Fréttablaðið - 03.04.2008, Blaðsíða 66

46 3. apríl 2008 FIMMTUDAGUR
KÖRFUBOLTI Keflavík og Snæfell hafa þegar
tryggt sér sæti í undanúrslitum Iceland
Express-deildar karla en í kvöld ræðst það
hvaða tvö lið bætast í hópinn. Um leið kemur í
ljós hvaða lið munu mætast en Keflvíkingar
eiga sem dæmi enn möguleika á að mæta þrem-
ur liðum, Snæfelli, Skallagrími og ÍR, og Snæ-
fellingar geta mætt einu af eftirfarandi fjórum
liðum, Keflavík, KR, Skallagrími eða Grinda-
vík. Það fer allt eftir úrslitum kvöldsins en það
lið sem fer áfram og er með lakasta árangur-
inn í deildarkeppninni í vetur mætir deildar-
meisturum Keflavíkur.
Oddaleikir kvöldsins eru endurtekning á
oddaleikjum átta liða úrslitanna frá því í fyrra
en KR vann þá öruggan 13 stiga sigur á ÍR á
sama tíma og Grindavík vann Skallagrím með
16 stigum í Fjósinu í Borgarnesi. ÍR-ingar
þurfa aftur að sækja KR-inga heim á úrslita-
stundu eftir tap á heimavelli en að þessu sinni
eru Grindvíkingar á heimavelli í oddaleiknum.
Pálmi þekkir þessa stöðu vel
KR-ingurinn Pálmi Freyr Sigurgeirsson ætti
að vera farinn að þekkja þessa stöðu vel því
hann hefur verið í sigurliði í oddaleik í átta liða
úrslitum undanfarin þrjú ár. Pálmi var með 12
stig fyrir Snæfell í 116-105 sigri á KR 2005,
skoraði 8 stig í 67-64 fyrir KR í sigri á Snæfelli
2006 og var með 15 stig í sigri KR á ÍR í fyrra.
Öll árin hafa Pálmi og félagar hans tapað fyrsta
leiknum en síðan unnið næstu tvo og það gæti
gerst fjórða árið í röð í kvöld. Í síðustu tvö
skipti hafa Pálmi og félagar hans í KR sent
Nate Brown og félaga hans í ÍR í sumarfrí sem
mætir í kvöld í þriðja sinn til þess að reyna að
slá Vesturbæinga út úr úrslitakeppninni.
Þegar litið er á sögu félaganna í oddaleikjum
um sæti í undanúrslitum kemur í ljós að bæði
ÍR-ingar og Skallagrímsmenn þurfa að brjóta
blað ætli þeir sér áfram því bæði félög hafa
tapað öllum þremur leikjum sínum undir þess-
um kringumstæðum. Eiríkur Önundarson
hefur verið með ÍR í öll þrjú skiptin en það
hefur ekki dugað fyrir hann að skora 18,7 stig
og hitta úr 63,6 prósentum skota sinna í þessum
þremur leikjum. Það er annað uppi á ten-
ingnum hjá andstæðingum þeirra. KR-ingar
hafa unnið alla fjóra oddaleiki sína á heima-
velli (3 í DHL-höllinni) og þakka örugglega
fyrr að eiga leikinn í Frostaskjólinu því þeir
hafa tapað öllum fjórum oddaleikjum sínum
á útivelli þegar sæti í undanúrslitum hefur
verið í boði. Grindvíkingar hafa unnið 4 af 7
oddaleikjum sínum, þar af 3 af 4 í Röstinni í
Grindavík þar sem leikurinn fer fram í kvöld.
Zekovic og Flake erfiðir
Grindvíkingar hafa lítið ráðið við þá félaga
Milojica Zekovic og Darrell Flake í liði Skalla-
gríms sem hafa skorað saman 54,5 stig í leik og
hitt úr 61,4 prósentum skota sinna en Daninn
Adama Darboe hefur hins vegar haft betur í
viðureign sinni með Frakkann Alan Fall í
baráttu leikstjórnandanna.
