Fréttablaðið - 17.04.2008, Blaðsíða 72

44 17. apríl 2008 FIMMTUDAGUR
bio@frettabladid.is
Vefmiðillinn Boston.com greinir
frá því á heimasíðu sinni að
ofurfyrirsætan Gisele Bünd-
chen verði hugsanlega nýjasta
fylgdarmær ólíkindatólsins
og mojo-kóngsins Austin
Powers. Gisele er ekki
ókunnug því að eiga í
sambandi við hjartaknúsara
af bestu gerð því hún var
sem kunnugt er unnusta
Leonardo DiCaprio og er nú
kærasta ruðningshetjunnar
Tom Brady.
Bündchen hefur komið
við sögu á hvíta tjaldinu áður og lék meðal
annars lítið hlutverk í The Devil Wears Prada
að ógleymdri amerísku endurgerðinni á
Taxi. Sem hún vill eflaust gleyma sem
allra, allra fyrst. Talið er að Mike Myers,
skapari hins breska njósnara, og framleið-
andinn Jay Roach séu að leita að aðalkven-
persónunni í fjórðu myndinni og að Gisele
sé þar efst á blaði.
Bündchen yrði ekki í slæmum
félagsskap ef hún féllist á hlutverkið
því meðal annarra leikkvenna sem
hafa verið Powers innan handar eru
söngkonan Beyoncé, Elisabeth Hurley
og Heather Graham.
Gisele í lið með Beyonce og Hurley
ÓLÍKINDATÓL Mojo-kóngurinn Austin Powers er
væntanlegur á hvíta tjaldið í fjórða sinn.
> ALLT LEKUR HJÁ SATC
Ekkert lát er á fréttum um söguþráð Sex
and the City-myndarinnar eða Beðmál-
um borgarinnar. Nú síðast greindi
New York Post frá því að Carrie og
Mr. Big myndu hugsanlega gifta sig,
Samantha flytti til Los Angeles og
Miranda kæmist á snoðir um fram-
hjáhald eiginmanns síns. Að ekki sé
talað um Charlotte sem á víst von á
barni.
NÝTT AFL Gisele gæti orðið Powers
innan handar í fjórðu myndinni.
Fornleifafræðingurinn
Henry Walton Jones Jr.,
betur þekktur sem Indiana
Jones, snýr aftur í sumar.
Harrison Ford hefur dustað
rykið af gamla hattinum,
svipunni og leðurjakkanum,
aðdáendum Indiana Jones
til mikillar gleði.
Nítján ár eru liðin síðan Jones-
feðgarnir riðu út í sólarlagið í
Indiana Jones and the Last
Crusade. Þá hafði þeim tekist að
vernda hið heilaga gral og sigrast
á valdagræðgi þriðja ríkisins. Og
deilt ástum með sömu konunni en
það er svo sem aukaatriði. Flestir
aðdáendur Indiana og félaga voru
nokkuð sáttir við þessa endalok,
honum hafði jú tekist að afhjúpa
ótrúleg leyndarmál á ferðum
sínum um heiminn og meira að
segja frelsað fátæka Indverja í
neyð um leið. En bæði George
Lucas og Harrison Ford vildu
framhald þrátt fyrir að Spielberg
teldi að þríleikur væri nóg og
menn ættu að snúa sér að öðru.
„En ég gat ekki leyft þeim að
gera fjórðu myndina bara tveir
og þeir voru svo ákveðnir að ég
varð bara að vera með,“ sagði
Spielberg í kvikmyndablaðinu
Empire á dögunum. Vafalítið
hefur það hjálpað Spielberg að
taka ákvörðun að ferill Harrison
Ford hefur tekið djúpa dýfu síðan
hann kynntist hinni horuðu Cal-
istu Flockhart. Og hann þurfti
verulega á góðum smelli að
halda.
Selleck fyrsta val
Sagan segir að Steven Spielberg
hafi dag einn komið að máli við
George Lucas og sagst vilja gera
svona James Bond-mynd. Félag-
arnir ræddu málin á Hawaii
skömmu eftir frumsýningu fyrstu
Star Wars-mynd-
arinnar og Lucas
tók vel í hug-
mynd Spiel-
bergs. Hann
sannfærði hins
vegar leikstjór-
ann um að hann
hefði eitthvað
mun betra í huga
sem gæti jafnvel
slegið við breska
leyniþjónustumann-
inum. Og úr varð
sagan af Indiana Jones
og leit hans að forboðnum
forngripum, yfirleitt í
kapphlaupi við gráðugan
óþjóðalýð eða jafnvel bara
nasista.
En Ford átti í upphafi
ekkert að vera Indiana
Jones. Þrátt fyrir að Spiel-
berg hafi viljað fá leikar-
ann á þá þvertók Lucas
fyrir slíkt. „Ég vil ekki að
Ford verði einhver Robert
De Niro-leikari hjá mér,“ á
Lucas að hafa sagt og vísaði
þar til blómlegs samstarfs
þeirra Martin Scorsese og De
Niro. Að endingu var Tom Sell-
eck ráðinn og tökuvélarnar
settar í startholurnar. En for-
ráðamenn sjónvarpsþáttarins
Magnum P.I. settu Selleck stólinn
fyrir dyrnar þegar tökur voru um
það bil að hefjast enda náði þáttur-
inn nýjum hæðum í vinsældum.
