Fréttablaðið - 17.04.2008, Blaðsíða 82
HANDBOLTI Það er heldur betur
mikið undir í Framheimilinu í
kvöld þegar Fram tekur á móti Val
í N1-deild kvenna. Nái Fram að
landa sigri er liðið svo gott sem
orðið Íslandsmeistari. Tapi liðið
aftur á móti leiknum opnast leið
fyrir Stjörnuna að hrifsa af því tit-
ilinn á lokasprettinum.
„Ef við vinnum ætlum við að
lyfta bikarnum í Strandgötunni tíu
dögum seinna,“ sagði kraftaverka-
maðurinn Einar Jónsson, þjálfari
Fram, en hans lið er í þeirri sér-
kennilegu stöðu að eiga ekki leik í
lokaumferð mótsins og gæti því
þurft að fylgjast með örlögum
sínum úr stúkunni. Aftur á móti
myndu sigrar gegn Val og svo
næstneðsta liði deildarinnar, FH,
gera það að verkum að Fram yrði
meistari fyrir lokaumferðina.
„Það væri ekki gott að tapa gegn
Val og þurfa að treysta á aðra. Það
viljum við ekki,“ sagði Einar, sem
óttast ekki að hans unga lið fari á
taugum í kvöld þegar stelpurnar
fara í algjöran úrslitaleik þar sem
allt er undir.
„Ég óttast það ekkert. Við höfum
leitt þetta mót frá áramótum og
spilað hvern úrslitaleikinn á fætur öðrum og unnið oftar en ekki.
Okkur hefur gengið vel gegn Val
og ekki enn tapað á heimavelli í
vetur. Það stendur ekki til að
breyta því heldur ætlum við að
klára síðasta heimaleikinn með
stæl,“ sagði Einar en Fram hefur
unnið allar rimmurnar gegn Val í
deildinni.
Valsliðið hefur valdið talsverð-
um vonbrigðum í vetur. Var spáð
toppbaráttu á meðan Fram var
aðeins spáð sæti um miðja deild.
„Þær ætluðu sér að vinna mótið
og eru tölfræðilega enn með mögu-
leika. Ég á ekki von á að þær gefi
neitt eftir. Valsliðið er það best
mannaða í deildinni að mínu mati
og þær hafa eflaust engan áhuga á
að færa okkur titilinn á silfurfati.
Þær hljóta að berjast á meðan þær
eiga enn von. Það er líka mikil
pressa á þeim. Þær hljóta að
mæta taugaveiklaðar og
jafnvel stressaðri en við þar
sem mótið er búið hjá þeim ef
þær tapa,“ sagði Einar en hverju
þakkar hann hið frábæra og
óvænta gengi liðsins í
vetur?
„Takmark okkar
fyrir mótið var að
vera á meðal fjög-
urra efstu. Gengið
er framar vonum en
ég vissi sem var
hvað þessar stelpur gætu. Þær eru
sigurvegarar og tímaspursmál
hvenær liðið myndi springa út.
Stelpurnar hafa lagt mikið á sig,
sem og fólkið sem býr til frá-
bæra umgjörð í kringum
liðið. Ég eigna stelpunum og
þessu góða fólki árang-
urinn. Það er að upp-
skera eins og það
sáði,“ sagði Einar
Jónsson. - hbg
Kvennalið Fram getur sett níu fingur á Íslandsbikarinn takist því að leggja Val í Safamýri í kvöld:
Ætlum að lyfta bikarnum í Strandgötu
ÞÓREY RÓSA
STEFÁNSDÓTTIR
Hornamaðurinn snöggi
hefur farið á kostum í
vetur. FRÉTTABLAÐIÐ/ANTON
KRAFTAVERKAMAÐUR Einar Jónsson hefur unnið þrekvirki með ungt lið Fram í vetur en Framstúlkur hafa setið i bílstjórasætinu
lengstum og geta svo gott sem tryggt sér titilinn í kvöld. Einar er lifandi á línunni eins og sjá má. FRÉTTABLAÐIÐ/VALLI
N1-DEILD KVENNA
Toppbaráttan Leikir Stig
Fram 22 39*
Stjarnan 21 35*
Valur 21 34
* Stjarnan er með betri stöðu í inn-
byrðisviðureignum gegn Fram.
Leikir sem Fram á eftir:
17. apríl Fram-Valur
26. apríl FH-Fram
Leikir sem Stjarnan á eftir:
19. apríl Fylkir-Stjarnan
26. apríl Grótta-Stjarnan
3. maí Stjarnan-Valur
FÓTBOLTI Framherjinn David Villa
hjá Valencia viðurkennir að hann
sé mögulega að hugsa sér til
hreyfings eftir tímabil vonbrigða
á Spáni en Valencia er sem
stendur í sextánda sæti af tuttugu
liðum í La Liga.
Villa hefur farið mikinn með
Valencia eftir að hafa gengið til
liðs við „Los Che“ árið 2005 og
hefur nú þegar skorað 63 mörk á
tæpum þremur tímabilum.
„Ég horfi mikið á enska boltann
og félagið sem ég hef mestar
mætur á þar er klárlega Arsenal.
Félagið spilar skemmtilegan
einnar snertingar fótbolta með
miklum hraða og það yrði algjört
draumafélag fyrir mig og myndi
henta mínum leik mjög vel.
Agustin Morera, forseti Valencia,
segir að hann muni selja mig í
sumar ef gott tilboð berist og ég
vil ólmur sanna mig í ensku
deildinni,“ sagði Villa, sem játaði
að hann myndi jafnframt vera til
í að spila við hlið landa síns
Fernando Torres.. - óþ
David Villa, Valencia:
Arsenal er mitt
draumafélag
EFTIRSÓTTUR Villa er tilbúinn að leita á
ný mið eftir tímabil vonbrigða á Mest-
alla-leikvanginum. NORDIC PHOTOS/GETTY
Gleði í skólastarfi
13:00 Setning; Þorgerður Katrín Gunnarsdóttir, menntamálaráðherra
13:10 Ávarp; Margrét María Sigurðardóttir, umboðsmaður barna
13:20 „Vinátta barna“. dr. Fanny Jónsdóttir
14:00 Hlé – Hreyfing
14:20 „Jákvæðni – húmor og hlýlegt viðmót“. Edda Björgvinsdóttir, leikari
15:20 Kaffihlé
15:50 „ Í skólanum, í skólanum...„ Bjarni Ármannsson fyrrverandi skóladrengur
og núverandi faðir
16:15 „Hláturinn lengir lífið“. Valgerður Jónsdóttir skólastjóri og hláturjógi
16:50 Ráðstefnuslit; Margrét Pála Ólafsdóttir, formaður Samtaka sjálfstæðra
skóla
Þátttökugjald er kr. 6.900 ef fólk skráir sig fyrir 17. apríl en 8.000 ef fólk skrá
ir sig við innganginn.
Móttaka á skráningu er hjá Axel. Netf.: sssk@sssk.is
Ráðstefnustjóri: Edda Huld Sigurðardóttir, skólastjóri Ísaksskóla
Hjallastefnan ehf.
Skólar ehf.
Hjallastefnan ehf.