Fréttablaðið - 05.04.2008, Síða 46

● heimili&hönnun
Skipulagsmál í Reykjavík hafa verið ofarlega á baugi og sitt sýnist hverjum. Mikið hefur verið fjallað
um veggjakrot og niðurrif illa hirtra húsa sem og nýbyggingar sem falla að sumra mati misvel að
fyrra umhverfi. Þó má ekki gleymast að borgin státar líka af fallegum húsum og kennileitum sem
gleðja augað. Ljósmyndari Fréttablaðsins fór á stúfana og myndaði fallega uppgerð hús sem mörg
voru reist í lok nítjándu aldar og byrjun þeirrar tuttugustu. Þessi mannvirki eru óneitanlega mikil
prýði og setja einstakan svip á höfuðborgina. Þau hafa öll sína sögu að geyma sem forvitnilegt er
að skyggnast inn í. - ve
Fagra Reykjavík
Næpan við Skálholtsstíg 7 dregur nafn sitt af turni hússins sem minnir á garðávöxt
sem var algengur í Reykjavík í byrjun tuttugustu aldar. Landshöfðinginn Magnús
Stephensen lét reisa húsið árið 1903. FRÉTTABLAÐIÐ/GVA
Skólastræti 5 var reist af Einari Jónssyni
snikkara. Það er tvílyft með klassískum
miðjukvisti og hefur verið fallega haldið
við.
Lágreist hús í dönskum stíl við Þingholtsstræti 13. Húsið, byggt árið 1876, er friðað.
Þingholtsstræti 11 var byggt árið 1870
í nýklassískum stíl. Helgi Helgason,
snikkari, útgerðarmaður og tónskáld, á
heiðurinn að húsinu. Í dag er þar tann-
læknastofa.
Stjórnarráðið séð í gegnum verk myndlistarkonunnar Steinunnar Þórarinsdóttur.
Það er lágreist en um leið er yfir því reisn.
Þær eru ófáar konurnar sem hafa gengið hnarreistar niður Bankastrætið.
Skólastræti 1 var byggt árið 1915 en
húsinu hefur talsvert verið breytt síðan
þá.
Horft frá Bankastræti, inn Ingólfsstræti. Þarna standa falleg hús í hnapp, hvert með sínu sniði.
5. APRÍL 2008 LAUGARDAGUR10