naumur er líka hægt
að bræða það á lágri stillingu í
örbylgjuofni og passa að það
ofhitni ekki. Blandið mjólkinni út í
flórsykurinn og því næst þessu
tvennu saman.
sunna@frettabladid.is
Kósíkvöld að hætti Sollu
SPARNAÐARRÁÐ SÓLVEIGAR Sólveig Samúelsdóttir söngkona er forfallinn ísaðdá-
andi og útbýr oft ísþeyting heima við. Það kemur heldur betur út fjárhagslega en að
kaupa þeyting fyrir alla fjölskylduna í ísbúð. FRÉTTABLAÐIÐ/GVA