Fréttablaðið - 03.04.2008, Blaðsíða 38
3. APRÍL 2008 FIMMTUDAGUR6 ● fréttablaðið ● bílar
Það er ekkert heitara í Japan um þessar mundir en nýr og endur-
hannaður Mazda6, enda selst hann eins og heitar lummur þar
í landi. Salan fyrstu þrjá mánuðina er þrisvar sinnum meiri en
áætlanir gerðu ráð fyrir og í febrúarmánuði einum seldust 4.500
bílar til Japana.
Mazda6 er af fyrstu kynslóð nýrrar hönnunar hjá Mazda og
endurspeglar stóraukna akstursánægju, þægindi, öryggi og vist-
mildi. Hugmyndafræðin; Zoom-Zoom, hittir beint í mark ef
marka má viðtökur almennings því Mazda2, sem einnig byggir á
nýju hugmyndafræðinni, hefur hitt neytendur í hjartastað hvar
sem hann hefur verið kynntur.
Markhópur Mazda6 var áætlaður á aldursbilinu 30 til 50 ára,
en svo virðist sem bíllinn höfði til mun breiðari hóps. Meðal
ástæðna eru án efa framúrskarandi útlitshönnun, góðir og stöð-
ugir aksturseiginleikar, rúmgott og vel hljóðeinangrað farþega-
rými og gott farangurspláss. - þlg
Heitari en lummur
Hinn ofurvinsæli Mazda6, sem Japanar hafa helst keypt í perluhvítum, storm-
bláum og svartsanseruðum lit.
Vefverslunin Varahlutir.is hefur
verið við lýði í hálft þriðja ár.
Nú er hún flutt í eigið húsnæði
að Norðurhellu 8 í Hafnarfirði
og þar er líka verið að setja
upp verkstæði.
Þórður Bragason á verslunina
Varahlutir.is sem selur boddí vara-
hluti eins og ljós, bretti, húdd og
stuðara í flestar tegundir bíla.
Hann segir bæði verkstæði og ein-
staklinga nýta sér þjónustuna og
lýsir fyrirkomulaginu svo: „Fólk
fer inn á síðuna www.varahlutir.
is og leitar að ákveðnum bíl. Þar
getur það séð allt sem er í boði í
þann bíl og hvað það kostar. Ef
grænn punktur er við hliðina á
verðinu er hluturinn til á lager,
annars ekki, en þá er auðvelt að
panta hann.“
En hvernig haga menn sér
þegar þeir hafa fundið á síðunni
það sem þá vantar? „Ég keyri
mikið út á verkstæðin og póstur-
inn sækir hingað það sem fer út
á land en flestir einstaklingar á
höfuðborgar svæðinu koma til mín
og sækja það sem þeir þurfa. Af-
greiðslan er alltaf skotheld, sem
er mikill kostur í þessum bransa.
Það er dýrt að fá rangan hlut, mála
hann og komast svo að því að hann
passar ekki og þurfa þá að byrja á
öllu upp á nýtt,“ segir Þórður.
Athygli vekur að verð er skráð
við hvern hlut og Þórður er spurð-
ur hvort verðið breytist dag frá
degi í verðbólgunni. „Ég forð-
ast breytingar á verði eins og ég
mögulega get og ætla að reyna að
bíða og sjá hvar þessar hræring-
ar enda,“ segir hann. „Ef einhver
pantar varahlut á einu verði get ég
heldur ekki ætlast til að hann borgi
hann hærra verði þó að varan hafi
hækkað í innkaupum. Ég held að
lagabókstafurinn segi þetta. Ég
vinn að minnsta kosti eftir því.“
Þar sem bílategundir eru býsna
margar er Þórður spurður hvort
erfitt sé að halda utan um lager-
inn. Þá brosir hann góðlátlega
og svarar: „Það væri erfitt ef ég
þyrfti að vera með allt í kollinum
en ég smíðaði mér nokkur kerfi
í tölvunni til að halda utan um
lagerinn.“ Þegar nánar er grennsl-
ast fyrir hefur hann unnið bæði við
bíla og tölvur áður og sú reynsla
nýtist honum vel í þessu fyrir-
tæki. Hann kveðst hafa ákveðið að
sérhæfa sig í boddívarahlutum en
sleppa öðrum því auðveldara sé að
byggja fyrirtækið upp á þekkingar-
grunni sem sé þröngur en breiður.
„Þetta er spurning um þjónustu,“
segir hann. „Og þjónustan hangir
alltaf saman við þekkingu.“
- gun
Bretti, húdd og stuðarar
„Afgreiðslan er alltaf skotheld, sem er mikill kostur í þessum bransa,“ segir Þórður í versluninni varahlutir.is. FRÉTTABLAÐIÐ/GVA
Nýlega setti bílaframleiðandinn Hyundai á markaðinn milli-
stærð af fólksbíl, Hyundai i10.
Bílnum er ætlað að höfða til ungs fólks og þeirra sem vilja
ódýra og sparneytna bíla. Hyundai i10 hefur það fram yfir for-
vera sinn Hyundai Atos að vera sjálfskiptur, farangursrýmið
er stærra og rafmagn er í öllum hurðum. Einnig er bíllinn
stærri en aðrir smábílar á markaðnum en hann er fimm manna
meðan aðrar gerðir smábíla taka yfirleitt fjóra farþega. Bíllinn
stenst kröfur Reykjavíkurborgar um græn skref, sem þýðir
að honum er hægt að leggja gjaldfrjálst
í miðborginni.
Hyundai i10 smá-
bíllinn verður
frumsýndur á
Íslandi í maí
hjá B&L.
- rat
Stór smábíll frá Hyundai
Hyundai i10 er
fimm manna
smábíll.