Fréttablaðið - 17.05.2008, Blaðsíða 8

8 17. maí 2008 LAUGARDAGUR
Auglýsingasími
– Mest lesið
BÚRMA Alþjóðlegar hjálparstofn-
anir hafa enn ekki hugmynd um
hvernig ástandið á hamfarasvæð-
unum í Búrma er í raun. Herfor-
ingjastjórnin hefur ekki hleypt
útlendingum á svæðið til að kynna
sér ástandið.
Í veffréttamiðlinum Irrawaddy,
sem flytur fréttir frá Búrma og
öðrum Suðaustur-Asíuríkjum, er
haft eftir fyrrverandi yfirmanni í
her Búrma að ólíklegt sé að her-
inn færi að berjast gegn erlendu
herliði sem kæmi til að hjálpa
landsmönnum, jafnvel þótt yfir-
stjórn hersins skipaði svo fyrir.
Hermennirnir og fjölskyldur
þeirra hafa farið jafn illa út úr
hamförunum og aðrir lands-
menn.
Í sama miðli segir að almenn-
ingur í landinu geri sér fulla grein
fyrir því að Búrma sé eitt fátæk-
asta land í heimi eftir nærri hálfr-
ar aldar stjórn herforingjaklík-
unnar.
Herforingjastjórnin viðurkenn-
ir óbeint að erlend hjálpargögn
hafi ekki öll skilað sér til nauð-
staddra. Fréttir hafa borist af því
að yfirmenn í hernum hafi tekið
hjálpargögn og selt á markaði.
Þá hafa borist fréttir af því að
herforingjastjórnin hafi rekið
flóttafólk úr klaustrum, þar sem
það hafði leitað skjóls, af ótta við
að munkarnir hafi „slæm áhrif“
og innræti fólkinu andstöðu við
stjórnvöld.
Ban Ki-moon, framkvæmda-
stjóri Sameinuðu þjóðanna, var
óvenju harðorður í vikunni þegar
hann sagði það „gjörsamlega
óviðunandi hve hæg viðbrögðin
við þessu alvarlega ástandi“
hefðu verið.
Hann sagði þó ekki rétt að ein-
stök ríki færu upp á sitt eindæmi
að senda herlið inn í landið með
hjálpargögn í óþökk stjórnvalda.
Það væri verkefni öryggisráðs
Sameinuðu þjóðanna að taka
afstöðu til aðgerða af því tagi.
Sameinuðu þjóðirnar telja að
allt að tvær milljónir manna séu í
nauðum staddar vegna ástands-
ins. Einungis lítill hluti þessa
hóps hefur fengið minnstu aðstoð.
Nánast öruggt er að æ fleiri
þeirra veikjast úr farsóttum og
deyja berist þeim ekki hjálp hið
fyrsta.
Thomas Gurtner, sem er yfir-
maður hjá Rauða krossinum,
segir að skortur á hreinu neyslu-
vatni muni valda flestum dauðs-
föllum á næstu dögum.
„Að útvega hundruðum þús-
unda manna á óshólmasvæðinu
hreint vatn krefst meiriháttar
aðgerða, sem við höfum hvorki
efni, leiðir né mannafla til að
sinna,“ sagði hann.
gudsteinn@frettabladid.is
Enginn veit hvernig
ástandið er í Búrma
Herforingjastjórnin í Búrma getur varla lengur reitt sig á eigin hersveitir. Út-
lendingum enn ekki hleypt inn á neyðarsvæðin. Hjálpargögn skila sér enn
hægt til nauðstaddra. Mesta ógnin er skortur á hreinu drykkjarvatni .
TEKIÐ TIL MATAR SÍNS Þessi börn í einu úthverfa Rangún nutu í gær góðs af matar-
gjöfum. FRÉTTABLAÐIÐ/AP
KJARAMÁL Aðalfundur BHM lýsti í
gær yfir áhyggjum vegna patt-
stöðu í samningaviðræðum við
ríkið og sagði óviðunandi að samn-
inganefndir mættu á fundi án þess
að nokkrar eiginlegar viðræður
ættu sér stað.
Kyrrstaða væri „alfarið á
ábyrgð fjármálaráðherra. Aðild-
arfélögum BHM er enn boðið upp
á samning með forsenduákvæði
sem þegar er brostið og því er það
skýlaus krafa aðalfundar að fjár-
málaráðherra veiti samninga-
nefnd sinni umboð til að ræða um
samningsmarkmið sem sátt gæti
náðst um“, segir í ályktun aðal-
fundarins.
Guðlaug Kristjánsdóttir, Stéttar-
félagi sjúkraþjálfara, var kjörin
formaður BHM á aðalfundinum.
Páll Halldórsson, Félagi íslenskra
náttúrufræðinga, var kjörinn
varaformaður.
Samninganefnd BHM hitti
samninganefnd ríkisins á fundi í
fyrradag en Páll Halldórsson,
varaformaður BHM, segir að lítið
hafi þokast í viðræðunum. Fundur
sé boðaður aftur í næstu viku.
BHM hafi sem bandalag verið
upptekið af sínum málum upp á
síðkastið en nú sé komin lausn á
þeim og þá sé hægt að ræða hvern-
ig taka skuli á samningamálun-
um. - ghs
Guðlaug Kristjánsdóttir kjörin formaður á aðalfundi BHM:
Lítið þokast í samningum
NÝR FORMAÐUR Guðlaug Kristjánsdóttir
sjúkraþjálfari var kjörin nýr formaður
BHM í gær.
A
T
A
R
N
A
Nóatúni 4 · Sími 520 3000
www.sminor.is
Eldunartæki,
kælitæki,
og uppþvottavél
í eldhúsið þitt.
Sannarlega
góð hugmynd!
A
T
A
R
N
A
Þú slærð í gegn
með Siemens
Sumarferð
til Barcelona
Innifalið: Flug með sköttum og öðrum greiðslum, gisting á Hesperia-hótelinu
með morgunverði, akstur til og frá flugvelli og íslensk fararstjórn.
Nánar á expressferdir.is
eða í síma 5 900 100
65.900 kr.
Verð á mann í tvíbýli
13.–16. júní
Fararstjóri: Halldór Stefánsson
F
í
t
o
n
/
S
Í
A