Fréttablaðið - 18.07.2008, Blaðsíða 66

42 18. júlí 2008 FÖSTUDAGUR
FÓTBOLTI Það var líklega fagnað
vel í Neðra-Breiðholtinu þegar
Eiður Smári Guðjohnsen fór frá
Chelsea til Barcelona fyrir ríflega
8 milljónir punda, um 1,2 millj-
arða íslenskra króna. ÍR, Valur og
KR skiptu á milli sín svokölluðum
uppeldisbótum. ÍR fékk tæpar
átta milljónir í sinn hlut, Valur um
milljón minna og KR um eina
milljón.
Þrjár tegundir bóta
Útreikningar við bætur fyrir leik-
menn eru vægast sagt flóknir. Þær
skiptast í þrennt. Uppeldisbætur
eru aðeins greiddar þegar leik-
maður skrifar undir sinn fyrsta
leikmannasamning, eða við sölu á
leikmanninum sem atvinnumanni
þar til hann verður 23 ára. Eftir 23
ára aldur eru því engar bætur
greiddar.
Þá eru einnig greiddar svokall-
aðar Samstöðubætur. Þær eru 5%
að kaupverði leikmanns sem
greiðist aðeins ef hann er seldur á
milli landa. ÍBV hefur til að mynda
aldrei fengið uppeldisbætur fyrir
Hermann Hreiðarsson sem hefur
fimm sinnum skipt um félag, en
alltaf innan Englands.
Þriðja tegundin er svo hlutdeild
í félagaskiptagjaldi. Ef leikmaður
hefur spilað með fleiri en einu
félagi á þremur síðustu heilu
keppnistímabilum eiga öll félögin
rétt á hlutdeild í kaupverðinu.
Dæmi um bæturnar eru í kassan-
um hér fyrir neðan þar sem Pálmi
Rafn Pálmason, nýjasti atvinnu-
maður Íslands, er tekinn sem
dæmi.
Félög þurfa að vera vakandi
Gísli Gíslason er formaður for-
manna í Landsbankadeild karla.
Hann er einnig formaður knatt-
spyrnudeildar ÍA sem fékk bætur
fyrir Grétar Rafn Steinsson.
Hann segir að félög þurfi að vera
vakandi fyrir sínum rétti. Á fundi
formannanna nýverið voru bæt-
urnar ræddar.
„Við ræddum um að það þyrfti
að upplýsa félög um meginregl-
urnar sem gilda í þessu á einfald-
an hátt. KSÍ tók mjög vel í að fara
í það með okkur. Við höfum mest-
ar áhyggjur af því að félög séu
ekki meðvituð um það regluverk
sem er í gildi. Eins og gengur er
áhugasamt fólk í stjórnum félaga
en það hefur ekki endilega þann
bakgrunn sem þarf til að þekkja
regluverkið,“ sagði Gísli sem er
lögfræðingur að mennt.
Hann segir einnig að KSÍ hafi
tekið jákvætt í að hafa trúnaðar-
lögræðing á sínum snærum.
„Hann gæti beitt sér fyrir þess-
um málum ef eftir því er óskað,“
segir Gísli sem er nokkuð viss
um að félög hafi misst af tekjum
vegna vanþekkingar á reglunum.
„Við höfum ekki nein staðfest
dæmi en það er mjög líklegt. Svo
getur þetta líka verið öfugt, félög
telja sig eiga rétt á bótum en eiga
það ekki,“ sagði Gísli.
Erlend félög treg
Dæmi eru um að erlend félagslið
séu mjög treg í að borga slíkar
bætur. Sumir höfðu heyrt dæmi
um að félög fölsuðu hreinlega
samninga til að sleppa við að borga
bæturnar. „Það getur tekið óra-
tíma að fá þetta greitt,“ segir
Pétur Stephensen, fram-
kvæmdastjóri FH.
Hann segir þó að FH fylg-
ist vel með sínum máli og gefi
ekkert eftir. „Við erum mjög
harðir á að fá bætur fyrir
okkar menn. Ég held að
ekkert félagslið á Íslandi
gefi þetta eftir,“ sagði
Pétur sem sagðist hafa
unnið vel með KSÍ í þess-
um málum.
Hann benti á, líkt og
flestir viðmælendur,
að hver einasta
króna í kassann
skipti mál, sér í lagi
á þessum síðustu og
verstu tímum í þjóðfélaginu.
