Fréttablaðið - 05.04.2008, Qupperneq 10

10 5. apríl 2008 LAUGARDAGUR
DÓMSMÁL Tveir karlmenn á fimm-
tugsaldri hafa verið dæmdir í
Héraðsdómi Reykjaness til fang-
elsisvistar fyrir húsbrot, líkams-
árás og brot á vopnalögum. Þeir
brutust inn í bílskúr með sleggju,
réðust á mann sem var þar fyrir
og beittu að auki rafstuðbyssu á
hann.
Árásin átti sér stað í Garðin-
um í september 2006. Samkvæmt
ákæru komu árásarmennirnir að
heimili manns sem þeir töldu
geyma tvö mótorhjól sem hafði
verið stolið. Ruddust þeir inn á
heimili hans en þar voru einung-
is fyrir kona hans og tvær
dætur.
Árásarmennirnir fundu svo
manninn í bílskúr við húsið. Þeir
réðust á hann og beitti annar
árásarmannanna rafstuðbyssu á
hann. Maðurinn hlaut nokkra
áverka.
Í dómnum segir að ekkert í
málinu hafi komið fram sem sýni
að maðurinn hafi átt aðild að
þjófnaði á mótorhjólunum.
Enn fremur segir í dómnum að
árásarmennirnir tveir hafi geng-
ið fram af miklu offorsi og hafi
ekki skeytt neitt um það að ung
börn húsráðenda yrðu vitni að
ófyrirleitinni aðför. Var annar
mannanna dæmdur í sex mánaða
fangelsi, þar af fjóra skilorðs-
bundna, en hinn í þriggja mán-
aða skilorðsbundið fangelsi.
- jss
Tveir karlmenn á fimmtugsaldri dæmdir fyrir húsbrot og líkamsárás:
Beittu rafstuðbyssu á mann
HÉRAÐSDÓMUR REYKJANESS Árásar-
mennirnir voru dæmdir í fangelsi, annar
alveg á skilorði, en hinn að hluta.
LÖGREGLUMÁL Ríkislögreglustjór-
inn varar, að gefnu tilefni, við enn
einni útgáfu af tölvubréfum í
anda Nígeríubréfa.
Þarna er um að ræða svindl
sem heitir FreeLotto þar sem
reynt er að hafa fé af fólki, að því
er segir í upplýsingum frá
embættinu.
Ríkislögreglustjórinn varar
fólk eindregið við að svara slíkum
bréfum, eða smella á vefslóðir í
þessum póstum. Eyða skal þeim
óopnuðum. Í þessu tilfelli er um
að ræða svindl sem er mjög virkt
um þessar mundir og fjöldi fólks
hefur tapað fé á þessum viðskipt-
um.
FreeLotto komið til lögreglu:
Varað við enn
einu svindlinu
BÚKAREST, FRÉTTABLAÐIÐ Geir H.
Haarde forsætisráðherra lýsti
óánægju íslenskra stjórnvalda með
flug rússneskra orrustuþota um
íslenskt flugumferðarstjórnar-
svæði á fundi Atlantshafsbanda-
lags-Rússlands ráðsins í Búkarest í
gær.
Forsetinn Vladimír Pútín og utan-
ríkisráðherrann Sergey Lavrov
sátu fundinn fyrir hönd Rússlands.
Rætt var um samskipti Atlants-
hafsbandalagsins [Nató] og Rúss-
lands á breiðum grunni. Í ávarpi
sínu fór Geir almennum orðum um
samskiptin við Rússa og sagði ríkin
góða granna á norðurslóðum. Vék
hann svo að fluginu og sagði
áhyggjuefni að Rússar sendu flug-
vélar inn á íslenskt flugstjórnar-
svæði án þess að tilkynna um það.
„Við getum ekki sagt að þetta sé
stórkostlegt vandamál, þeir eru
ekki að brjóta lög, en þetta er skrít-
ið og engin skýring hefur fengist á
þessu,“ sagði Geir í samtali við
Fréttablaðið í gær.
Rússarnir brugðust ekki við
orðum Geirs, sem segir sjálfsagt að
koma athugasemdum á framfæri
þegar aðgangur fáist að Rússlands-
forseta.
Þriggja daga sögulegum leiðtoga-
fundi Nató í Búkarest lauk í gær.
Fundurinn ákvað að veita Albaníu
og Króatíu aðild að bandalaginu og
samþykkti að fyrrverandi Sovétlýð-
veldin Georgía og Úkraína fengju
aðild einhvern tíma í framtíðinni.
Þá liggur fyrir að Makedóníumenn
fái aðild, að því gefnu að sátt náist
milli þeirra og Grikkja í nafnadeilu
ríkjanna. Grikkir neita að sam-
þykkja að fyrrverandi Júgóslavíu-
lýðveldið heiti Makedónía enda
Makedónía hin forna að stærstum
hluta í Grikklandi.
Sérstaklega var fjallað um mál-
efni Afganistan á Búkarestfundin-
um. Ásamt forystumönnum Nató-
ríkjanna 26 sóttu fulltrúar um
þrjátíu annarra ríkja fundinn, auk
framkvæmdastjóra Sameinuðu
þjóðanna og forseta framkvæmda-
stjórnar Evrópusambandsins. Sam-
mælst var um að kvika hvergi í
aðgerðunum í Afganistan og til-
greindu nokkrar þjóðir áætlanir um
aukin framlög til bæði öryggis- og
uppbyggingarstarfs. Meðal annars
ætla Frakkar að senda 700 manna
herlið til austurhluta landsins og
Ingibjörg Sólrún Gísladóttir upp-
lýsti að íslensk stjórnvöld ynnu að
áætlun til þriggja ára um þátttöku í
endurreisnar- og uppbyggingar-
starfi í landinu. bjorn@frettabladid.is
Lýsti óánægju
með Rússaflug
Forsætisráðherra lýsti óánægju með flug rússneskra
orrustuþota um íslenska flugumferðarstjórnarsvæð-
ið á fundi með Rússlandsforseta í Búkarest.
HALDIÐ TIL FUNDAR Geir H. Haarde forsætisráðherra sat þriggja daga leiðtogafund
Atlantshafsbandalagsins í Búkarest, ásamt Ingibjörgu Sólrúnu Gísladóttur utanríkis-
ráðherra. NORDICPHOTOS/AFP
VLADÍMÍR PÚTÍN Forseti Rússlands.
NORDICPHOTOS/AFP
INDVERSKUR OFURHUGI Indverskur her-
maður sýnir ofurhugalistir á mótorhjóli
á sýningu í Srinagar, héraðshöfuðborg
Jammu og Kasmír. FRÉTTABLAÐIÐ/AP
Við getum ekki sagt að
þetta sé stórkostlegt
vandamál, þeir eru ekki að brjóta
lög, en þetta er skrítið og engin
skýring hefur fengist á þessu.
GEIR H. HAARDE
FORSÆTISRÁÐHERRA