Fréttablaðið - 18.07.2008, Blaðsíða 10

10 18. júlí 2008 FÖSTUDAGUR
JARÐSKJÁLFTI „Við erum að opna
móttöku á erindum þar sem fólki er
boðið að koma með mál sem eru
annars ekki bætt
af tryggingum,“
segir Ólafur Örn
Haraldsson,
verkefnisstjóri
þjónustumið-
stöðvar vegna
Suðurlands-
skjálfta.
Ólafur segir
þetta sambæri-
legt við það sem
gert var eftir skjálftana árið 2000.
Meðal erinda nefnir Ólafur Örn nið-
urrif og förgun ónýtra húsa, ótryggð
innbú, ótryggðar frárennslis- og
rotþær og fleira.
„Við erum að hefja kerfisbundna
skráningu á þessu. Ríkisstjórnin, í
samvinnu við sveitarfélögin á
svæðinu ætlar svo að koma til móts
við þetta fólk eins og hægt er en
hvert mál verður metið fyrir sig.
Þetta er náttúruvá sem Íslendingar
taka á sameiginlega.“
Í tilkynningu frá Þjónustumið-
stöðinni segir að afgreiðslutími
hvers erindis velti á umfangi þess
og ljóst sé að mörg flókin verkefni
bíði úrlausna. Því megi búast við að
talsverður tími líði þar til afgreiðslu
allra mála er lokið.
Þar segir einnig að byrjað verði
að taka á móti erindum mánudaginn
21. júlí næstkomandi í þjónustumið-
stöðinni í Tryggvaskála á Selfossi.
Hjá Viðlagatryggingu fengust
þær upplýsingar að íbúar 23 húsa
hefðu ekki getað snúið aftur í hús
sín þar sem þau væru dæmd óíbúð-
arhæf. Segir Ólafur Örn þá ein-
staklinga vera komna í nokkuð end-
anlegt húsnæði. - ovd
UMHVERFISMÁL Orkuveita Reykja-
víkur áætlar að eyða um 200 millj-
ónum króna í umhverfisbætur á
Hellisheiði í sumar og fram á
haustið.
Stuðst verður við loftmyndir
frá sjötta áratugnum til að endur-
hlaða gígaröðina efst á heiðinni,
meðal annars Gíghnjúk, en úr
gígunum hefur verið tekin möl og
gjall í áratugi. Eftir standa opin
sár og námur.
Bæta á fyrir margra ára
umhverfisspjöll ýmissa verktaka
og mun lagning Suðurlandsvegar
eiga stóran hlut í þeim.
Talsmenn Orkuveitunnar (OR)
leggja áherslu á að ekki sé verið
að bæta fyrir syndir hennar, held-
ur fyrri tíma skemmdir. Þó megi
tala um þetta sem mótvægis-
aðgerð við aðrar framkvæmdir
fyrirtækisins á svæðinu.
„Við komum að málum á heið-
inni eitthvað í kringum árið 2000
og byrjuðum með tilraunabor-
holur. Þá hafði verið malartekja
þarna í áratugi,“ segir Jakob Frið-
riksson, framkvæmdastjóri hjá
OR.
Einnig á að grafa upp vegslóða
sem hafa verið lagðir í gegnum
tíðina á heiðinni og fækka þeim.
Í sár kringum vegina verður sáð
ófrjóu „golfvallagrasi“, sem gríp-
ur í sig frjó úr plöntum og víkur
svo fyrir þeim.
Í stuttu máli sagt á að koma yfir-
borðinu að mestu leyti til fyrra
horfs. En þetta er meðal annars
mótvægisaðgerð við stór rör OR,
sem verða ekki hulin. Einnig eru
stöðvarhús fyrirtækisins áber-
andi á svæðinu.
„Hellisheiðarvirkjun var byggð
svolítið flott og áberandi og er
sýnileg í náttúrunni. Næsta kyn-
slóð virkjana verður allt öðruvísi.
