Fréttablaðið - 17.04.2008, Page 44
17. APRÍL 2008 FIMMTUDAGUR8 ● fréttablaðið ● vinnuvélar
Gúmmívinnslan á Akureyri tók
nýverið yfir rekstur Alorku í
Reykjavík. Í kjölfar sameining-
ar var ákveðið að öll hjólbarða-
sala og -þjónusta félagsins færi
fram undir nafni og vörumerki
Alorku. Með þessum breyt-
ingum verður til eitt öflugasta
félag landsins á sínu sviði.
Spurður um ástæður sameining-
arinnar segir Ómar Guðmunds-
son framkvæmdastjóri hjá Alorku
að fara þurfi eitt og hálft ár aftur
í tímann þegar Gúmmívinnslan á
Akureyri keypti Höfðabakka, sem
var viðleitni í að koma sér betur inn
á markaðinn á höfuðborgarsvæð-
inu.
„Þetta er næsta skref,“ segir
Ómar. „Það voru mjög augljós sam-
legðaráhrif og hagkvæmni í að
leggja fyrirtækin saman. Þau voru
ekki í harðri samkeppni á markaðn-
um og markhóparnir voru ólíkir.
Alorka einblíndi á minni fyrir-
tæki, einstaklinga og jeppa meðan
Gúmmívinnslan var fókuseruð á
fólksbíladekk og stærri fyrirtæki.
Báðir markhópar áttu vel saman. Á
sama tíma og Gúmmívinnslan var
að hugsa um hvernig hægt væri
að koma ár sinni betur fyrir borð í
Reykjavík var Alorka að leita leiða
til að stækka og gera meira með þær
vörur sem það fyrirtæki hafði.”
Alorka mun sjá um sölu og þjón-
ustu á hjólbörðum, en rekstur
Gúmmívinnslunnar hf. verður hér
eftir fyrst og fremst á sviði fram-
leiðslu á sóluðum hjólbörðum
og ýmsum vörum úr endurunnu
gúmmíi. Fyrirtækið er það eina hér-
lendis sem hefur með höndum sóln-
ingu á hjólbörðum og endurvinnslu
á vörum úr afgangsefni, sem fellur
til við þá framleiðslu. Tengslin milli
fyrirtækjanna tveggja fullnýta
möguleikana á að lágmarka þá um-
hverfismengun sem hlýst af notkun
hjólbarða.
„Sameiningin er angi af því sem
hefur verið að gerast á hjólbarða-
markaðnum,“ segir Ómar. „Menn
hafa verið að leita leiða við að búa
til stærri einingar því það ríkir
gríðarlega hörð samkeppni. Maður
þarf ekki að líta lengra en til N1
fyrir tækjanna, þess sem Sólning
hefur verið að gera og Pitstopp sem
hefur orðið til núna úti á Dekkja-
lagernum. Þetta eru allt fyrirtæki
sem hafa leitað leiða til að stækka
og gera einingarnar hagkvæmari.“
Ómar segir að vörurnar séu í eðli
sínu erfiðar, það sé kostnaðarsamt
að halda stóran dekkjalager, það
taki mikil pláss og mikil umsýsla sé
í kringum það.
„Einn liður í að stækka Alorku er
að selja jeppadekk á vefnum undir
jeppadekk.is. Það fór langt fram úr
væntingum og tókst gríðarlega vel.
En það er ljóst að menn þurfa að ná
ákveðinni stærð á markaðnum til að
vera sterkir,“ segir Ómar. - nrg
Stærð er styrkur
Ómar Guðmundsson, framkvæmdastjóri Alorku, ásamt Gesti Árskóg, þjónustustjóra
Alorku Reykjavík. FRÉTTABLAÐIÐ/GVA
Nýi ökuskólinn býður upp á meirapróf til aksturs á vörubílum,
leigubílum, eftirvögnum og hópferðarbílum.
Meirapróf eða aukin ökuréttindi á hóp-, vöru- og leigubifreið
fást meðal annars hjá Nýja ökuskólanum. Inntökuskilyrði eru al-
mennt bifreiðastjórapróf auk annarra reglna sem hið opinbera
setur.
Réttindaaldur á vörubifreið og vörubifreið með eftirvagni er
átján ár, á leigubifreið tuttugu ár en réttindaaldur á hópbifreið
er 21 ár. Þó má hefja nám sex mánuðum áður en réttindaaldri er
náð. Læknisvottorð þarf að fylgja með umsókn um aukin ökurétt-
indi og þeir sem þess óska geta fengið skoðun hjá lækni í skólan-
um á meðan á námi stendur.
Skriflegt próf þarf að standast til að hægt sé að gangast undir
verklegt próf.
Á vinnuvélanámskeiðinu geta aðeins sautján ára og eldri tekið
þátt. Farið verður yfir þætti eins og vinnuvélastjórnun, öryggis-
mál, búnað og vinnutækni, auk þess sem rætt er um vinnubrögð
með vinnuvélum, vélfræði vinnuvélastjórans, vinnuskýrslur og
fleira.
Bóklegi hlutinn er áttatíu stundir. Síðan geta nemendur
keypt verklegar æfingar á vinnuvélar. Skólinn leigir einnig út
vinnuvélar og kennara fyrir nemendur.
Verkleg próf á vinnuvélar fara fram víða um land og annast
eftirlitsmenn frá Vinnueftirliti ríkisins framkvæmd þeirra. Rétt-
indaflokkarnir eru nokkrir og kostar hver þeirra kr. 2.365 krónur.
Skírteinið sjálft kostar kr. 3.220 krónur.
Próf á lyftara, gröfu og hjólaskóflu kostar að meðtöldu skír-
teininu 10.315 krónur. Upphæðin greiðist hjá Vinnueftirliti ríkis-
ins við afhendingu skírteinisins. Næsta námskeið fyrir meirapróf
hefst hinn 16. maí næstkomandi.
Allar nánari upplýsingar um fyrirkomulag námskeiða og skól-
ann er á heimasíðu skólans www.meiraprof.is. - rh
Meiraprófsnámskeið
um miðjan maí
Meirapróf eykur atvinnutækifæri þar sem hægt er að fá próf til aksturs á hóp-,
vöru- og leigubifreiðum, meðal annars hjá Nýja ökuskólanum. FRÉTTABLAÐIÐ/HARI
Auglýsingasími
– Mest lesið