Fréttablaðið - 17.05.2008, Blaðsíða 29
LAUGARDAGUR 17. maí 2008 29
➜ VISSIR ÞÚ AÐ...
...á milli Evu Maríu og Gerðar eru 29 ár.
...þær tilheyra báðar íhaldssömum stjörnumerkjum; Eva
María er naut og Gerður er meyja.
...Eva María á í augnablikinu ekki sjónvarpstæki sem
virkar og ætlar ekki að fá sér nýtt sjónvarp fyrr en í haust.
...Gerður horfir alltaf á fréttir og góða viðtalsþætti en
finnst bíómyndirnar sem sjónvarpið býður upp á ekki
nógu góðar.
...Eva María á það til að skamma börnin á dönsku, því
þeim þykir danska svo skemmtileg.
...Gerður er afskaplega hrifin af súpum og koníakslöguð
nautakjötssúpa í mötuneyti RÚV sló nýlega í gegn hjá
henni.
vera í útvarpinu.
Eva María: Ég nefni Þorgerði
Katrínu Gunnarsdóttur. Mér
finnst hún með afskaplega gott
smitgen frá Gunnari pabba sínum.
Er með góðan róm og talar skýrt.
Svo náttúrlega dauðsé ég eftir
Kristjáni Kristjánssyni og rödd-
inni hans.
Gerður: Hann er með afskaplega
fallega rödd.
Eva María: Og skemmtilega fúl-
lynda.
Gerður: Já, hann gat snúið svolítið
upp á sig. Og var kúl.
Eva María: Ég elskaði það.
Komdu á Píkusögur
Íslendingum finnst alltaf skemmti-
legast þegar einhver gerir eitthvað
af sér. Hver eru eftirminnilegustu
mistökin ykkar úr vinnunni hingað
til?
Eva María: Það er örugglega eitt-
hvað hræðilegt sem maður reynir
að gleyma. Ég lenti til dæmis í
svipuðu og Lára Ómarsdóttir en
þá fór ég í loftið þar sem ég var að
æfa mig fyrir beina útsendingu
frá einhverri þrettándabrennu. Ég
stóð þarna og var að æfa hvað ég
ætlaði að segja, ruglaðist eitthvað
og byrja að blóta svona svakalega:
„Nei, hver andskotinn, djöfulsins
ruglið í mér...“, ekki vitandi að ég
var í útsendingu.
Gerður: Þetta er nú allt öðruvísi í
útvarpinu en maður getur samt
mismælt sig og sumir eru á því að
það megi aldrei mismæla sig en
auðvitað hefur maður lent í því.
Ég er kannski svona gömul eins og
guð má sjá en mismæli eru að
mínu mati allt í lagi og geta fengið
fólk til að hlæja aðeins, svo lengi
sem maður er ekki bara að bulla.
Eva María: Manst þú ekki eftir
skandalnum Gerður sem mér
hefur bara verið sagt frá, þegar
þú varst ungur þulur og þú ert að
biðja einhverja bátsmenn að láta
vita af sér samkvæmt tilkynning-
arskyldu. Svo segirðu svona í
lokin: „Elsku strákarnir mínir, lát-
iði nú vita af ykkur.“ Og þjóðin
stóð á öndinni!
Gerður: Sagði ég þetta? Það getur
vel verið. Ég man hins vegar vel
eftir því þegar Arnar Jónsson
hafði eitt sinn nýlokið lestri á mið-
degissögunni og hún var svo flott
lesin hjá honum að ég segi svona í
lokin að þarna sé lokið þessari frá-
bærlega vel lesnu sögu og í kjöl-
farið stoppaði síminn ekki. Ég
hefði ekki leyfi til að dæma um
það hvort að sagan væri góð eða
vond eða hvort Arnar læsi hana
vel eða illa. Þetta myndi ég flokka
undir þegar maður er búinn að
vera að hlusta á eitthvað stórkost-
legt og þarft svo í kjölfarið að
segja yfirveguð: Jóna Jónsdóttir
lék píanókonsert eftir Beethoven
– þegar þú ert alveg í skýjunum.
Þrjár mínútur og tuttugu sekúndur
Að lokum. Ef þið ættuð að skipta
um hlutverk og þú Gerður ættir að
velja viðmælanda í Sunnudags-
þátt Evu Maríu, hvern myndir þú
velja? Og ef þú Eva María ættir til
dæmis að velja lögin í Óskastund-
ina – hvaða þrjú lög myndir þú
setja á fóninn?
Gerður: Á ég að verða hún? Þá
myndi ég sko vilja hafa einhvern
ægilega huggulegan mann. Mér
finnst nefnilega betra að tala við
karla. Og ég hugsa að ég fengi
jafnvel komment fyrir það að vera
kannski með of marga karla hjá
mér.
Eva María: Já, þeir verða sem sagt
að vera huggulegir?
Gerður: Já, þeir verða nú að vera
sætir. Ég man til dæmis aldrei
eftir því að hann Óskar Jónasson,
þinn Eva María, hafi verið í við-
tali. Ég myndi bara tala við hann.
Eva María: En lög sem ég myndi
velja. Ég myndi bara velja alveg
ofboðslegar klisjur. Maríu Callas,
Casta Díva líklega.
Gerður: Hvað er það lag langt
aftur? Er það ekki alveg sex mín-
útur?
Eva María: Jú, það er svolítið
langt. Ég myndi líka velja Þetta
kvöld með Ellý Vilhjálms.
Gerður: Það er 3 mínútur og 21
sekúnda.
Eva María: Og ég myndi velja
Björt mey og hrein með Hall-
björgu.
Gerður: Það er bara 2:52 minnir
mig. Þetta er flott val, Eva.