ÍR græðir á Eiði Smára
Bragi Björnsson, formaður
meistaraflokksráðs ÍR, segir
að félagið hafi fengið tæpar
átta milljónir króna þegar
Eiður Smári Guðjohnsen
hafi verið seldur. Hann taldi að
Valur fengi aðeins lægri upphæð
og KR um eina milljón.
„Þetta skiptir miklu máli
fyrir okkur,“ sagði Bragi en ÍR
skipti upphæðinni milli allra
deilda innan félagsins. „Þetta
er auðvitað afar kær-
komið,“ segir Bragi.
KS á Siglufirði fékk
tæpar fjórar milljón-
ir þegar Grétar
Rafn Steinsson fór
frá AZ Alkmaar
til Bolton og ÍA
líklega um
helming þeirr-
ar upphæðar.
N a u ð s y n -
legt að fylgj-
ast með
Gísli undir-
strikar að nauðsynlegt sé
að hafa gott bókhald utan
um leikmenn sína, allt frá
unga aldri. „Það þurfa
allir að halda vöku sinni
yfir því hverju þeir eiga
rétt á. Félög verða að
fylgjast með þessu,“
segir Gísli.
hjalti@frettabladid.is
Misstórir dropar í uppeldisbætur
Íslensk félög græða mörg á því að hafa selt sína bestu leikmenn til útlanda. Fyrir sum félög eru þetta þó
aðeins dropar í djúpt haf fjármálarekstursins en fyrir minni félög kærkomnar krónur í kassann. Þrjú félög
fá uppeldisbætur fyrir Pálma Rafn Pálmason og ÍR fagnar vel þeim milljónum sem koma fyrir Eið Smára.
FJÓRAR MILLJÓNIR KS á Siglu-
firði fékk tæpar fjórar milljónir
þegar Grétar Rafn Steinsson var
seldur frá AZ Alkmaar til Bolton
á Englandi.
FRÉTTABLAÐIÐ/GETTY
ÍR OG VALUR GRÆÐA VEL Á EIÐI ÍR fær um átta milljónir króna í sinn hlut vegna Eiðs Smára Guðjohnsen sem lék með félaginu
á sínum yngri árum. Valur fékk aðeins lægri upphæð, tæpar sjö milljónir. Hér er hann í leik með Val árið 1994 gegn Stjörnunni á
Laugardalsvelli. MYND/BRYNJAR GAUTI
Þegar Heiðar Helguson fór út í
atvinnumennsku voru ekki til
neinar reglur um uppeldis-
greiðslur. Heiðar fór frá
Dalvík til Þróttar og síðan til
Lillestrøm í Noregi. Þaðan var
hann seldur til Watford.
Hvorugt íslenska félagið fékk
krónu fyrir.
„Heiðar er mikill heiðurs-
maður og þegar hann var
seldur til Englands tók hann þá
ákvörðun að láta fé af hendi
rakna til Dalvíkur,“ sagði
Björn Friðþjófsson Dalvíking-
ur um Heiðar.
Heiðar Helguson:
Borgaði Dalvík
fyrir sjálfan sig
PÁLMI RAFN: FRÁ VÖLSUNGI TIL STABÆK
Fréttablaðið tekur sem dæmi um uppeldis-
bætur Pálma Rafn Pálmason, nýjasta atvinnu-
manni Íslendinga. Heimildir Fréttablaðsins
herma að kaupverð Stabæk á Pálma sé tæpar
40 milljónir króna og miðum við við 37 milljónir
í þessu tilfelli. Útreikningarnir þurfa ekki að vera
100% réttir en ættu að gefa ágæta mynd af því
hvernig greiðslurnar skiptast.
SAMSTÖÐUBÆTUR
Fimm prósent af söluverði skiptast á milli félaga sem
leikmaðurinn hefur verið hjá frá 12 ára aldri til 23 ára
aldurs.
12-15 ára: 5% (0,25% af heild) hvert tímabil
16-23 ára: 10% (0,5% af heild) hvert tímabil
HLUTDEILD Í FÉLAGASKIPTAGJALDI
Hafi leikmaður leikið fyrir annað félag/önnur félög
eitthvert af síðustu þremur heilu keppnistímabilum á
Íslandi skal það/þau eiga hlutdeild í félagaskiptagjald-
inu. Hlutdeildin er í réttu hlutfalli við dvöl hans hjá
hverju þeirra innan tímamarka keppnistímabils.
