Fréttablaðið - 22.08.2008, Side 54

34 22. ágúst 2008 FÖSTUDAGUR
28 mm bjálki
BARNAHÚS 2,1m²
44 mm bjálki
GESTAHÚS 15m²
VH ehf · Heiðarbraut 3 · 250 Garður · Sími 864-2400
Vel valið fyrir húsið þitt
HÚSIN OKKAR ERU TIL SÝNIS
Á LANDBÚNAÐARSÝNINGUNNI
Á HELLU 22.-24. ÁGÚST.
Völundarhús.is hafa til sölu glæsileg ný gesta- og garðhús sem eru enn
sterkbyggðari en áður. Nýju húsin eru bjálkahús frá 34 mm að þykkt og
koma með tvöfaldri vatnslæsingu. Húsin eru tilvalin geymsla fyrir grillið
og garðhúsgögnin. Öll gestahús og garðhús eru til á lager.
Ei
nb
ýl
is
hú
s
Su
m
ar
hú
s
Pa
rh
ús
Ra
ðh
ús
G
ar
ðh
ýs
i
0
8
-0
1
3
1
H
en
na
r
há
tig
n
34 mm bjálkiwww.volundarhus.is
GARÐHÚS 4,7-9,7m²
45 mm bjálki GESTAHÚS 21m²
Hittumst
á Hellu
!
Að haga seglum eftir vindi
UMRÆÐAN
Grétar Þorsteinsson svarar grein
Finns Árnasonar.
Finnur Árnason, forstjóri Haga, fer mikinn í grein í Fréttablaðinu í gær
og ber ASÍ og starfsmenn þess þungum
sökum. Jafnframt rangfærir hann
niðurstöður þeirra dómkvöddu mats-
manna sem falið var að leggja mat á
hvort 10-11, verslunarkeðja Haga hefði,
miðað við eigin gögn, skilað neytendum
lægra vöruverði eftir lækkun virðisauka-
skatts á árinu 2007. Grein hans ber þess
skýr merki að hann áttar sig ekki á því um hvað
það matsmál snýst sem hann þó sjálfur átti
frumkvæði að.
ASÍ ber engar brigður á niðurstöður mats-
manna og hefur ekki brugðist hart við þeim. ASÍ
bregst hins vegar hart við þegar því er haldið
fram að fyrrgreint matsmál hafi á einhvern hátt
snúist um verðmælingar sem leiddu almenningi
fyrir sjónir að 10-11 hefði ekki lækkað vöruverð
eins og við hefði mátt búast í kjölfar virðisauka-
skattslækkunarinnar. Sú niðurstaða stendur
óhögguð.
Í matsbeiðni Haga eru matsmenn orðrétt beðn-
ir um að meta „hver hafi verið raunlækkun í
prósentum talið á útsöluverði verslana 10-11 …
Vísað er til meðfylgjandi lista, staðfestum af
löggiltum endurskoðanda matsbeiðanda … með
útsöluverðum á vörum 10-11 við Lágmúla …“
Með matsbeiðni fylgdi síðan útprentaður
verðlisti matsbeiðanda sjálfs um vöruverð í 10-
11 að Lágmúla 5 í Reykjavík sem endurskoðend-
ur hans staðfesta að sé í raun úr birgðakerfi 10-
11. Á trúverðugleika þessara gagna lögðu hinir
dómkvöddu matsmenn mat.
Öllum má vera ljóst að hér er ekki verið að
leggja mat á verðmælingu ASÍ heldur á gögn og
upplýsingar matsbeiðanda sjálfs. Verðmæling
ASÍ fól í sér að starfsmenn verðlagseftirlitsins
fóru á tilteknu tímabili í margar verslanir, þar á
meðal margar verslanir 10-11 um land allt og
skráðu upplýsingar um það verð sem viðskipta-
vinum bauðst, þ.e. hilluverð, á hundruðum
vörutegunda. Það verð var síðan borið saman við
sambærilega eldri mælingu sem
framkvæmd hafði verið með sama
hætti og almenningur síðan upplýstur
um niðurstöðuna.
Verðlagseftirliti ASÍ er fyllilega
ljóst, að kaupmenn hafa þann hátt á í
harðri samkeppni, að breyta vöruverði
hratt og stundum oft innan sama dags
eins og forsvarsmenn Haga hafa
margoft staðfest í viðtölum og raunar
einnig Andrés Magnússon, fram-
kvæmdastjóri Samtaka verslunar og
þjónustu, í Kastljósi sl. mánudag. Þar
sagði hann orðrétt: “… vita það allir
sem til þekkja að það er mjög auðvelt
og fyrirhafnarlítið að breyta verðum í verslun-
um.“ Þetta hefur þann kost í för með sér að virk
samkeppni getur tryggt lægra vöruverð en ella.
Sá galli fylgir þó gjöf Njarðar að á sama hátt
getur verið auðvelt að slá ryki í augu almennings
og þeirra sem hafa eftirlit með verðlagningu.
Þess vegna heimsækir verðlagseftirlitið margar
verslanir um land allt og leitast við að mæla og
meta heildstæðar verðbreytingar yfir lengri
tíma. Þannig og einungis þannig verða neytend-
ur best upplýstir. Því starfi mun ASÍ halda
áfram.
