Fréttablaðið - 17.04.2008, Blaðsíða 38
17. APRÍL 2008 FIMMTUDAGUR2 ● fréttablaðið ● vinnuvélar
„The Dancing Diggers“ frá JCB sýndi danskunáttu sína fyrir afmælisgesti við mikla
hrifningu.
Margt var um manninn á afmælishátíð Vélavers og nutu gestir þess að skoða full-
komnustu gerðir JCB-vinnuvéla í sýningarsal.
Hér mjakar Grímur Grétarsson sér ofan af vörubílspalli á beltagröfu, án utanað-
komandi hjálpar.
Traktorsgröfum JCB er greinilega ýmislegt til lista lagt, utan kröftugrar vinnugetu. MYNDIR/JÓN STEINAR JÓNSSON
Hún var ævintýri líkust, afmælishátíð Vélavers, í
tilefni þess að nú eru liðin 45 ár síðan fyrstu JCB-
vinnuvélarnar voru fluttar til landsins.
Á þriðja hundrað gestum var boðið til veglegrar af-
mælisveislu í glæsilegum húsakynnum Vélavers að
Krókhálsi föstudaginn 4. apríl, en alls voru tuttugu
JCB-vinnuvélar þeim mörgu góðu gestum til sýnis
sem sáu sér fært að halda daginn hátíðlegan með
starfsfólki Vélavers og fulltrúum JCB-vinnuvéla-
framleiðandans.
Boðið var upp á dýrindis veitingar og tónlistar-
atriði, en auk þess kom sérstaklega til landsins
„The Dancing Diggers“ frá JCB til að sýna gestum
sýningaratriði sitt á þremur JCB-traktorsgröfum á
bílaplaninu fyrir utan húsið, og þótti gestum mikið
til koma.
Einnig kom Grímur Grétarsson á traktorsgröfu
og sýndi ásamt syni sínum Grétari Grímssyni
hvernig þeir bera sig að við að klifra á gröfunni upp
á vagn og þá niður af og upp á vörubílspall á belta-
gröfu, án utanaðkomandi hjálpar, en við það gripu
gestir andann á lofti af hrifningu.
Fyrstu JCB-vinnuvélarnar voru sextán traktors-
gröfur af gerðunum JCB 3 og JCB 4, en þær komu til
landsins í mars árið 1963. Þremur árum síðar komu
fyrstu JCB-beltagröfurnar til starfa hérlendis, en
til gamans má geta þess að árið 1963 var talið að
aldrei fyrr hefði svo stór sending vinnuvéla komið
til Íslands, og voru allar vélarnar þegar seldar.
JCB er annað elsta nafn framleiðanda vinnuvéla
sem selja vélar á Íslandi og er heildarfloti JCB-
vinnuvéla sem eru í notkun í dag um 1.000 vinnu-
vélar, en það gerir JCB-vinnuvélar að þriðja stærsta
vinnuvélaflota landsins.
Í tilefni afmælisins var kynntur afmælisafsláttur
af JCB-vinnuvélum sem gildir út apríl.
- þlg
Dansandi traktorsgröfur
Tilkomumiklar JCB-traktorsgröfur mynda hér tignarleg göng
fyrir aðrar vinnuvélar að keyra í gegnum.