Fréttablaðið - 22.08.2008, Side 75
FÖSTUDAGUR 22. ágúst 2008 55
FÓTBOLTI Fyrsti heimaleikur
karlalandsliðs Íslands í fótbolta í
undankeppni HM 2010 verður
gegn Skotlandi 10. september
næstkomandi.
Mikill áhugi er fyrir leiknum í
Skotlandi og Skotar eru stórhuga
fyrir undankeppnina eftir að hafa
rétt misst af farseðlinum á
lokakeppni Evrópumótsins í
sumar. En samkvæmt heimasíðu
KSÍ þá hefur sambandið nú þegar
selt knattspyrnusambandi
Skotlands 1.500 miða á leikinn og
búast má við því að þeir miðar
muni rjúka út.
Skoskir áhorfendur láta jafnan
mikið til sín taka hvert sem þeir
fara og menn muna ef til vill eftir
því þegar skoska landsliðið kom
síðast og fylgismenn þeirra
máluðu Reykjavík rauða í
undankeppni Evrópumótsins árið
2004. - óþ
Undankeppni HM 2010
1.500 Skotar á
Laugardalsvöll?
VEKJA ATHYGLI Skoskir áhorfendur skera
sig jafnan úr hvert sem þeir fara.
NORDIC PHOTOS/GETTY
FÓTBOLTI Porstmouth fékk í gær
franska vinstri bakvörðinn
Armand Traore að láni frá
Arsenal út yfirstandandi keppnis-
tímabil.
Hinn 18 ára gamli Traore
kemur til með að veita Hermanni
Hreiðarssyni samkeppni um
stöðu í byrjunarliði Portsmouth
en knattspyrnustjórinn Harry
Redknapp er lengi búinn að vera
á eftir vinstri bakverði og rétt
missti af Nicky Shorey sem fór
frekar til Aston Villa á dögunum.
Þá gekk Portsmouth í gær frá
kaupum á kantmanninum Jerome
Thomas frá Charlton og skrifaði
leikmaðurinn undir eins árs
samning. - óþ
Enska úrvalsdeildin:
Hermann fær
meiri samkeppni
KÖRFUBOLTI Ísland tapaði fyrsta
leiknum sínum á æfingamótinu á
Írlandi þegar liðið lá 65-84 fyrir
Pólverjum. Pólverjar eru A-þjóð
en taka ekki þátt í undankeppni
EM að þessu sinni þar sem þeir
verða gestgjafar á úrslitakeppn-
inni næsta haust. Bakvörðuinn
Łukasz Wichniarz skoraði 19 stig
fyrir Pólverja en hrökk heldur
betur í gang í seinni hálfleiknum.
Pólverjar skoruðu fyrstu fimm
stig leiksins en íslenska liðið var
vel inni í leiknum í fyrri hálfleik,
komst fyrst yfir í 28-27 og staðan
var síðan jöfn, 31-31, í hálfleik.
Það gekk hins vegar allt á aftur-
fótunum hjá íslenska liðinu í þriðja
leikhlutanum sem tapaðist 11-33.
Íslenska liðið náði aðeins að laga
stöðuna í lokaleikhlutanum og ná
muninum úr 26 stigum niður í þau
19 stig sem skildu liðin að í lokin.
Jón Arnór Stefánsson var stiga-
hæstur með 11 stig auk þess að
gefa 5 stoðsendingar en Hlynur
Bæringsson skoraði 10 stig. Jón
og Hlynur voru í byrjunarliðinu
ásamt þeim Jakobi Erni Sigurðar-
syni, Páli Axel Vilbergssyni og
hinum unga miðherja Sigurði
Gunnari Þorsteinssyni.
Tölfræðin var íslenska liðinu
óhagstæð, liðið tapaði fráköstun-
um 25-37, hitti aðeins úr 8 af 30
þriggja stiga skotum sínum (26
prósent) og Pólverjar fengu 18
fleiri víti en Ísland. Pólska liðið
nýtti 21 af 29 vítum á meðan aðeins
3 af 11 vítum íslenska liðsins skil-
uðu sér í körfuna. - óój
ÍSLAND-PÓLLAND 65-84
(20-22, 11-9, 11-33, 23-20)
Stigin: Jón Arnór Stefánsson 11 (5
stoðs.), Hlynur Bæringsson 10, Logi
Gunnarsson 9, Sigurður Þorvaldsson
6 (8 fráköst), Jakob Sigurðarson 6,
Páll Axel Vilbergsson 5, Fannar Ólafs-
son 4, Sigurður Gunnar Þorsteinsson
4, Magnús Þór Gunnarsson 3, Helgi
Már Magnússon 3, Sveinbjörn Claess-
en 2 og Friðrik Stefánsson 2.
Ísland tapaði með 19 stigum á móti Póllandi á æfingamótinu í Írlandi í gær:
Skotnir í kaf í þriðja leikhluta
STIGAHÆSTUR Nýi KR-ingurinn Jón Arnór Stefánsson skoraði 11 stig en var í mjög
strangri gæslu. FRÉTTABLAÐIÐ/STEFÁN