Fréttablaðið - 03.04.2008, Blaðsíða 20

20 3. apríl 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 840
5.185 +2,85% Velta: 10.048 milljónir
HLUTABRÉF Í ÚRVALSVÍSITÖLU: Atorka 7,43 +0,41% ... Bakkavör
43,30 +4,34% ... Eimskipafélagið 22,90 +3,39% ... Exista 11,08
+6,03% ... FL Group 6,56 +3,47% ... Glitnir 17,60 +2,33% ... Ice-
landair 24,55 +0,20% ... Kaupþing 827,00 +3,12% ... Landsbankinn
30,20 +2,37% ... Marel 91,80 +0,00% ... SPRON 4,49 +5,15% ...
Straumur-Burðarás 12,02 +2,56% ... Teymi 4,30 +0,70% ... Össur
92,50 -0,75%
MESTA HÆKKUN
EXISTA +6,03%
EIK BANKI +5,68%
SPRON +5,15%
MESTA LÆKKUN
SKIPTI -0,79%
ÖSSUR -0,75%
FØROYA BANKI -0,67%
„Slíkur fundur hefur ekki komist
á,“ segir Páll Gunnar Pálsson, for-
stjóri Samkeppniseftirlitsins.
Þar vísar hann til þess að 3.
desember síðastliðinn, fyrir tæpum
fjórum mánuðum, svaraði Sam-
keppniseftirlitið erindi borgaryfir-
valda og lýsti sig þar reiðubúið til
þess að ræða samkeppnissjónarmið
við skipulag og úthlutun lóða í
borginni.
Sturla Gunnar Eðvarðsson, fram-
kvæmdastjóri Samkaupa, hefur
gagnrýnt að fyrirtækið hafi ekki
fengið úthlutað lóð undir verslun í
Reykjavík, þrátt fyrir margar
beiðnir þar um. Sturla fullyrðir að
keppinautar sínir, Hagar og Kaup-
ás, hafi einir setið að lóðum og spyr
hvort borgaryfirvöld þurfi ekki að
huga að samkeppnismálum við lóða-
úthlutun. „Til að mynda höfum við
aldrei fengið úthlutað lóð í nýjum
hverfum. Þar komast hins vegar
keppinautarnir að,“ segir Sturla.
Borgarráð Reykjavíkur sam-
þykkti 15. nóvember að kanna
hvernig staðinn verði vörður um
samkeppnissjónarmið við skipulag
og úthlutun lóða.
Í greinargerð með tillögunni
sagði þáverandi meirihluti að sam-
keppnissjónarmið þyrfti að hafa til
hliðsjónar við lóðaúthlutanir til
bensínstöðva, byggingavöru- og
matvöruverslana. Jafnframt væri
ljóst að eigendaskipti og samruni
fyrirtækja geti kippt fótunum
undan grundvelli slíkra úthlutana.
Því væri brýnt að kortleggja hvaða
leiðir borgin hafi til að fylgja sam-
keppnissjónarmiðum eftir við
skipulag og lóðaúthlutanir.
Þá átti að leita eftir afstöðu Sam-
keppniseftirlitsins í þessum efnum.
Í framhaldinu sendir Dagur B.
Eggertsson, þáverandi borgarstjóri,
erindi til Samkeppniseftirlitsins.
Því var svarað 3. desember og lýsti
Samkeppniseftirlitið því að það
væri reiðubúið að kynna sín sjónar-
mið.
Samkvæmt upplýsingum frá
skrifstofustjóra á skrifstofu borg-
arstjóra er áhugi á málinu hjá borg-
aryfirvöldum og verður reynt að
finna fundartíma við fyrsta tæki-
færi. - ikh
Sinna ekki eigin fundarboði
Reykjavíkurborg hefur ekki fundið stund til fundar með Samkeppniseftirlitinu.