Hverahlíðar-
virkjun verður
til dæmis með
huldum lögnum
að hluta til og
byggð þannig að
hún falli að
landslagi,“ segir
Jakob.
Hjörleifur
Kvaran, for-
stjóri OR og
bætir við að
verkefnið sé spennandi. Markmið-
ið sé að skila landinu í betra ásig-
komulagi en það var áður en OR
kom að því.
„Og við ætlum að hafa sérstaka
ráðstefnu í haust um hvernig farið
er að því að endurheimta land eftir
framkvæmdir,“ segir Hjörleifur.
klemens@frettabladid.is
OR setur 200 milljónir í um-
hverfisbætur á Hellisheiði
Orkuveitan setur 200 milljónir í að lagfæra umhverfi Hellisheiðarvirkjunar. Gígaröðin efst á heiðinni verð-
ur endurgerð. Stuðst er við loftmyndir frá árinu 1950. „Mótvægisaðgerðir,“ segir Jakob Friðriksson hjá OR.
RASK Á HELLISHEIÐI Nú stendur til að færa umhverfið sem næst því horfi sem það var í á sjötta áratugnum. Rörin verða þó ekki
hulin. FRÉTTABLAÐIÐ/PJETUR
ÓLAFUR ÖRN
HARALDSSON
Ásta Þorleifsdóttir, varaformaður stjórnar
OR, segist afar ánægð með aðgerðirnar.
„Það þarf að lagfæra skandalinn
þarna,“ segir hún og rifjar upp að faðir
hennar, Þorleifur Einarsson jarðfræðingur
hafi fyrstur manna barist fyrir lagfæring-
um á svæðinu: „Og nú dytti engum í hug
að taka skóflu úr ósnertum gíg,“ segir
hún.
PABBI ÁSTU BYRJAÐI
VIÐ FORSETAHÖLLINA Í KARTÚM
Súdönsk kona gengur fram hjá vopn-
uðum verði fyrir utan forsetahöllina í
Kartúm, þar sem Bashir forseti hefur
verið ákærður fyrir þjóðarmorð í
Darfúr héraði. NORDICPHOTOS/AFP
Ríkið bætir tjón vegna Suðurlandsskjálfta sem tryggingar bæta annars ekki:
Flókin verkefni bíða úrlausnar
EFTIR SKJÁLFTANN Miklar skemmdir urðu á íbúðarhúsnæði eftir jarðskjálftann á Suð-
urlandi. Á Selfossi og í Hveragerði hrundu lausir munir úr hillum og mátti litlu muna
að fólk slasaðist í hamaganginum.
SPÁNN, AP Hæstiréttur Spánar
staðfesti í gær sýknudóm yfir
einum sakborninganna sem grun-
aðir voru um sprengjuárásirnar í
Madrid vorið 2004. Auk þess sýkn-
aði rétturinn fjóra aðra menn af
öllum ákærum, en þyngdi dóma
yfir nokkrum og dæmdi einn
sekan sem áður hafði hlotið sýknu-
dóm.
Egyptinn Rabei Osman var í
upphafi talinn einn þriggja höfuð-
paura málsins. Hann var ásamt
Marokkómönnunum Jamal Zoug-
man og Othman el Gnaoui grunað-
ur um að hafa skipulagt árásirnar
á neðanjarðarlestir í Madríd, sem
urðu nærri 200 manns að bana.
Osman var í gær sýknaður af
einu ákærunni sem á endanum var
lögð fram á hendur honum, nefni-
lega fyrir að tilheyra hryðjuverka-
samtökum. Hann hafði áður hlotið
átta ára fangelsisdóm á Ítalíu fyrir
sömu sakir og hæstiréttur úrskurð-
aði því að ekki mætti dæma hann
tvisvar fyrir sama afbrotið.
