Fréttablaðið - 17.04.2008, Blaðsíða 68

40 17. apríl 2008 FIMMTUDAGUR
menning@frettabladid.is
Kl. 17
Danska söngvaskáldið, tónlistarmað-
urinn og fræðimaðurinn Per Warming
flytur fyrirlestur um neðanjarðar-
söngva á dögum Sovétríkjanna í
Reykjavíkurakademíunni, Hring-
braut 121, í dag kl. 17. Í fyrirlestri
sínum fjallar hann einkum um
andófssöngvarana Vladimir Vysot-
skij og Bulat Okudzjava og lofar
áheyrendum að heyra söngva þeirra
við eigin gítarleik.
Tónleikar Sinfóníuhljómsveitar Íslands í
kvöld verða helgaðir söngstjörnum gullaldar
söngvamyndanna í Hollywood. Hljómsveit-
inni til halds og trausts á tónleikunum verða
bandaríska söngleikjadívan Kim Criswell og
hljómsveitarstjórinn John Wilson.
Átrúnaðargoð Kim Criswell hafa frá barnæsku
verið söngkonur á borð við Julie Andrews
og Judy Garland og á tónleikunum í kvöld
fá að hljóma mörg þeirra dýrðlegu laga sem
þær gerðu fræg og mun andi gullaldarára
Hollywood svífa yfir vötnum. Criswell hefur átt
glæstan feril sem leik- og söngkona í söng-
leikjum í New York og London, hefur komið
fram með mörgum frægustu hljómsveitum
heims og gert ótal hljóðritanir. Fjórum þekkt-
um leik- og söngkonum verða gerð góð skil í
efnisskrá kvöldsins. Fyrsta skal telja Judy Gar-
land sem er líklega þekktust fyrir hlutverk sitt
í Galdrakarlinum frá Oz frá árinu 1939. Eftir að
hafa verið á samningi hjá MGM-kvikmyndaver-
inu í ein fimmtán ár var henni sagt upp þrátt
fyrir mikla sigra og velgengni. Garland sneri sér
þá að tónleikasviðinu og upptökum og náði
að heilla heiminn upp úr skónum þar rétt eins
og hún hafði gert á kvikmyndatjaldinu.
Doris Day er þekkt fyrir fjölbreytt hlutverk og
dans- og sönghæfileika sína. Hún var ein vin-
sælasta stjarna síns tíma og lék í um fjörutíu
kvikmyndum auk þess að syngja inn á einar
45 hljómplötur.
Hin enska Julie Andrews hefur í gegnum sinn
feril verið hlaðin lofi og verðlaunum fyrir störf
sín. Ferillinn spannar nú um 45 ár og hún er
ekki sest í helgan stein enn. Frægust er hún án
efa fyrir hlutverk sín í Sound of Music, Mary
Poppins og My Fair Lady.
Fjórða söngkonan sem Kim Criswell tekst á við
er Barbra Streisand. Tvenn Óskarsverðlaun og
sautján kvikmyndir teljast til afreka hennar, en
Streisand verður þó sennilega fyrst og fremst
minnst sem farsællar söngkonu. - vþ
Sönglög Hollywood
KIM CRISWELL Syngur lög úr söngvamyndum
með Sinfóníuhljómsveit Íslands í kvöld.
Listahátíðin List án landamæra
verður sett í fimmta skipti á
morgun kl. 17 með opnunarhátíð
í Ráðhúsi Reykjavíkur. Á
dagskránni eru tónlistaratriði,
upplestur og uppistand. Meðal
flytjenda eru Freyja Haralds-
dóttir og Alma Guðmundsdóttir
sem lesa upp úr bók sinni
Postulín, Valgeir Guðjónsson
kemur fram með kór Fjölmennt-
ar, Beggi blindi verður með
uppistand og Páll Óskar
Hjálmtýsson treður upp með
Dansklúbbi Hins hússins. Í
kjölfarið verður svo opnuð
stórglæsileg myndlistarsýning í
Austursalnum.
Um helgina kennir svo
margra grasa á dagskrá
hátíðarinnar. Á laugardaginn
stendur Átak fyrir gjörningi við
Alþingishúsið kl. 13 þar sem
myndaður verður óslitinn
hringur um húsið sem tákn um
sameiningu ólíkra hópa í
samfélaginu og er ljóst að þar
þarf margar fúsar hendur til. Á
Kaffi Rót í Hafnarstrætinu er
svo Geðveikt kaffihús Hugar-
afls, handverksmarkaður og
ljósmyndasýning.
Á Akureyri verða opnaðar
tvær sýningar á Safnasafninu á
Svalbarðseyri kl. 14 á laugardag
og í Borgarnesi verður opnuð
sýning í Landnámssetrinu kl. 14
á sunnudag. Af öðru áhugaverðu
sem hátíðin býður upp á má
nefna myndlistarsýningu
finnskra listamanna í Norræna
húsinu, tónleika á skemmtistað-
unum Organ í samvinnu við
tímaritið Mónitor og leiklistar-
veislu í Borgarleikhúsinu. Það
er því ljóst að af nógu er að taka
fyrir áhugafólk um menningu
og listir á þessari skemmtilega
fordómalausu listahátíð. Hægt
er að kynna sér dagskrá
hátíðarinnar í heild sinni á
síðunni www.listanlandamaera.
blog.is - vþ
Fjölbreytt
listahátíð
LIST ÁN LANDAMÆRA Allir ættu að geta
fundið eitthvað við sitt hæfi á þessari
líflegu hátíð.
Menningarmiðstöðin Gerðu-
berg í Breiðholti stendur fyrir
ritþingi með Einari Kárasyni
næstkomandi laugardag kl.
13.30. Einar er þjóðinni að
sjálfsögðu vel kunnur fyrir
skáldsögur á borð við Þar sem
Djöflaeyjan rís... og því hafa
væntanlega margir áhuga á að
heyra hann spjalla um verk sín
og störf. Stjórnandi umræðna
á þinginu er Halldór Guð-
mundsson og spyrlar eru rit-
höfundarnir Sjón og Gerður
Kristný.
En það verður ekki aðeins
spjallað á þinginu heldur verð-
ur einnig boðið upp á upplestur
úr verkum Einars og tónlistar-
atriði. Fram koma Karl Guð-
mundsson leikari, tónlistar-
maðurinn KK og Tómas R.
Einarsson og hljómsveit.
Ritþing hafa verið haldin í
Gerðubergi frá árinu 1999 og
hafa fyrir löngu eignast fastan
sess í menningarlífi borgarinn-
ar. Þingunum er ætlað að veita
persónulega innsýn í líf og feril
íslenskra rithöfunda. - vþ
Ritþing með Einari Kárasyni
EINAR OG KISI Einar mætir á ritþing í Gerðu-
bergi á laugardag, en ólíklegt er að kisi láti sjá
sig.