Askar Capital hafa milli-
göngu um lán til sveitar-
félaga og fyrirtækja frá
erlendum bönkum. Bankinn
varð Hafnarfjarðarbæ
úti um erlent lán með 75
punkta skuldatryggingar-
álagi, sem er margfalt
minna álag en á skuldabréf
bæði ríkis og stóru bank-
anna. Ásókn í erlend lán
eftir þessum leiðum fer
vaxandi þar sem stóru við-
skiptabankarnir eru tregir
til að lána í erlendri mynt.
Aukin ásókn er í að fjárfestingar-
bankinn Askar Capital hafi milli-
göngu um lán í erlendri mynt hjá
útlenskum bönkum. Þórður Jón-
asson, framkvæmdastjóri fjár-
mögnunarráðgjafar hjá bankan-
um, segir um nýjung að ræða,
sem fyrst og fremst skýrist af
því að stóru viðkiptabankarnir
hér hafi „verðlagt sig út af mark-
aðnum“ þegar
kemur að
lánum í
erlendri
mynt.
Í vikunni
var greint frá
láni upp á 25
milljónir evra
(um 2,9 millj-
arðar króna)
til þriggja ára
sem Hafnar-
fjarðarbær
tók að láni hjá
erlendum banka fyrir milligöngu
Aska. Askar Capital báðu átta
erlenda banka á Evrópumarkaði
að bjóða í lánið og varð nokkur
samkeppni á milli þeirra.
Samkvæmt heimildum blaðsins
eru kjörin mun betri en þau sem
íslenskum bönkum og raunar rík-
inu eru sögð standa til boða á
bankamörkuðum um þessar
mundir, eða 75 punktum yfir
millibankavöxtum. Til saman-
burðar má nefna að á sama tíma
er skuldatryggingarálag um 300
punktar á útgáfu ríkissjóðs og
nálægt 1.000 punktum á skulda-
bréf Kaupþings.
Þórður segir bankann bjóða
upp á milligöngu sem þessa fyrir
fyrirtæki jafnt og opinbera aðila,
en Askar sáu um verkefnastjórn,
samninga og lögfræðiþjónustu í
lántöku Hafnarfjarðar, auk þess
að sjá um gjaldeyrisvarnir sem
miði að því að hámarka virði láns-
ins í íslenskum krónum. „Þetta er
bara þjónusta sem við bjóðum
upp, en má segja að henti ekki
fyrir hvern sem er, heldur þarf
þar að vera um að ræða fyrirtæki
sem nýtur trausts, á sér góða
sögu og tekur nægilega stórt lán
til að standi undir umstanginu
sem því fylgir að taka lán hjá
erlendum banka,“ segir Þórður,
en bætir um leið við að á meðan
núverandi ástand ríki þar sem
segja megi að íslenskir bankar
séu í ónáð á alþjóðlegum fjár-
málamörkuðum, sé ekki óeðlilegt
að fyrirtæki og sveitarfélög sem
á annað borð hafi aðgang að
erlendum lánum og bönkum halli
sér í auknum mæli í þá átt. „Svo
eru kjörin sem Hafnarfjörður
fær líka ekki neinu samræmi við
ástandið og umtalið sem er á
mörkuðum, heldur fremur eins
og fyrir kreppu.“
Þórður segir að frá því Askar
fóru af stað hafi þar markvisst
verið byggð upp tengsl við
erlenda banka. „Við erum því
komin í þá stöðu að þegar inn
kemur svona beiðni þá vitum við
hvert við eigum að leita,“ segir
hann, en bankinn vinnur nú að
lántökum fyrir nokkra aðra opin-
bera aðila. olikr@frettabladid.is
ASKAR KYNNTIR Tryggvi Þór Herbertsson, forstjóri Aska Capital, á kynningu á
bankanum þegar hann var nýlega stofnaður. Askar sjá tækifæri í auknum beinum
lántökum opinberra aðila hjá erlendum bönkum. FRÉTTABLAÐIÐ/GVA
ÞÓRÐUR JÓNASSON
Askar Capital með hjá-
leið í stærri erlend lán
10-11 Í VESTURBÆNUM Keppinautur gagn-
rýnir að eingöngu Hagar og Kaupás virðist
fá lóðir undir verslanir í höfuðborginni.
