Fréttablaðið - 17.04.2008, Blaðsíða 74
46 17. apríl 2008 FIMMTUDAGUR
> Fiskisúpur …
… eru tilvaldar á þessum árstíma. Þær eru
léttari og sumarlegri en margar aðrar súpur, en á
sama tíma yljandi í íslenska vorveðrinu. Berið
fram með góðu brauði og hvítvíni fyrir sumar-
stemningu í kuldanum.
Churros er geysivinsæll eftirrétt-
ur í mörgum spænskumælandi
löndum, sem er oftar en ekki kall-
aður spænskir kleinuhringir. Rétt-
urinn á rætur sínar að rekja til
Spánar, en fæst nú víða um heim,
þó að ekki séu churros-lengjur
algengar hér á landi. Það er hins
vegar fjarri því ógerlegt að búa
þær til heima við.
Þessa uppskrift er að finna á
síðunni myrecipes.com.
Churros
Grænmetisolía, til steikingar
1 bolli vatn
115 g smjör
¼ tsk. salt
1 bolli hveiti
3 egg
¼ bolli sykur
¼ tsk. kanill
Hitið olíu í potti þar til þurr
brauðbiti sem settur er út í hana
verður gullinn og flýtur upp á
yfirborðið á einni mínútu.
Hitið vatn, smjör og salt saman
í potti, þar til það sýður. Hrærið
hveitinu saman við. Hrærið
stöðugt yfir lágum hita í um eina
mínútu, eða þar til blandan verður
að deigkúlu. Takið af hita.
Hrærið eggin í skál þar til þau
eru orðin að sléttri blöndu, hellið
út í deigblönduna og hrærið á
meðan.
Hellið deiginu í sprautupoka
með stjörnulaga gati. Sprautið 3-4
lengjum ofan í olíuna, skerið þær
frá pokanum með hnífi. Steikið
þar til gullinbrúnar, í um 2 mínút-
ur á hvorri hlið. Látið þorna á eld-
húspappír. Veltið lengjunum upp
úr kanilsykri og borðið. Churros
eru gjarnan bornir fram með
súkkulaðiídýfu, eins og sjá má á
myndinni.
Spænskir churros
Frá því að Te og kaffi-skólinn var
stofnaður árið 2005, hefur starf
hans að mestu leyti falist í því að
þjálfa starfsfólk Te og kaffi auk
þeirra fyrirtækja sem Te og kaffi
skiptir við, að sögn skólastjórans,
Halldórs Guðmundssonar. Aukin
áhersla verður hins vegar lögð á
námskeið fyrir almenning í fram-
tíðinni.
„Við ætlum að vera með fleiri
smökkunarnámskeið fyrir almenn-
ing, og svo þessi heimilisvélanám-
skeið sem við höfum reglulega
boðið upp á,“ útskýrir hann. Eitt
slíkt, fyrir eigendur Ascaso-véla,
verður haldið í húsnæði Te og
kaffi á Laugavegi 6. maí. „Það
færist hins vegar í aukana að fólk
hafi áhuga á kaffi svona almennt,
og þá eru smökkunarnámskeið og
almenn kaffinámskeið mjög snið-
ug,“ segir Halldór.
Nánari upplýsingar verður að
finna á heimasíðunni teogkaffi.is.
Aukinn kaffiáhugi
SKÓLINN Í FULLUM GANGI Te og kaffi-
skólinn hyggst leggja aukna áherslu á
kaffinámskeið fyrir almenning á kom-
andi mánuðum. FRÉTTABLAÐIÐ/ANTON
Veitingastaðurinn Orange var opnaður í síðustu
viku, þar sem Tveir fiskar voru áður til húsa á
Geirsgötu. Hann leggur áherslu á góðan mat, en
með aðeins öðruvísi og skemmtilegra ívafi en
margir aðrir. „Við erum með alls konar skemmti-
lega hluti sem eiga kannski ekki heima í „fine
dining“ annars staðar,“ útskýrir Þórarinn Egg-
ertsson, yfirkokkur á Orange.