SAMSTÖÐUBÆTUR VÖLSUNGS, KA OG VALS
6-17 ára í Völsungi: 935.882 krónur
18 ára til KA: 544.118 krónur
22 ára til Vals: 370.000 krónur
HLUTDEILD KA Í FÉLAGASKIPTAGJALDINU
Knattspyrnutímabil á Íslandi er skilgreint frá 1. febrúar til
15. október. Pálmi hefur leikið með tveimur félögum, KA
og Val, síðustu þrjú tímabil. Greiðslan skiptist því á milli
þeirra í réttu hlutfalli. Ef miðað er við að Pálmi skrifi undir
25. júlí hjá Stabæk eru síðustu þrjú tímabil á Íslandi frá
25. júlí 2005 til 25. júlí 2008. Knattspyrnutímabilið á
þremur árum eru 25.5 mánuðir. Pálmi lék því með KA í
þrjá mánuði af þessum 25,5 sem uppsker eftir því.
KA: 4.135.294 milljónir
Valur: 31.014.706 milljónir
Samtals:
Pálmi Rafn
Pálmason
Fæddur: 9. nóvember ´84
Uppalinn í Völsungi
21. febrúar 2003
fer hann til KA (18 ára)
1. janúar 2006
fer hann til Vals (21 árs)
Júlí 2008
fer til Stabæk í Noregi (23 ára)
Völsungur: 935.882 krónur
KA: 4.679.412 krónur
Valur: 31.384.706 krónur
Samtals: 37 milljónir
NFL Ameríska íþróttagoðsögnin
Brett Favre er hugsanlega hættur
við að hætta í boltanum en hann
sagði á blaðamannafundi þann 3.
mars síðastliðinn að hann hefði
leikið sinn síðasta leik á ferlinum.
„Ég er sekur um að hætta of
snemma og það er ástæða fyrir
því. Er ég sagðist vera hættur var
ég ekki alveg viss um hvort ég
vildi spila,“ sagði hinn 38 ára
gamli Favre en blaðamannafund-
urinn er hann sagðist vera hættur
var dramatískur í meira lagi enda
felldi Favre tár á fundinum. Hann
átti frábært tímabil á síðustu
leiktíð og var ekki fjarri því að
koma yngsta liði deildarinnar,
Green Bay Packers, í sjálfan
SuperBowl-leikinn.
Eftir að það kvisaðist út að
hann væri að íhuga endurkomu
hefur allt farið í loft upp í Green
Bay þar sem Favre lék í 16 ár.
Þjálfari liðsins var þegar búinn
að ákveða að tefla arftaka hans
fram næsta vetur en forráða-
menn félagsins eru í mikilli krísu
og eiga erfitt með að skilja Favre
eftir ef hann vill halda áfram.
„Mér var tjáð að það væri ekki
lengur möguleiki að spila í Green
Bay. Seinna heyrist að þeir geti
ekki hugsað sér að hafa mig í
öðru liði. Ég er því í lausu lofti.
Hef ekki ákveðið mig endanlega
en það er fiðringur í mér,“ sagði
Favre. - hbg
Brett Favre:
Íhugar endur-
komu í NFL
FÓTBOLTI Steve Coppell, knatt-
spyrnustjóri Reading, skaut
föstum skotum að reyndari
leikmönnum Reading í viðtali við
The Reading Chronicle í gær þar
sem hann sagði engan leikmann
öruggan um sæti sitt í byrjunar-
liðinu á næstu leiktíð í Champ-
ionship-deildinni.
„Ef einhverjir leikmenn liðsins
halda að þeir fái einhverja
sérmeðferð fyrir aldur og fyrri
störf þá skjátlast þeim hrapal-
lega. Eins og staðan er í dag þá er
mikil samkeppni um stöður í
liðinu og þeir sem leggja sig fram
af lífi og sál munu fá tækifærið,“
sagði Coppell og hrósaði nokkrum
leikmönnum sérstaklega og þar á
meðal hinum 18 ára Gylfa Þór
Sigurðssyni.
„Ég hef trú á því að leikmenn
eins og Jem Karacan, Gylfi
Sigurðsson, Jimmy Kebe og Alan
Bennett eigi eftir að blanda sér í
baráttuna og þeir hafa tækifæri
til þess að vinna mig á sitt band á
þessu tímabili,“ sagði Coppell. - óþ
Steve Coppell, Reading:
Bindur vonir
við Gylfa Þór
AÐVÖRUN Coppell sendir reyndari
leikmönnum Reading tóninn og segir
að enginn sé öruggur um sæti í liðinu.
NORDIC PHOTOS/GETTY