Fréttablaðið - 17.05.2008, Blaðsíða 64
36 17. maí 2008 LAUGARDAGUR
Anna Júlía Friðbjörnsdóttir
Spennt að
sjá gjörning-
ana
„Ég er búin að kynna mér dag-
skrána og það eru nokkrir við-
burðir sem ég ætla alls ekki að
missa af, fyrir utan stóru sýning-
una í Hafnarhúsinu sem allir fara
auðvitað á,“ segir Anna Júlía Frið-
björnsdóttir, myndlistarmaður og
annar tveggja ritstjóra Sjón-
aukans. „Ég ætla að fara á sýn-
inguna hennar Helgu Óskarsdótt-
ur í Gallerí Dvergi. Svo ætla ég
að sjá sýningu Sirru Sigrúnar Sig-
urðardóttur í Kling & Bang,“
segir Anna Júlía og bætir því við
að þarna séu á ferðinni fulltrúar
yngri kynslóðar íslenskra lista-
manna sem vert sé að athuga.
„Svo ætla ég að sjálfsögðu í
Nýlistasafnð að sjá Karl
Holmqvist. Við höfum ekki séð
mikið af honum hingað til og það
er gaman að fá listamann eins og
hann á þessa hátíð. Samhliða hans
sýningu verður gjörningadagskrá
og yfirlit yfir íslenska gjörninga
sem ég hlakka til að sjá,“ segir
Anna Júlía.
Anna Júlía segist fylgjast sér-
staklega vel með hátíðinni í ár því
nú sé áherslan á myndlist. „Það
tókst mjög vel upp árið 2005 en
þegar áherslurnar eru aðrar er ég
ekki eins dugleg að láta sjá mig.“
■
Þorsteinn J. Vilhjálmsson
Í lagi að
missa af
sumu
„Ég er reyndar sjálfur að undirbúa
aðra listahátíð sem er EM í fótbolta
í júní,“ segir Þorsteinn J. Vilhjálms-
son fjölmiðlamaður, sem ætlar þó
að láta sjá sig á nokkrum völdum
viðburðum Listahátíðar. „Það sem
mér finnst flottast við Listahátíð-
ina í ár er þessi áhersla á myndlist.
Það er skynsamlegt að setja eina
listgrein í forgrunn og hafa hátíð-
ina ekki bara í svæðisnúmerum
Reykjavíkur heldur fara út um
landið líka. Maraþonið í Hafnar-
húsinu þar sem Ólafur Elíasson er
veislustjóri er frábær tilraun til
þess að láta listina renna saman við
samfélagið og því ætla ég ekki að
missa af,“ segir Þorsteinn og bætir
því við að hann sé ánægður með þá
þróun Listahátíðar að gefa íslensk-
um listamönnum meiri gaum í sam-
bland við þá erlendu.
„Það er margt spennandi í boði.
Amiina og Undralandið eru til
dæmis flottir viðburðir og svo ætla
ég að kíkja í Þjóðminjasafnið til að
skoða samtímaljósmyndun,“ segir
Þorsteinn, sem nær þó ekki að sjá
allt sem hann langar. „Ég missi því
miður af tónleikum Wayne Shorter
hinn 24. maí því þá verð ég í Wash-
ington að taka upp efni fyrir nýja
heimildarmynd. En þannig er það
bara með Listahátíð, stundum þarf
maður að leyfa sér að missa af
sumu.“ ■
Margrét Vilhjálmsdóttir
Ætlar að sjá
Super Mama
Djombo
„Það sem vekur mestan áhuga
minn er tilraunamaraþonið í Hafn-
arhúsinu. Mér finnst það hrika-
lega spennandi og ætla að fylgjast
vel með því,“ segir Margrét Vil-
hjálmsdóttir leikkona. „Uppá-
haldslistakonan mín hún Marina
Abronovic verður með gjörning á
sunnudaginn sem ég ætla ekki að
missa af. Hún hefur lengi verið í
uppáhaldi en ég hef aldrei áður
átt kost á að sjá hana með berum
augum. Svo verður Dr. Ruth líka
með henni svo þetta er allt ofboðs-
lega spennandi. Maður verður að
nýta þetta tækifæri enda er ekk-
ert hlaupið að því að hitta svona
fólk,“ segir Margrét, sem er nú
þegar búin að kíkja á nokkra við-
burði Listahátíðar.
„Ég fór á opnunina í Hafnarhús-
inu á fimmtudaginn og það var
frábært. Þetta er mögnuð og
metnaðarfull sýning sem allir
verða að sjá. Ég hugsa að ég eigi
eftir að fara þangað aftur. Svo
kíkir maður auðvitað á Kjarvals-
staði. Það er opnun þar á sunnu-
daginn og margir góðir listamenn
að sýna, til dæmis Hrafnkell Sig-
urðsson og Sigurður Guðjónsson.
