Fréttablaðið - 03.04.2008, Blaðsíða 36
3. APRÍL 2008 FIMMTUDAGUR4 ● fréttablaðið ● bílar
Ekki hefur borið mikið á
buggy-bílum hérlendis
en þar gæti breyting
orðið á að sögn Arnars
Ólasonar, sem hefur
ásamt félaga sínum Eiríki
Vignissyni hafið innflutn-
ing og sölu á buggy-bíl-
um til landsins.
„Ár er síðan við félagarnir
fórum fyrst að hugsa út í
þetta. Félagi minn vildi fá
sér svona svipað tæki en þó
ekki fjórhjól. Við vissum
um marga sem höfðu lent í
óhappi á fjórhjólum og við
vildum eitthvað öruggara,“
rifjar Arnar upp.
Félagarnir leituðu á net-
inu, fundu buggy-bíla og
höfðu samband við nokkra
framleiðendur þar til sá rétti
fannst. Þá fóru hjólin að snú-
ast. Sá buggy-bíll sem þeir
félagar flytja nú inn er einn
sá fyrsti sem framleiddur er
fjórhjóladrifinn.
Að sögn Arnars er þó nokk-
ur munur á buggy-bílum og
fjórhjólum. Bíllinn er búinn
tveimur sætum, fjögurra
punda belti og veltibúri svo
bílarnir eru öruggari.
„Buggy-bílarnir eru síðan
götuskráðir og því má keyra
þá á götunum,“ bendir hann
á. „Þeir eru skráðir sem fjór-
hjól og einnig tryggðir sem
slíkir.“ Hann bætir við að
buggy-bílar séu tilvalin tæki
fyrir sumarbústaðaeigendur
þar sem eigendur bústaðanna
geta ferðast um nágrenni bú-
staðarins á þeim.
Hver buggy-bíll vegur
fjögur hundruð kíló, er með
500 kúbika fjórhjóla mótor
og drífur mjög vel í tor-
færum. Hámarkshraði bíl-
anna er níutíu kílómetrar
á klukkustund. Hvert ein-
tak kostar 990.000 krónur og
lítið vandamál ætti að vera
að fjármagna tækin að mati
Arnars, þar sem hægt er að
fá hefðbundin bílalán á þá.
Arnar bendir á að buggy-
bílarnir verði fullþjónustaðir;
til séu varahlutir og annað
sem til falli að bílunum.
„Draumurinn er sá að hér
verði til buggy-bílasamfé-
lag og einhvern daginn verði
keppt á þessum bílum. En
tíminn verður að leiða það í
ljós,“ segir Arnar, sem ætlar í
samstarfi við félag sinn Eirík
Vignisson að flytja inn fleiri
tegundir bíla, meðal annars
minni bíla sem munu keppa
við fjórhjól fyrir börn bæði
hvað varðar verð og gæði.
Á heimasíðunni www.
buggy.is má finna upp-
lýsingar um buggy-bílana og
skoða myndir.
mikael@frettabladid.is
Draumurinn að stofna buggy-bílasamfélag
Arnar Ólason vígalegur við stýrið.
Fjöll og snjór eru engin fyrirstaða fyrir buggy-bílana.
Bíllinn sómir sér vel á fjallstindi. FRÉTTABLAÐIÐ/ANTON
„Fyrsti bíllinn sem ég eignað-
ist var flottur, svartur Skoda-
Benz,“ segir alþingismaður-
inn Árni Johnsen hláturmildur
þegar hann minnist fyrstu bíl-
kaupanna, sem áttu sér stað á
bílastæði Álftamýrarskóla einn
fagran haustdag árið 1967.
„Þá var ég nýútskrifaður
kennari og hafði þríhringt á
leigubíl sem aldrei kom. Þá
segir einn samkennari minn:
„Ég skal selja þér bílinn minn.
Hann er hérna á hlaðinu, tilbú-
inn til reiðar.“ Og ég dró upp
ávísanaheftið, fékk lyklana,
keyrði á honum leiðar minnar
og kláraði dæmið með eggja-
sölupeningunum mínum,“ segir
Árni, sem reiddi fram 25 þús-
und krónur fyrir biksvartan
Skoda Octavia með snúnings-
sveif.
„Þetta voru ósköp aulalegir
Austur-Evrópubílar og Skódi
var nú þannig á þeim tíma að
rafmagnið var ekki alltaf í lagi
og víst þurfti ég oft að snúa
honum í gang. Botninn í honum
var líka lélegur og þurfti ég að
hafa hlera í gólfinu farþega-
megin því annars hlupu menn
bara með bílnum,“ segir Árni
broshýr þegar hann minnist
bílsins, sem opinberlega var
skráður sem Skoda-Benz.
„Þegar ég lét færa hann á
mitt nafn í Bifreiðaskráningu
spurði afgreiðslumaðurinn af
hvaða tegund bíllinn væri og
ég svaraði því til að þetta væri
Skoda-Benz. „Einmitt,“ sagði
hann grafalvarlegur og fattaði
ekki húmorinn, en skráði eig-
endaskiptin þannig. Ég er því
eini maðurinn sem átt hefur
Skoda-Benz á Íslandi.“
- þlg
Árni Johnsen lenti í ýmsum ævintýrum á fyrsta bílnum, sem hann eignaðist
árið 1967. FRÉTTABLAÐIÐ/GVA
FYRSTI BÍLLINN
Fékk Skoda-Benz
fyrir svartfuglsegg
F
í
t
o
n
/
S
Í
A
N1 VERSLANIR
SÍMI 440 1200
WWW.N1.IS
Hjá N1 finnur þú landsins mesta úrval af bílavarahlutum frá
viðurkenndum framleiðendum. Í verslunum okkar um land
allt er fagfólk reiðubúið að veita þér alla þá aðstoð og ráðgjöf
sem þú þarfnast. N1 – Meira í leiðinni.