Fréttablaðið - 17.05.2008, Blaðsíða 70

42 17. maí 2008 LAUGARDAGUR
menning@frettabladid.is
Listaverkefninu Ferðalag verður ýtt úr vör
í dag, en um er að ræða framtak þriggja
listastofnanna á Austurlandi í samstarfi
við Listahátíð í Reykjavík. Stofnanirnar eru
Skaftfell - miðstöð menningar á Austur-
landi, Sláturhús - Menningarsetur og Eiðar
listasetur.
Ferðalagi er ætlað að drífa áhorfendur
með sér á vit hins ókunna og óvænta
og leiða þá um hugmyndabanka þeirra
listamanna sem taka þátt í verkefninu,
með drjúgri viðkomu í hugskotum þeirra
og sálarkimum. Þannig gefst áhorfend-
um kostur á að upplifa eftirminnilega
listviðburði í fögru umhverfi og björtu vori
á Austurlandi.
En hverjir eru þessir listamenn sem
veita dýrmæta innsýn í sálarkima sína? Á
Eiðum sýna tveir listamenn verk sín, þeir
Lennart Alves og Hrafnkell Sigurðsson. Þeir félagar eiga það sameigin-
legt að vinna talsvert með ljósmyndir og því verður forvitnilegt að sjá
hvort einhver samhljómur myndist á milli
sýninga þeirra á Eiðum.
Í Sláturhúsi-Menningarsetri má sjá verk
eftir breska listamanninn Paul Harfleet,
finnska hljóðlistamanninn Matti Saarinen
og Söru Björnsdóttur. Þessir listamenn
eiga það sameiginlegt að pólitískur undir-
tónn er í verkum þeirra, en að öðru leyti
má vænta þess að sýningar þeirra verði
talsvert ólíkar.
Í Skaftfelli verður boðið upp á
uppákomu og sýningu á vegum lista-
hópsins Skyr Lee Bob, sem í eru þau Erna
Ómarsdóttir, Guðni Gunnarsson og Lieven
Dousselaere. Þar sýna einnig verk sín
listamennirnir Cristoph Büchel og Pétur
Kristjánsson.
Ljóst er af þessarri upptalningu að Aust-
urland er síður en svo í menningarsvelti
um þessar mundir; freistandi er fyrir íbúa annarra landshluta að láta
áhyggjur af bensínverði lönd og leið og spæna austur í veisluna. - vþ
Ferðalag um hið ókunna
SKYR LEE BOB Listahópur sem tekur þátt í Ferðalagi á
Austurlandi.
Kl. 13
Sýningin Augliti til auglitis við Kína
verður opnuð í Listasafninu á
Akureyri í dag kl. 13. Á henni má sjá
málverk og skúlptúra eftir níu
kínverska samtímalistamenn, þau
Chen Qing Qing, Fang Lijun, Liu Ye,
Tang Zhigang, Wei Dong, Yang
Shaobin, Yue Minjun, Zhang Xiao-
gang og Zhao Nengzhi. Sýningin er
hluti af dagskrá Listahátíðar í
Reykjavík.
Viðburður á mörkum tónlistar og mynd-
listar á sér stað í Listasafni Reykjavík-
ur í Hafnarhúsinu á mánudagskvöldið.
Þar kemur fram slagverkshópurinn
Percusemble Berlin og flytur verk eftir
sex tónskáld frá Írlandi, Berlín og Íslandi.
Myndlistarmaðurinn Egill Sæbjörnsson
sér um að skapa tónleikunum nýstárlegan
sjónrænan ramma með myndbandsverkum
sínum.
Á efniskrá tónleikanna eru verk eftir írska tón-
skáldið Ed Bennett, Berlínartónskáldin Jeremy
Woodruff og Helmut Zapf og íslensku tónskáldin
Úlfar Haraldsson, Atla Heimi Sveinsson og Pál Ivan
Pálsson. Í verkum Atla Heimis og Helmuts Zapf
leikur Freyja Gunnlaugsdóttir einleik á klarínettu,
en verk Atla var samið sérstaklega fyrir Freyju.
