Fréttablaðið - 24.07.2008, Síða 8
24. júlí 2008 FIMMTUDAGUR
BELGRAD, AP Radovan Karadzic,
fyrrverandi leiðtogi Bosníu-Serba,
ætlar að verja sig sjálfur við
stríðsglæparéttarhöldin í Haag.
Hann verður líklega framseldur
til stríðsglæpadómstólsins þar í
byrjun næstu viku.
Síðustu mánuði hafði Karadzic
búið í Belgrad þar sem hann rak
óhefðbundna lækningastofu fyrir
opnum tjöldum. Hann var nánast
óþekkjanlegur orðinn, með sítt
hvítt skegg og hvítt hár, gekk
undir öðru nafni en fór ekki í felur
að öðru leyti.
Hann átti þar kærustu sem hann
kynnti jafnan sem aðstoðarkonu
sína, þóttist eiga fjölskyldu í
Bandaríkjunum og skrifaði reglu-
lega í heilsutímarit og kom fram
opinberlega á fundum.
Hann var fastagestur á knæpu
skammt frá heimili sínu í Belgrad,
þar sem hann pantaði jafnan rauð-
vín. Knæpan heitir Vitfirringa-
hælið og þar hanga á veggjum
myndir af honum og Ratko Mladic
herforingja, sem enn er ófundinn.
„Ég er mjög stoltur af því að
hann kom á krána mína, en ég er
mjög leiður yfir því að hann var
handtekinn,“ segir kráareigand-
inn, Misko Kovijanic.
Karadzic hafði verið í felum í
áratug og gengu ýmsar sögur um
staði sem hann átti að hafa sést á,
meðal annars í klaustri og í hellum
í Bosníu. Í gær upplýsti Sveta Vuj-
acic, lögmaður Karadzic, að hann
hefði látið raka hár sitt og skegg.
Hann hafi beðið um að fá rakara
til sín í fangelsið í Belgrad og núna
liti hann út „alveg eins og fyrir
fjórtán árum, nema bara eldri“.
Eiginkona hans og börn segjast
ekkert hafa frétt af honum allan
þennan tíma og vilja nú að aflétt
verði ferðabanni á þau. Serbnesk
stjórnvöld hafa lofað fjárhags-
stuðningi til fjölskyldunnar, nú
þegar Karadzic hefur verið hand-
tekinn.
Þeir Karadzic og Mladic eru
báðir sakaðir um fjölmarga stríðs-
glæpi í Bosníustríðinu, sem kost-
aði meira en hundrað þúsund
manns lífið árin 1992-95.
Svo virðist sem breytt afstaða
serbneskra stjórnvalda hafi átt
sinn þátt í að hann var handtekinn
nú. Nýja stjórnin vill bæta tengsl-
in við Vesturlönd og ganga í Evr-
ópusambandið, en fyrri ríkis-
stjórn, sem vildi fremur styrkja
tengslin við Rússland, var sökuð
um að hafa haft takmarkaðan vilja
til að handtaka Karadzic.
gudsteinn@frettabladid.is
Karadzic ráðgerir
að verja sig sjálfur
Radovan Karadzic rakaði hár sitt og skegg í fangelsinu í Belgrad og hefur fengið
aftur fyrra útlit. Hann var nánast óþekkjanlegur í gervi sínu og sótti reglulega
knæpu þar sem mynd af honum hékk uppi á vegg. Þar mátti líka sjá Mladic.
ÓEIRÐIR Í BELGRAD Stuðningsmenn Radovans Karadzic létu ófriðlega á þriðjudagskvöld í Belgrad til að sýna óánægju sína með
handtöku hans. NORDICPHOTOS/AFP
Alþjóðlegi stríðsglæpadómstóllinn
um mál frá fyrrum Júgóslavíu var
stofnaður árið 1993 og hefur aðset-
ur í Haag. Dómstóllinn hefur lagt
fram ákærur á hendur 161 einstakl-
ingi fyrir alvarleg brot á alþjóðlegum
mannúðarlögum framin á því land-
svæði sem áður tilheyrði Júgóslavíu.
Málum 46 sakborninga er ólokið.
Aðeins tveir þessara sakborninga
eru enn á flótta undan réttvísinni,
en sá þriðji, nefnilega Radovan
Karadzic, bíður framsals frá Bosníu.
Fimm sakborningar bíða úrskurðar í
Haag um hvort réttarhöld fari fram.
Alls 27 réttarhöld eru mislangt á veg
komin, en einn sakborningur bíður
dómsúrskurðar að loknum réttar-
höldum. Tveir hafa hlotið dóm sem
enn er hægt að áfrýja, en átta mál
bíða afgreiðslu áfrýjunardómstóls.
Málum 115 sakborninga er lokið.
Tíu þeirra voru sýknaðir, 20 málum
var vísað frá, 30 sakborningar létust
áður en máli þeirra lauk, 13 voru
framseldir til dómsmeðferðar í öðru
landi, en 56 hafa hlotið dóm.
Af þeim 56 sakborningum sem
dæmdir voru hafa 29 verið fluttir
til afplánunar í öðru landi, þrír bíða
flutnings, 22 hafa lokið afplánun og
tveir létust í fangelsi.
JÚGÓSLAVÍUDÓMSTÓLLINN Í HAAG
FYRRVERANDI LEIÐTOGI SERBÍU Kar-
adzic hefur nú látið klippa sig og raka af
sér skeggið.
NORDICPHOTOS/AFP
UMFERÐIN Fjölda ungmenna, á
aldrinum 17 til 21 árs sem aðild
áttu að umferðarslysum, hefur
fækkað milli ára frá árinu 1999.
Þannig fækkaði ökumönnum sem
aðild áttu að slysum og voru 21
árs um 18,5 prósent frá árinu 2006
til 2007. Æfingaakstur var hækk-
aður úr sex mánuðum í tólf árið
1998.
„Hækkun æfingaaksturstímans
hefur gefið ungum ökumönnum
aukna þjálfun,“ segir Sigurður
Helgason, verkefnastjóri hjá
Umferðarstofu. „Tekið hefur
verið á allri ökukennslu og hún
sett í skýrari skorður og ökupróf-
in hafa verið hert.“
Á línuritinu táknar rauða línan
fjölgun og fækkun aðildar öku-
manna að umferðarslysum í heild
sinni en bláu línurnar eru eftir
aldursflokkum frá 17-21 árs.
Línuritið tekur einungis til
fjölda ökumanna sem aðild áttu
að umferðarslysum með eða án
meiðsla og hvort sem þeir voru
taldir vera valdir að slysi eða
ekki. Ekki er fjallað um fjölda
umferðarslysa eða fjölda slas-
aðra í umferðinni. Tölurnar
byggja á slysaskráningu Umferð-
arstofu sem aftur byggjast á lög-
regluskýrslum úr gagnagrunni
dómsmálaráðuneytisins.
- vsp
Aukinn æfingaakstur skilar sér í betri ungum ökumönnum sýna tölurnar:
Færri ungmenni lenda í slysum
FJÖLDI ÖKUMANNA Í
SLYSUM 1999-2007
20%
10%
0%
-10%
-20%
1999 2001 2003 2005 2007
Ár
Breyting
1999 2001 2003 2005 2007
20%
10%
0%
-10%
-20%
Breyting
17-18 ára
Heild
20-21 ára
Heild
Ár