„Við erum með skemmtilega tónlist, þjónarnir
eru kannski ekki í alveg hefðbundnum þjónabún-
ingum, og gestirnir geta fengið mat hangandi í
gasblöðrum, svo eitthvað sé nefnt. Kvöldið snýst
um að skemmta gestinum. Fólk þarf ekki að setja
sig í einhverjar ákveðnar stellingar, eins og þegar
það fer á flesta fínni staði. Við viljum frekar að
fólk borði og skemmti sér, og drífi sig svo á
kokkteilbarinn eftir á,“ útskýrir Þórarinn, en
barinn státar af spennandi kokkteillista, þar sem
andi níunda áratugarins svífur yfir vötnum.
Á sérstökum tilraunaseðli bregða matreiðslu-
mennirnir á Orange svo á leik með hin ýmsu efni.
„Þar erum við að leika okkur með fljótandi
köfnunarefni, helíum og alls konar fídusa sem við
notum í matargerðina. Við getum búið til skyr-
köku innan í afmælisblöðru, fryst ís fyrir framan
þig og eldað fisk fyrir framan nefið á gestinum.
Þetta er eitthvað sem er í þróun hjá okkur og
kemur með tímanum,“ útskýrir Þórarinn, sem
tekur þó fram að maturinn sé alltaf í fyrsta sæti.
„Aðaláherslan hjá okkur er fyrst og fremst á
góðan mat á flottum stað,“ bætir hann við. - sun
Öðruvísi upplifun á Orange
SKEMMTILEG UPPLIFUN Þórarinn Eggertsson segir veitinga-
staðinn Orange bjóða upp á „fine dining“ með skemmtilegum
formerkjum. FRÉTTABLAÐIÐ/ARNÞÓR
Hvaða matar gætirðu síst verið án? Það er fiskur. Íslenski
fiskurinn á að vera algjör undirstaða í fæðu okkar.
Besta máltíð sem þú hefur fengið: Það var þegar ég var
búinn að vera á rjúpnaveiðum í sólarhring og villtist í þoku.
Ég komst aðframkominn í veiðihús og gerði dauðaleit að mat
og fann þar saxbautadós, óútrunna, sem ég át. Ég held að
það hafi verið besta máltíðin.
Er einhver matur sem þér finnst vondur? Ég var píndur til
að borða plokkfisk og saltfisk í æsku, sem mér fannst ekki
vera matur. Ég hét því að ég myndi ekki borða það þegar ég
yrði sjálfráða, og hef staðið nokkurn veginn við það.
Leyndarmál úr eldhússkápnum: Það var gífurleg
opinberun þegar ég uppgötvaði ferskt pasta, það er
allt annað líf. Svo eru frumkryddin líka klassísk, salt og
pipar.
Hvað borðar þú til að láta þér líða betur? Mér finnst
eldbökuð pitsa með þunnum botni skemmtilegt
hversdagsdekur. Svo eru kjötbollur í brúnni a la
mamma bara það besta í heimi.
Hvað áttu alltaf til í ísskápnum? Ískalda mjólk,
nóg af osti og svo á ég alltaf gott hvítt brauð til í
frystinum. Ég er á móti þessari andúð fólks á hvítu
brauði, ég held að það sé saklaus blóraböggull.
Ef þú yrðir fastur á eyðieyju, hvað tækirðu með
þér? Ég tæki náttúrlega franskbrauð, biti af því báða
endana og borðaði það svo endalaust. Svo myndi
ég taka með mér hænu, ég gæti borðað hana og
hún gæti verpt fyrir mig líka.
Hvað er það skrítnasta sem þú hefur
borðað? Hundakjöt. Ég fékk það í Frakk-
landi einu sinni og fannst ekki gaman að
borða það. Maður verður að prófa samt.
MATGÆÐINGURINN JÖKULL JÖRGENSEN TÓNLISTARMAÐUR
Segir hvítt brauð saklausan blóraböggul
SÆTINDI Churros eru geysivinsælir víða
um heim, og ættu að falla í kramið hjá
sælkerum. NORDICPHOTOS/GETTY
Sigrún Baldursdóttir fata-
hönnuður og maðurinn
hennar skipta með sér hlut-
verkum í eldhúsinu. Sigrún
sér um kökubakstur og deil-
ir hér uppskrift að randalínu
fjölskyldunnar.