„Þetta eru í raun fremur hefðbundnir nútímak-
lassík-tónleikar, en ég hef þó aðeins potað í umgjörð
þeirra,“ segir Egill, aðspurður um aðkomu sína að
verkefninu. „Ég vann ekki beint út frá sjálfum tón-
verkunum sem flutt verða, heldur einbeitti ég mér
að því hvernig upplifun það er að fara á svona tón-
leika og reyndi að skoða framsetningu þeirra og
vinna út frá henni. Verkin mín skapa þannig mögu-
leika á nýrri upplifun á frekar hefðbundnu tónleika-
formi.“
Egill er sjálfur ekki ókunnur tónlistarheiminum;
árið 2001 gaf hann út plötuna Tonk of the lawn sem
hlaut góðar viðtökur gagnrýnenda. Hvernig þykir
Agli að fóta sig á tveimur listsviðum? „Í báðum til-
vikum er maður dálítið eins og vísindamaður að
prófa sig áfram með tilraunum. Maður hefur vissan
grunn sem maður svo byggir á og reynir að finna
nýjan flöt á því sem maður þekkir. Frá mínum bæj-
ardyrum séð er því ákaflega svipað ferli sem liggur
að baki sköpun myndlistar og tónlistar.“
Egill hefur þó verið afkastameiri á sviði mynd-
listar en tónlistar undanfarin ár og eru eflaust
margir, tónlistargagnrýnendur sem aðrir, sem bíða
með öndina í hálsinum eftir næstu tónlistarútgáfu
hans. „Ég tók upp plötu síðasta sumar, en ennþá er
óvíst hvenær hún kemur út. Það verður vonandi
bara sem fyrst,“ segir Egill og veitir þar með aðdá-
endum sínum örlitla vonarglætu um að biðin sé
senn á enda. vigdis@frettabladid.is
Potað í tónleikaumgjörð
EGILL SÆBJÖRNSSON Skapar tónleikum nýtt umhverfi á mánu-
dagskvöld. FRÉTTABLAÐIÐ/ARNÞÓR
Saga að
segja frá því
Sunnudaginn 25. maí hefst í
Landnámssetrinu í Borgar-
nesi landskeppni sagna-
manna sem ber yfirskriftina
Saga til næsta bæjar. Þar
munu sagnamenn keppa um
titilinn Sagnamaður ársins
2008. Keppninni verður
fram haldið þrjá næstu
sunnudaga 1., 8. og 15. júní
og sunnudaginn 22. júní
verður svo keppt til úrslita.
Það eru gestir sem velja
besta sagnamann hvers
kvölds í leynilegri atkvæða-
greiðslu.
Ríkisútvarpið tekur allan
flutninginn upp og mun
Einar Kárason rithöfundur
vinna úr efninu þætti sem
fluttir verða fjórtán
sunudagskvöld eftir fréttir í
sumar. Fyrsta útsending er
1. júní. - vþ
Kynningarfundur
Mánudaginn 19. maí kl.18.00 verður haldinn
kynningarfundur í Waldorfskólanum í Lækjarbotnum,
fyrir áhugasama foreldra 6 ára barna.
Á fundinum verður gefi n innsýn í Waldorfuppeldis-
fræðina og áherslur Waldorfskólans í Lækjarbotnum.
Waldorfskólinn Lækjarbotnum
v. Suðurlandsveg s. 5874499 waldorf@simnet.is
FIMMTUDAGUR 15. MAÍ KL. 20
FIÐLUTÓNLEIKAR - LHÍ
GRETA SALÓME STEFÁNSDÓTTIR
FÖSTUDAGUR 16. MAÍ
KL.19 OG KL.21
LAUGARDAGUR 17. MAÍ
KL.19 OG KL.21
HVERS VIRÐI ER ÉG?
NÝR GAMANLEIKUR ÚR SMIÐJU
BJARNA HAUKS ÞÓRSSONAR.
ÖRFÁ SÆTI LAUS!
LAUGARDAGUR 17. MAÍ
KL 8:30-16
MARAÞONTÓNLEIKAR
KÁRSNESKÓRANNA VOR 2008
KAFFIHLAÐBORÐ ALLAN DAGINN
ÞRIÐJUDAGUR 20. MAÍ
KL.17 PÍANÓTÓNLEIKAR – LHÍ
GUNNAR GUÐJÓNSSON
KL.20 FIÐLUTÓNLEIKAR – LHÍ
HULDA JÓNSDÓTTIR