Darboe hefur skorað 24,5 stig og gefið 8,5
stoðsendingar í leik á sama tíma og Fall er með
6,0 stig og 10,0 stoðsendingar að meðaltali í
leik. Páll Axel Vilbergsson, fyrirliði Grinda-
víkur, hefur hitt vel (60,0 prósent) en eftir að
hafa tekið 23 skot í fyrri hálfleik fyrsta leiks-
ins hefur hann náð aðeins 12 skotum í hinum
þremur hálfleikjunum enda í strangri gæslu
Axels Kárasonar.
Hvar er JJ Sola?
Nate Brown hefur leikið frábærlega með
ÍR og er með 21 stig, 11 stoðsendingar og
5,5 fráköst að meðaltali í fyrstu tveimur
leikjunum en KR-ingar náðu að loka á hann
í lok síðasta leiks en hann skoraði aðeins 3
stig síðustu 15 mínútur leiksins eftir að hafa
skorað 22 stig í fyrstu þremur leikhlutanum.
Joshua Helm og Avi Fogel hafa leikið vel fyrir
KR-inga en menn þar á bæ sakna framlags JJ
Sola sem hefur skorað skorað 9 stig að meðal-
tali og hitt úr 33,3 prósent skota sinna (6 af
18).
Leikur KR og ÍR hefst klukkan 19.15 en leik-
ur Grindavíkur og Skallagríms byrjar ekki
fyrr en tíu mínútum síðar eða klukkan 19.25.
ooj@frettabladid.is
Hefna ÍR og Skallagrímur í kvöld?
Oddaleikir átta liða úrslita Iceland Express-deildar karla fara fram í Grindavík og Vesturbænum í kvöld og þar
geta heimaliðin endurtekið leikinn frá því í 8 liða úrslitunum í fyrra.
FJÓRÐA ÁRIÐ Í RÖÐ Pálmi
Freyr Sigurgeirsson er kominn
í oddaleik fjórða árið í röð og
hefur verið í sigurliði í öll hin
þrjú skiptin. FRÉTTABLAÐIÐ/
STEFÁN
KÖRFUBOLTI Tveir leikmenn sem
gerðu garðinn frægan í Iceland
Express-deild kvenna eiga nú
góða möguleika á að komast inn í
hina rómuðu WNBA-deild í
Bandaríkjunum. Þetta eru þær
Monique Martin og Tamara
Bowie sem eru undir smásjánni
hjá Minnesota Lynx. Martin lék
með KR í vetur og setti meðal
annars stigamet með því að skora
65 stig gegn Keflavík. Bowie
hefur verið í Ísrael í vetur en lék
með Grindavík í fyrra.
Minnesota Lynx-liðið var með
slakasta árangurinn í deildinni í
fyrra og vann aðeins 10 af 34
leikjum en félagið hefur verið að
sanka að sér ungum leikmönnum
og ætlar sér að byggja upp nýtt
lið.
Martin tók sér mánaðarfrí og
hætti að spila með KR þar sem
hún ætlaði að vera búin að ná sér
að fullu af meiðslunum þegar
æfingar WNBA-liðanna hæfust.
Martin var með 36,6 stig, 13,4
fráköst og 4,0 stolna bolta að
meðaltali með KR í vetur.
Tamara Bowie stakk af úr
Grindavík í miðri úrslitakeppni í
fyrra og það þýddi að hún fékk
ekki keppnisleyfi á ný
fyrr en um síðustu
áramót. Bowie var með
30,5 stig, 14,8 fráköst
og 3,6 varin skot með
Grindavík tímabilið
2006-07.

- óój
Kvennakörfubolti:
Frá Íslandi
í WNBA
Á LEIÐ INN Í WNBA
Monique Martin
sýndi frábæra
takta með
KR í vetur.
FRÉTTABLAÐIÐ/
VILHELM
Það eru aðeins tvær leiðir með vörur til og frá Íslandi.
Fraktflug með Icelandair Cargo býður þér hraðan og hagkvæman flutningsmáta
með fraktflugi oftar en 200 sinnum í viku á milli Íslands, annarra Evrópulanda og Bandaríkjanna.
HVOR LEIÐIN HENTAR ÞÉR?
VIÐ FLJÚGUM YFIR 200 SINNUM Í VIKU
TIL EVRÓPU OG BANDARÍKJANNA
– hagkvæmur flutningsmáti
www.icelandaircargo.is