Niðurstaðan er því sú að sautján
menn af alls 28 sakborningum
hlutu dóma fyrir aðild að árásun-
um. Réttarhöldunum er þar með
væntanlega lokið, þótt fjarlægur
möguleiki sé enn á því að einhverj-
um málanna verði vísað til stjórn-
ar skrárdómstóls.
- gb
Réttarhöldin á Spáni vegna sprengjuárásanna í Madríd vorið 2004 á enda:
Sýknudómur staðfestur
RABEI OSMAN Var talinn einn þeirra
sem skipulögðu árásirnar þann 11. mars
2004, en sýknudómur hans var staðfest-
ur í hæstarétti í gær. FRÉTTABLAÐIÐ/AP
JAKOB SIGURÐUR
FRIÐRIKSSON
LONDON, AP Bretinn Robert Murat
hefur tekið boði ellefu breskra
dagblaða um greiðslu að jafn-
virði rúmlega níutíu milljóna
króna skaðabóta.
Dagblöðin, þar á meðal Sun,
Daily Mirror og Daily Mail, birtu
sögur þar sem Murat var
ranglega bendlaður við hvarf
stúlkunnar Madeleine McCann í
Portúgal á síðasta ári. Auk
greiðslu skaðabótanna munu þau
birta afsökunarbeiðnir.
Foreldrar McCann höfðu áður
fengið miklar skaðabætur vegna
umfjöllunar breskra fjölmiðla þar
sem þau voru bendluð við hvarf
stúlkunnar. Madeleine er enn
saknað og enginn hefur verið
ákærður í málinu. - gh
Bendlaður við hvarf Madeleine:
Murat fær
skaðabætur
ROBERT MURAT Murat var grunaður um
tengsl við hvarf Madeleine.
NORDICPHOTOS/AFP
ÚTLENDINGAR 24 ára reglunni
svokölluðu hefur ekki verið fylgt
eftir hér á landi. Sú umræða sem
nú fer fram í Danmörku, á því
ekki við hér á landi, segir
staðgengill forstjóra Útlendinga-
stofnunar.
Danska útlendingaeftirlitið er
sakað um að upplýsa ekki um
undanþágu frá því að útlendingar
þurfi að vera 24 ára, þegar þeir
giftast dönskum ríkisborgurum,
vilji þeir flytja til landsins. „Þetta
var sett inn í okkar lög 2004, en
var ekki fylgt í framkvæmd,“
segir Ragnheiður Böðvarsdóttir
hjá Útlendingastofnuninni.
Reglan hafi þótt of altæk. - kóþ
Útlendingastofnun:
24 ára reglunni
ekki framfylgt
STYRKIR Iðnaðarráðuneytið hefur
veitt fjórtán styrki, samtals að
upphæð 25,1 milljón króna, til
rannsókna og kynningar á
innlendum orkugjöfum og
hagkvæmri orkunotkun.
Hæsti styrkurinn var fjórar
milljónir og rann til fyrirtækisins
Alice á Íslandi ehf. Fyrirtækið
rannsakar nýtingu fallorku vatns
í fiskeldi með svokölluðum
jektorum í stað rafknúinnar
vatnsdælu.
Alls bárust 26 umsóknir um
samtals 147,3 milljónir króna. -vsp
Fjórtán orkustyrkir veittir:
Styrkir rúmlega
25 milljónir
LANDGRÆÐSLA Landsnet og
Landgræðsla ríkisins halda áfram
samstarfi um uppgræðslu sunnan
Langjökuls. Dreift verður áburði
og sáð í 240 hektara í sumar,
samkvæmt fréttatilkynningu.
Landsnet hefur unnið með
Landgræðslunni að uppgræðslu
og stöðvun jarðvegseyðingar í
nágrenni háspennulína á afréttin-
um sunnan Langjökuls síðan
2006. Nú í sumar verður kröftun-
um beint að brýnum verkefnum
við Tjaldafell og nýju svæði til
móts við vegamót línuvegar og
Kaldadalsvegar. - kg
Landsnet og Landgræðslan:
Samstarf um
uppgræðslu