Mér sýnist líka vera mikið af
spennandi tónlistarviðburðum í
boði og ég vona að ég nái að fara á
tónleika Super Mama Djombo,“
segir Margrét. ■
Bragi Ólafsson
Fer með syn-
inum á tón-
leika
„Ég fer að sjá Wayne Shorter í
Háskólabíói og hlakka mjög til,“
segir Bragi Ólafsson rithöfundur.
Bragi segist hafa hlustað á
Shorter síðan hann var unglingur
og það hafi því aldrei annað komið
til greina en að kaupa miða á tón-
leikana. „Ég hef reyndar séð hann
áður. Það var úti á Spáni fyrir tut-
tugu árum. Það verður gaman að
sjá hann aftur, núna ætla ég að
taka eldri son minn með mér enda
hlustum við báðir mikið á þessa
tónlist. Svo getur vel verið að ég
kíki á fleiri viðburði. Ég á eftir að
skoða dagskrána betur en mér
finnst þetta flott hátíð og hef
reynt að sækja viðburði tengda
henni undanfarin ár. Það eru þá
helst tónleikar og myndlistarsýn-
ingar,“ segir Bragi. ■
Auður Ólafsdóttir
Listin breytir
eldfjöllum í
glerfugla
„Ég ætla á sýningu Íslenska dans-
flokksins og norska Carte Blanche
dansflokksins í Borgarleikhúsinu.
Mér skilst að sýningin fjalli um blá-
hval og þrár svo ég hlýt að þurfa að
sjá það. Þar fyrir utan er það mynd-
listarhluti Listahátíðar sem snertir
mig mest og ég ætla að sjá talsvert
af þeim myndlistaruppákomum
sem eru á dagskrá,“ segir Auður
Ólafsdóttir listfræðingur.
„Ætli ég byrji ekki í Listasafni
ASÍ. Þar ætlar Halldór Ásgeirsson
að bræða steina úr eldfjöllum sem
ég held mikið upp á og búa til úr
þeim glerfugla. Það finnst mér
óskaplega spennandi enda er það
einmitt þetta sem listin gengur út á
– að breyta eldfjöllum í glerfugla.
Eftir þá sýningu er vel við hæfi að
rölta niður í Start Art á Laugaveg-
inum og skoða verk Rúríar –
Sökkvun. Það er flott að fara beint
úr eldfjöllunum og yfir í fallvötn-
in,“ segir Auður, sem ætlar að halda
ferðinni áfram þaðan og koma við í
Kling & Bang til að sjá sýningu
Sirru Sigrúnar. „Þar er hún að fást
við svolítið mikilvæga hluti. Allt
þetta sem er ekki mælanlegt og
ekki sýnilegt sem skiptir svo miklu
máli á þessum efnishyggjutímum,“
segir Auður og bætir því við að hún
eigi hreinlega bágt með að velja á
milli viðburða og langi mest að sjá
allan myndlistarhluta Listahátíðar.
„Það er svo margt spennandi á
dagskrá. Ég ætla til dæmis að sjá
sýninguna á Kjarvalsstöðum sem
kallast Draumar um ægifegurð í
íslenskri samtímalist. Á boðskort-
inu er mynd af verki eftir Daníel
Magnússon sem heitir So fucking
peaceful. Það gefur fyrirheit um að
á sýningunni verði engin 19. aldar
lognmollu rómantík,“ segir Auður,
sem ætlar að sjálfsögðu að draga
fjölskyldu og vini með sér á sýninga-
röltið. „Það er svo miklu skemmti-
legra að hrífast í fleirtölu.“
„Uppáhaldslistakonan mín hún Marina Abronovic verður með gjörning á sunnu-
daginn sem ég ætla ekki að missa af. Hún hefur lengi verið í uppáhaldi en ég hef
aldrei áður átt kost á að sjá hana með berum augum“. - Margrét Vilhjálmsdóttir
leikkona
Ómissandi á Listahátíð...
Listahátíð í Reykjavík er hafin og meðan á henni stendur getur allt gerst. Eldfjöll breytast í glerfugla, dularfullar tilraunir fara
fram í Hafnarhúsinu og í miðri Reykjavíkurtjörn er hús í hálfu kafi. Dagskráin er fjölbreytt og allir ættu að geta fundið eitthvað
við sitt hæfi. Þórgunnur Oddsdóttir heyrði í nokkrum listunnendum og fékk að vita hverju þeir ætla ekki að missa af.
Frá Tilraunamaraþoninu í Hafnarhúsinu