„Ég hef lengi og oft skrif-
að um Ísland fyrir Wall
Street Journal,“ segir
Hannes Hólmsteinn Giss-
urarson, prófessor í
stjórnmálafræði og banka-
ráðsmaður Seðlabanka
Íslands. Hannes skrifaði
grein um íslensk efna-
hagsmál sem birtist á
síðum blaðsins í gær.
„Ég nefndi við þá um
daginn að margir mis-
skildu ástandið hér og skrifaði
grein fyrir blaðið,“ segir Hannes.
Í greininni vísar hann því á bug
að íslenska hagkerfið sé að bráðna.
Viðskiptahallinn hafi vissulega
verið 16 prósent af þjóðarfram-
leiðslu í fyrra. Hann hafi hins
vegar lækkað hratt á milli
ára og numið 25 prósent-
um árið á undan. Megnið
af skuldunum komi úr
ranni einkageirans og
bankanna, að hans sögn.
Þá segir Hannes mikla
breytingu hafa orðið á
íslensku efnahagslífi síð-
astliðin sextán ár. Stærstu
breytingarnar hafi orðið
með tilkomu kvótakerfis-
ins og einkavæðingu
bankanna sem hafi blásið lífi í
dautt fé, eignir sem hafi verið
næsta verðlausar í höndum ríkis
og einstaklinga á árum áður. „Svo
er ríkissjóður gott sem skuldlaus
og það skiptir miklu máli,“ segir
Hannes. - jab
HANNES HÓLM-
STEINN GISSURARSON
Landið ekki að bráðna
Bankastjórn Seðlabank-
ans ræddi við fulltrúa
bankastjórnar evrópska
seðlabankans, þegar um
miðjan febrúar.
Davíð Oddsson, Eiríkur
Guðnason og Ingimundur
Friðriksson, bankastjór-
ar Seðlabankans, hittu þá
að máli Jürgen Stark,
sem situr í bankastjórn
evrópska seðlabankans, í húsa-
kynnum Seðlabankans. Stark var
þá staddur hér á landi, en hann
ávarpaði Viðskiptaþing.
Samkvæmt heimildum blaðsins
átti Stark um klukkustundar lang-
an fund með bankastjórunum.
Hermt er að viðræðurnar hafi
verið áhugaverðar. Seðlabankinn
tjáir sig ekki um efni þeirra.
Fram kom í Markaðnum í gær
að nú standa viðræður við Seðla-
banka Evrópu og hugsanlega fleiri
seðlabanka um gjaldeyrisskipta-
samninga eða aðrar leiðir til að
tryggja aðgengi Seðla-
bankans að fé. Edda Rós
Karlsdóttir, forstöðumað-
ur Greiningardeildar
Landsbankans sagðist í
Markaðnum vonast til þess
að tilkynnt yrði um aðgerð-
ir bankans í vikunni. Hugs-
anlegt er að það verði ekki
gert fyrr en á vaxta-
ákvörðunarfundi 10. apríl.
Geir H. Haarde forsætisráð-
herra sagði á ársfundi Seðlabank-
ans á föstudag, að bankinn hefði til
skoðunar að ræða við seðlabanka á
starfssvæðum íslensku bankanna;
þeir starfa á Norðurlöndum, í Bret-
landi og á evrusvæðinu. Hann
sagði í viðtali við Financial Times í
gær að Ísland sé reiðubúið til að
beita beinum aðgerðum gegn vog-
unarsjóðum sem taldir eru standa
fyrir árásum á fjármálakerfi
landsins. Hann tjáir sig þó ekki um
hvers konar aðgerðir yrði um að
ræða. - ikh
Funduðu í febrúar
JÜRGEN STARK
Þingmaður í efnahagsmálanefnd
vísaði til sögusagna um skortstöð-
ur vogunarsjóða í Íslandi í fyrir-
spurn til Bens Bernanke, seðla-
bankastjóra Bandaríkjanna, í gær.
