Fréttablaðið - 20.06.2008, Síða 34

„Ég kom til Íslands í fyrsta sinn
um síðustu áramót til að fagna
nýju ári. Ég endaði í partíi með
Quentin Tarantino og kynnt-
ist Ásgeiri Hjartarsyni, eiganda
hárgreiðslustofunnar Supern-
ova, í gegnum sameiginlegan vin
okkar,“ segir breski hárgreiðslu-
maðurinn Johnny Chrisoustomoy
um örlagaríka heimsókn sína til
Íslands. „Ég varð strax yfir mig
heillaður af landi og þjóð og bar
það upp við Ásgeir hvort ég gæti
ekki unnið á stofunni hans í ein-
hvern tíma. Ég var á stofunni í
nokkra daga í janúar og í kjölfar-
ið ákváðum við að ég myndi koma
hingað sumar og starfa á stofunni
í mánuð.“ Johnny hefur starfað við
hárgreiðsluiðnina í rúm tuttugu ár
og vinnur á stofunni Woo sem er
í Islington í London. Johnny hefur
fengið marga nafntogaða einstakl-
inga til sín í stólinn en hann hefur
meðal annars klippt bassaleikara
hljómsveitarinnar Suede, hljóm-
sveitarmeðlimi í bandinu Corner-
shop, Brickheads, Pretenders,
Supergrass og The Viles svo fátt
eitt sé nefnt. Hann saknar þó ekk-
ert stjarnanna úr stórborginni og
íhugar nú alvarlega að flytjast
hingað alfarið með haustinu. „Ég
fíla Íslendinga mjög vel, þeir eru
mjög blátt áfram og opnir. Hér
virðist fólk sömuleiðis hafa meiri
tíma til að njóta lífsins,“ segir
Johnny en hann hefur tekið upp á
því að bjóða upp á shiatsu-nudd á
hárgreiðslustofunni sem er nýtt af
nálinni hér á Íslandi. „Nuddið er
byggt á ævaforni japanskri hefð
og gengur út á punktameðferð en
meðferðin getur tekið allt frá 10-
15 mínútum upp í lengri tíma, það
fer í raun allt eftir þörfum við-
skiptavinarins,“ útskýrir Johnny,
sem hefur nuddað með hárgeiðsl-
unni í fimmtán ár. „Nuddið er frá-
bær leið í annríki dagsins til þess
að slaka á og stuðlar að auknu jafn-
vægi, það getur sömuleiðis hjálp-
að þeim sem hafa fengið sér að-
eins of mikið í tána kvöldið áður,“
bætir Johnny við og hver veit
nema að hin fullkomna lækning
við hinum þrálátu timburmönnum
sé nú loks fundin.
bergthora@frettabladid.is
Breski hárgreiðslumaðurinn Johnny íhugar að flytja til Íslands
Stjörnuklippingar
og slökunarnudd

Johnny er alsæll með lífið á Íslandi.
„Við verðum með partí í kvöld
á skemmtistaðnum Organ af til-
efni útgáfu smáskífu hljómsveit-
arinnar og undiritun plötusamn-
ings sem við skrifum undir í dag,“
segir Bíbí, bassaleikari hljómsveit-
arinnar Singapore Sling, en það er
plötu fyrirtækið Microdot Music
sem gefur út væntanlega plötu með
haustinu. „Af þessu tilefni ákváð-
um við að frumsýna myndband
okkar við lagið Godman í kvöld,“
segir Bíbí en leikstjóri var Þjóð-
verjinn Uli M. Schueppel. „Við
héldum tvenna tónleika í Berlín
í janúar en Schueppel kom á báða
tónleikana og eftir seinni tónleik-
ana kom hann og talaði við okkur.
Hann sagðist vera aðdáandi hljóm-
sveitarinnar og langaði mikið til
að gera eitthvað með okkur.“ Þau
voru að vonum upp með sér enda
er Schueppel afar virtur í sínu fagi.
Hann hefur meðal annars leikstýrt
tónlistarmyndböndum fyrir Nick
Cave og Mick Harvey auk þess sem
hann leikstýrði heimildarmynd-
inni The Road to God Knows Where
sem Bíbí segir að sé í miklu uppá-
haldi hjá hljómsveitarmeðlimum.
„Schueppel kom síðan til Íslands
í byrjun apríl og leikstýrði mynd-
bandinu við lagið Godman en tökur
á myndbandinu fóru fram við
Þingvallavatn í 20 stiga frosti og
tóku einn dag,“ segir Bíbí en sökum
kuldans breyttist söguþráður mynd-
bandsins að einhverju leyti þar sem
aðstæður voru mjög erfiðar. „Það
var þvílíkt kalt en við létum okkur
hafa þetta og gengum meðal annars
á ís á háum hælum,“ segir Bíbí og
bætir því við að ekki megi gleym-
ast að minnast á froskinn Bob sem
var í aðalhlutverki í myndbandinu
og lifði af íslensku veðráttuna. Tón-
leikar Singapore Sling, Bacon Life
Support Unit og Evil Madness hefj-
ast að loknu partíi hljómsveitarinn-
ar kl. 22 í kvöld.
bergthora@frettabladid.is
Singapore Sling frumsýnir nýtt myndband
og undiritar plötusamning
Gengu á ís í
20 stiga frosti
DISKUR VIKUNNAR
Geisladiskurinn Oft spurði
ég mömmu með Sigurði
Guðmundssyni og Memfis-
mafíunni. Á disknum eru
ellefu íslensk og erlend
dægurlög sem notið hafa
mikilla vinsælda hér á
landi. Upptökur á diskn-
um voru allóvenjulegar
en stuðst var við upp-
tökutækni sem var
notuð þegar Ribb-
on-míkrófónarnir hófu
innreið sína á 4. áratug
síðustu aldar. Diskurinn er því tek-
inn upp á eina rás með segulbandi þar sem
söngur og hljóðfæraleikur er tekinn upp samtímis. Oft
spurði ég mömmu ætti að vera skyldueign heimilanna. Diskur-
inn skapar skemmtilega nostalgíu og færir anda liðinna tíma beint
heim í stofu.
Singpore Sling við tökur á mynd-
bandinu Godman en í myndbandinu
bregða þau sér í hlutverk einhvers
konar sértrúarsöfnuðar.
Hljómsveitin Singapore Sling verður með magnað partí í kvöld.
4 • FÖSTUDAGUR 20. JÚNÍ 2008