Og þá voru góð ráð dýr, rétt eins
og þegar vantaði Han-Solo í
Star Wars. Spielberg nefndi
nafn Fords á nýjan leik og
sökum þess hversu stutt
var í tökur féllst Lucas á
það, og sér væntanlega
ekki mikið eftir því.
Ford hefur tekist
að gera leðurjakk-
ann, hattinn og
svipuna að ein-
hverjum þekktustu
vörumerkjum í heimi
kvikmyndanna. Til
gamans má geta að
jakkinn og hatturinn
eru geymdir á Smith-
sonian-safninu í
Washington til varð-
veislu.
Leyndin gulls ígildi
Lítið hefur verið gefið upp
um söguþráðinn í Indiana
Jones and The Kingdom of
Crystal Skull. Vitað er að
hið dularfulla svæði 51 í eyðimörk
Nevada-ríkis kemur eitthvað við
sögu, illmennin eru rússnesk,
Jones á son og að sagan gerist í
kringum 1957. Að ekki sé minnst á
að Indiana er enn að kenna forn-
leifafræði en aðeins stunda-
kennslu eins og kemur fram í
myndbrotinu.
Þegar blaðamaður Empire fékk
að fylgjast með tökum fékk hann
lítið upp úr þeim Spielberg, Lucas
og Ford um söguþráðinn. „Þeir
svöruðu öllum mínum spurning-
um eins og hinir bestu stjórnmála-
menn, viku sér undan eins og
sannir pólitíkusar,“ skrifar hann.
Framleiðandinn Frank Marshall
sagði í blaðinu að það að halda ein-
hverju leyndu væri eitt erfiðasta
verkefnið á upplýsingaöldinni.
„Og þess vegna erum við svo
ánægðir með að hafa getað haldið
söguþræðinum leyndum og áhorf-
endum á tánum,“ sagði Marshall
við Empire.
Hins vegar er alveg ljóst að
biðin eftir fjórðu myndinni er
orðin spennuþrungin. Þegar fyrsta
myndbrotið kom á netið horfðu
tæplega tvö hundruð milljónir
manna á það fyrsta daginn. Og það
er því ekki að undra að Indiana
Jones and the Kingdom of Crystal
Skull skuli vera kölluð einhver
mest spennandi endurkoma síð-
ustu ára. freyrgigja@frettabladid.is
Endurkoma 21. aldarinnnar
INDY MÆTTUR AFTUR Kvikmyndin um Indiana Jones verður frumsýnd í lok maí hér á
landi. Reikna má með að hún slái einhver aðsóknarmet í Bandaríkjunum.
JAKKINN OG HATTURINN Þessir
tveir hlutir eru vel varðveittir í
Smithsonian-safninu í Wash-
ington.
Forgetting Sarah Marshall
Peter Bretter og sjónvarpskonan Sarah Marshall eru
hamingjusöm og ástfangin. Marshall er um það bil
að slá í gegn í sjónvarpinu og þegar það gerist lætur
hún Bretter fjúka. Til að ná áttum í lífi sínu og tilveru
ákveður Brettar að fara á sólríka og exótíska strönd
og er staðráðinn í að gleyma unnustu sinni. Honum
til mikillar undrunar hafði Sarah líka ákveðið að fara
til heitu landanna og því miður fyrir Bretter, er hún
með nýja kærastann hjá sér.
Leikstjóri: Nicholas Stoller Aðalhlutverk: Jason Segel
og Kristen Bell Niðurstaða IMDB: 8,2/10
In the Valley of Elah
Gamli hermaðurinn Hank Deerfield fær kvöld eitt
símhringingu um að sonur hans sé týndur. Hann var
á leiðinni heim eftir að hafa barist í Írak en hverfur
sporlaust skömmu eftir að hann er kominn út af herstöð-
inni. Deerfield ákveður sjálfur að rannsaka málið og kemst
á snoðir um að ekki sé allt með felldu. Lík sonarins finnst
síðan illa útleikið úti í eyðimörkinni og Deerfield unir sér
ekki hvíldar fyrr en hann kemst til botns í málinu, sama
hvað það kostar.
Leikstjóri: Paul Haggis Aðalhlutverk: Tommy
Lee Jones, Charlize Theron og Susan
Sarandon Niðurstaða IMDB: 7,6 / 10
Awake
Talið er að einn af hverjum 700 Bandaríkjamönnum
vakni á meðan þeir eru í aðgerð. Eru þeir þá í svoköll-
uðu „anesthetic awareness“, fullkomlega lamaðir en
meðvitaðir um hvað er að gerast. Og þetta gerist fyrir
Clay Beresford í miðri hjartaaðgerð. Eiginkona Sam
Lockwood þarf í kjölfarið að taka mikilvæga ákvörðun
og um leið að berjast við gamla drauga úr fortíðinni.
Leikstjóri: Joby Harold Aðalhlutverk: Jessica Alba,
Hayden Christiansen og Terence Howard Niðurstaða
IMDB: 6,5 / 10
FRUMSÝNDAR UM HELGINA