Spurningin var hvort herða þyrfti
reglur um slíka sjóði.
Fundur Bernankes með nefnd-
inni var sá fyrsti síðan seðlabank-
inn hóf að forða fjárfestingar-
bankanum Bear Stearns frá
gjaldþroti fyrir um hálfum mán-
uði, en hann fundar reglulega með
nefndinni til að ræða horfur í efna-
hagsmálum.
Bernanke sagði starfsreglur
vogunarsjóða á forræði Fjármála-
eftirlits Bandaríkjanna, en kvað
bankann hafa kynnt sér fjárhags-
legan styrk sjóðanna, með tilliti til
hvort mögulegar hrakfarir þeirra
gætu ógnað fjármálastöðugleika.
Sjóðina sagði hann standa furðu
vel.
Bernanki varaði annars við að
hagvöxtur kynni að verða lítill í
Bandaríkjunum fyrstu sex mán-
uði ársins. Jafnvel mætti ekki úti-
loka örlítinn samdrátt.
- óká/jab
Ísland nefnt á fundinum
Ertu að leita þér
að aukavinnu?
Sænsk forysta atvinnulífs?
Þór Sigfússon, forstjóri Sjóvár-Almennra
trygginga, býður sig sem kunnugt
er fram til formennsku hjá Sam-
tökum atvinnulífsins, en kosið
verður á aðalfundi samtakanna
föstudaginn 18. apríl næst-
komandi. Gárungar spyrja sig
hins vegar hvort ekki sé komin
upp ný staða í formannskjörinu
í ljósi þess að Sjóvá verður með
öðrum eigum Milestone skráð
dótturfélag sænska fjármála-
fyrirtækisins Invik. Velta
þeir hinir sömu gárungar
fyrir sér hvort forstjóri
í „sænsku félagi“ eigi
eitthvað með að veita
forystu samtökum
atvinnulífs á Íslandi.
Ekkert fannst í búi BM ráðgjafar
Ekkert fékkst upp í kröfur í tæplega 446 milljóna
króna gjaldþroti BM ráðgjafar ehf. Skiptum á
búinu lauk 19. mars síðastliðinn, en fyrirtækið
var tekið til gjaldþrotaskipta í apríllok í fyrra,
að því er lesa má í Lögbirtingarblaðinu.
Fyrirtækið (BM stendur fyrir bein markaðs-
setning) var samkvæmt heimildum blaðsins
mjög skuldsett, en launakröfur námu ekki
nema um 15 prósentum af heildarkröfum,
eða tæpum sjötíu milljónum króna.
Kröfuhafar eru þó misbrenndir,
en Landsbankinn mun hafa
átt þarna háar fjárhæðir, en
slapp með skrekkinn, eftir
að hafa selt þær kröfur.
Kaupandinn er víst ekki
jafnglaður og er sagður
hugsa sinn gang.
Peningaskápurinn ...
Metlækkun var innan dags á
skuldatryggingarálagi (CDS) á
íslensku bankana, að því er Vegvís-
ir Landsbankans greinir frá.
Álag á Kaupþing og Glitni stend-
ur í 900 punktum. Kaupþing lækk-
aði um 86 punkta og Glitnir um 102
punkta. Mest lækkaði Landsbank-
inn, um 144 punkta, og stendur álag
á skuldabréf hans í 700 punktum.
„Þessi mikla lækkun álagsins
kom nokkuð á óvart í ljósi tilkynn-
ingar matsfyrirtækjanna S&P og
Fitch Ratings í gær um breyttar
horfur fyrir lánshæfismat íslenska
ríkisins, íslensku viðskiptabank-
anna, Íbúðalánasjóð og Landsvirkj-
un,“ segir Landsbankinn og veltir
fyrir sér hvort komið sé að vendi-
punkti í umræðum um íslensku
bankana, en telur það þó óvíst. - óká
Metlækkun CDS