Að lokum vill ASÍ harðlega mótmæla þeim
fullyrðingum Andrésar Magnússonar, fram-
kvæmdastjóra SVÞ, og Finns Árnasonar að ASÍ
hafi færst undan samstarfi við matsmenn en
báðir segjast hafa fengið það staðfest frá öðrum
matsmannanna. Þetta er rangt. Í fyrsta lagi er
þetta efnislega rangt því matsbeiðnin laut alls
ekki að verðmælingum ASÍ heldur framlögðum
gögnum fyrirtækisins, eins og hér hefur verið
rakið. Í öðru lagi þá hefur umræddur mats-
maður staðfest við ASÍ að hann hafi ekki viðhaft
nein slík ummæli.
Höfundur er forseti ASÍ.
GRÉTAR
ÞORSTEINSSON
Öllum má vera ljóst að hér er ekki verið að
leggja mat á verðmælingu ASÍ heldur á gögn
og upplýsingar matsbeiðanda sjálfs.
UMRÆÐAN
Soffía Egilsdóttir
skrifar um Hrafnistu.
Á vorin hefst undirbún-ingur fyrir móttöku
farfuglanna okkar eins
og við köllum þá gjarnan
á dvalar- og hjúkrunar-
heimilum Hrafnistu.
Þetta eru ungmenni sem taka að sér
hin ýmsu störf og flytja með sér
ferskan blæ og léttleika æskunnar.
Þetta er dýrmæt reynsla sem þau
taka með sér inn í framtíðina. Að fá
að kynnast fólki með svo mikla og
fjölbreytta lífsreynslu, eins og þeir
sem búa á hjúkrunar- og dvalar-
heimilum hafa, víkkar sjóndeildar-
hringinn, eykur færni unga fólksins
í mannlegum samskiptum og sýnir
þeim fjölbreytileika lífsins.
Það er ekki óalgengt að í lok sum-
ars hafi sumarstarfsmaður komið
til mín og látið í ljósi undrun yfir
því hvað það sé „mikið líf á hjúkr-
unarheimili“. Margir hafa vitnað til
þeirrar neikvæðu umræðu sem oft
er uppi þegar rætt er um hjúkrunar-
og dvalarheimili. Hver man ekki
eftir myndinni af slitnu flókaskón-
um, sem birtist með þó nokkrum
fréttum eitt kosningaárið, eða
umræðu um manneklu, fjölbýli og
slæman aðbúnað?
Á Hrafnistu í Reykjavík og Hafn-
arfirði fer fram fjölbreytt félags-
starf. Markmið félagsstarfs er að
auka virkni heimilismanna og koma
í veg fyrir einangrun, örva sam-
skipti og létta lund. Iðjuþjálfi stjórn-
ar þeim þætti er snýr að virkni og
er föndur þar meðtalið. Vinnustofur
eru opnar alla virka daga kl 9-15.
Þar er unnið fjölbreytt handverk
sem hver og einn vinnur eftir eigin
getu og áhuga. Fyrir utan stærri
skemmtanir eins og þorrablót,
haust- og vorfagnaði er sett upp
dagskrá fyrir hverja viku, sem
felur í sér til dæmis söng,
bingó, dans, myndasýn-
ingar og upplestur úr
blöðum og bókum. Farið
er í leikhús, verslunar-
ferðir, haustlitaferð, jóla-
ljósaferð og menningar-
legar skoðunarferðir.
Boccia er mjög vinsælt,
einnig pílukast og kín-
versk leikfimi. Bókasafn
er opið tvisvar í viku þar sem hægt
er að fá bækur eða hljóðsnældur.
Hópastarf er fjölbreytt og skipt-
ist í ljóðahóp, tónlistarhóp, drauma-
ráðningahóp, kaffihóp og minninga-
hóp. Harmonikkan er mikið notuð.
Á báðum heimilum er starfandi kór
heimilismanna og er meðalaldur
kórfélaga um 86 ár. Kór Hrafnistu í
Hafnarfirði hefur tekið þátt í kóra-
móti og sungið víða í félagsmið-
stöðvum og á hjúkrunarheimilum.
Regluleg fræðsluerindi eru hald-
in og má nefna sem dæmi frá
Hrafnistu í Reykjavík að María
Jónsdóttir taugasálfræðingur flutti
þar erindi í febrúar um gleymsku,
Sólveig Jónasdóttir hjá fræðslu-
deild Alþjóðahúss kom með erindi í
mars um fjölmenningu og í apríl
fjallaði Berþór Pálsson óperu-
söngvari um veislur og borðsiði.
Bænastundir eru einu sinni í viku
ásamt helgidagamessum. Áhersla
er lögð á að sinna sálgæslu og trú-
arlegri þjónustu við heimilismenn,
aðstandendur og starfsfólk. Fyrir
utan félagsstarfið er á flestum
hjúkrunardeildum heimilanna
starfsmaður í virkni. Þessi starfs-
maður aðstoðar meðal annars
heimilisfólk við að sækja það sem
það hefur áhuga á og er með sam-
verustundir á setustofu deildarinn-
ar.
Á þessu sést að það er heilmikið
líf á hjúkrunar- og dvalarheimilum.
Höfundur er forstöðumaður
félagssviðs Hrafnistu.
Félagslíf á Hrafnistu
SOFFÍA EGILSDÓTTIR