„Amma mín, Sigríður Skarphéð-
insdóttir, hefur bakað þessa köku í
fimmtíu ár, svo þetta er algjör
fjölskylduuppskrift,“ útskýrir Sig-
rún, sem er hönnuður og eigandi
verslunarinnar Lykkjufalls í
Garðastræti. „Aðrir fjölskyldu-
meðlimir eru farnir að spreyta sig
á henni núna, en mér finnst hún
alltaf langbest hjá ömmu, og með
ískaldri mjólk,“ bætir hún við.
Eins og vænta má eru margar
góðar minningar tengdar randa-
línunni. „Ég notaði hana meðal
annars með kaffinu í brúðkaupinu
mínu í fyrra, þegar ég og Valdi-
mar, maðurinn minn, giftum okkur
á Kimbastöðum í Skagafirði,“
útskýrir Sigrún.
Hún og Valdimar skipta með sér
verkum í eldhúsinu, að sögn Sig-
rúnar. „Hann er eiginlega betri í
eldamennskunni og ég er betri í
kökunum, svo það er bara fínt.
Mér finnst miklu skemmtilegra að
baka en að elda, og þá helst kökur,“
segir Sigrún, sem er nýflutt og
hæstánægð með stærri og betri
eldhúsaðstöðu. „Ég mun örugg-
lega gera meira af því að baka
núna, þegar það er almennilegt
pláss til að athafna sig,“ segir hún
og hlær við.
Sigrún opnaði verslunina
Lykkjufall fyrir um einu og hálfu
ári, þar sem hún selur hönnun
sína. Peysur fyrir konur með börn
á brjósti hafa vakið mikla eftir-
tekt, en hún hannar einnig venju-
legar peysur og býður upp á línu
fyrir börn. „Nú er ég búin að vera
að hanna nýja línu úr vistvænni
bómull, sem kemur í sumar. Svo er
ég komin með umboðsmann sem
selur hönnunina mína í Noregi, og
farin að selja í verslanir í Dan-
mörku, Svíþjóð og í New York, svo
þetta hefur allt gengið mjög vel,“
segir Sigrún, en hún og dóttir
hennar, Hedí Sólbjört, klæð-
ast báðar peysum frá Lykkju-
falli á myndinni.
Hrærið smjörlíki þar til
það verður lint og ljóst. Setj-
ið sykur og egg saman við.
Hrærið.
Hrærið hveiti, matarsóda,
kryddi og kakói saman við.
Bætið mjólkinni út í og hrær-
ið þar til deigið verður lint.
Smyrjið deiginu í fjórum
hlutum á bökunarplötu, svo
að hver lengja verði um 0,5
cm þykk. Bakið við 200 gráð-
ur í 20 mínútur.
Hrærið saman og raðið
kökunni saman, með þremur
kremlögum inn á milli.
sunna@frettabladid.is
Skemmtilegast að baka
FJÖLSKYLDUUPPSKRIFT Sigrún Baldursdóttir gefur uppskrift að randalínuköku fjöl-
skyldunnar. Dóttir hennar, Hedí Sólbjört, er ekki enn farin að smakka sætindi, en á
eflaust eftir að gæða sér á randalínu innan skamms. FRÉTTABLAÐIÐ/ARNÞÓR
BRÚN RANDALÍNA
250 g smjörlíki
325 g sykur
50 g hveiti
2 egg
3 msk. kakó
1 tsk. matarsódi
2 tsk. negull
1 tsk. kanill
½ tsk. kardimommudropar
2 dl mjólk
Krem:
3 msk. smjör/smjörlíki
2 bollar flórsykur
1 eggja rauða
2 msk. rjómi
Vanilludropar eftir smekk
Blaðberum
Fréttablaðsins
fjölgar um
30.000
maturogvin@frettabladid.is