Fréttablaðið - 17.05.2008, Blaðsíða 50

● heimili&hönnun
„Á þessari sýningu eru hlutir sem
hafa orðið á vegi mínum, til dæmis
í Góða hirðinum eða Kolaportinu.
Þetta eru hlutir sem er búið að af-
skrifa og ég hanna í kringum þá og
reyni að skapa þeim nýja sögu,“
segir Ragnheiður Ágústsdóttir,
myndlistarmaður og iðnhönnuður
sem opnaði sýninguna Bræðingur
á Skörinni í maí.
Ragnheiður stundaði myndlistar-
nám í Frakklandi en hélt síðan til
Mílanó á Ítalíu og lauk þaðan mast-
ersnámi í iðnhönnun. Verk henn-
ar bera keim af bæði handverki
og hönnun en að þessu sinni hafa
gamlir hlutir fengið glænýtt hlut-
verk og áður óþekkt framhalds-
líf. „Endurvinnsla er þema sem
liggur svolítið í loftinu núna. Ég
er líka mikill náttúruverndarsinni
svo endurvinnsla tengist því líka,“
segir Ragnheiður, sem notaði stytt-
ur sem prýddu áður mörg íslensk
heimili sem mikilvægan innblást-
ur. „Verkið hófst með pínustyttun-
um sem sumir kannast við. Bæði
magapínu- og tannpínustyttur,
en úr henni hannaði ég til dæmis
nammiskál,“ útskýrir hún. Í fram-
haldi af nammiskálinni bættist við
verk sem vaknaði til lífsins á bað-
herberginu. „Maðurinn minn var
gjarn á að týna lyklum og þegar
ég var að þvo mér um
hendurnar einn
daginn kviknaði
hugmyndin að
lyklakippunni með
baðtappanum,“ segir
Ragnheiður, sem stingur
nú lyklinum í litla skál með niður-
falli á símaborðinu hjá sér.
Hugmyndirnar koma úr ýmsum
áttum og Ragnheiður nefnir þar
bæði íslenska náttúru og aðra
hönnuði sem áhrifavald. „Öll
falleg hönnun hefur áhrif á mig og
kannski sérstaklega hönnun sem
er þægileg fyrir augun. Ég er mjög
hrifin af danskri hönnun og mjúk-
um línum en get einnig nefnt hol-
lenska hönnuðinn Hellu Jongerius,
Droog Design-hópinn, spænska
hönnuðinn Jaime Hayon, hinn ít-
alska Ettore Sottsass úr Memphis-
hópnum og Helen Amy Murray
sem hefur verið að gera nýstárlega
hluti í textíl.“
Fram undan eru fleiri hug-
myndir sem heimta að verða að
veruleika, eða eins og Ragnheið-
ur sjálf segir: „Skapandi
hugur er stöðugt að og það
er enginn stopp-
takki hjá
svoleiðis
fólki.“ Sýn-
ingin stend-
ur til 27. maí á
Skörinni, sem er til
húsa í Aðalstræti 10. www.hand-
verkoghonnun.is. - rh
Þægileg viðkomu fyrir augun
● Nýtt líf og endurvinnsla eru kveikjan að sýningu Ragnheiðar Ágústsdóttur, myndlistar-
manns og hönnuðar, sem var opnuð nýlega á Skörinni.
Hugmyndin að þessari lyklakippu fæddist á baðinu. Nú eiga lyklarnir sinn stað í
niðurfalli á símaborðinu. FRÉTTABLAÐIÐ/ANTON
Ragnheiður Ágústsdóttir, myndlistar-
kona og iðnhönnuður, er hrifin af
danskri hönnun og mjúkum línum.
Lítið folald hefur eignast nýtt engi í höndum Ragnheiðar.
17. MAÍ 2008 LAUGARDAGUR14