Fréttablaðið - 27.09.2008, Blaðsíða 2
2 27. september 2008 LAUGARDAGUR
Örn, er rukkað á kílóið í þess-
um bransa?
„Nei. Er ekki örn rándýr?“
Örn Árnason leikari er dýrasti veislustjóri
landsins samkvæmt Jóhanni G. Jóhanns-
syni, sem rekur umboðsskrifstofu sem
sérhæfir sig í veislustjórn.
Nóatúni 4 · Sími 520 3000
www.sminor.is
A
T
A
R
N
A
69.900Tækifærisverð: kr. stgr.
(Verð áður: 89.800 kr.)
Tæki færi
í september
Nauðsynlegt forðabúr fyrir veturinn.
225 lítra. Orkuflokkur A+.
Sparneytin og hæfilega stór kista
fyrir venjulegt heimili.
H x b x d = 88,5 x 112 x 66 sm.
Frystikista
GT 26MA00
ENGLAND, AP Svissneskur ofurhugi
flaug í gær yfir Ermarsund með
heimasmíðaðan eldflaugaknúinn
væng á bakinu. Eftir um tíu mín-
útna flug frá frönsku hafnarborg-
inni Calais lenti Yves Rossy heilu
og höldnu í fallhlíf skammt frá
Hvítuklettum við Dover á Eng-
landi.
Rossy hóf hið 35 kílómetra flug
með því að láta varpa sér út úr
flugvél í um 2.500 metra hæð yfir
Calais og setja þá eldflaugarnar á
baki sér í gang. Eftir gangsetn-
ingu eldflaugamótoranna er lítið
hægt að stýra nema með því að
beita líkamanum. Koltrefjavæng-
urinn vegur um 55 kíló með full-
um eldsneytistönkum og eldflau-
gamótorunum fjórum.
„Þetta var fullkomið,“ sagði
Rossy eftir lendinguna, stoltur af
hinu óvenjulega afreki sínu.
Ofurhugaflug Rossy var ætlað
að heiðra minningu franska flug-
frumkvöðulsins Louis Bleriot, sem
fyrstum tókst að fljúga flugvél
yfir Ermarsund, sömu leið og
Rossy fór. Það var árið 1909.
- aa
Svissneskur ofurhugi lét draum sinn rætast í gær:
Á eldflaugavæng yfir Ermarsund
AFREKI FAGNAÐ Aðstoðarmenn Rossy sprauta kampavíni yfir hann eftir lendinguna í
Dover. Eldflaugavængurinn sést fyrir aftan hann. FRÉTTABLAÐIÐ/AP
DÓMSMÁL Ríkissaksóknari hefur
ákært ungan mann fyrir að skarta
lögreglubúningi á almannafæri í
óleyfi.
Manninum, sem er frá Fáskrúðs-
firði og er rúmlega tvítugur að
aldri, er gefið að sök að hafa notað
einkennisbúning lögreglu opinber-
lega í Reykjavík í mars á þessu ári.
Búningurinn samanstóð af buxum,
jakka, bindi og skyrtu. Maðurinn
er vegna þessa háttalags ákærður
fyrir brot gegn valdstjórninni. - jss
Ungur maður ákærður:
Skartaði löggu-
búningi í óleyfi
BANDARÍKIN, AP George W. Bush
Bandaríkjaforseti tjáði Banda-
ríkjaþingi í gær að það yrði að axla
ábyrgð og samþykkja löggjöf um
björgunaráætlun stjórnvalda fyrir
fjármálakerfi landsins.
Það voru Bush mikil vonbrigði
að þingið skyldi ekki afgreiða lögin
á fimmtudag en það voru þing-
menn úr hans eigin flokki sem
neituðu að samþykkja lögin
óbreytt. Samningaviðræður stóðu
yfir í gær en óljóst var um lyktir.
Samkvæmt áætluninni á að
heimila ríkissjóði Bandaríkjanna
að kaupa upp ónýtar kröfur og
„eitraða“ skuldabréfavafninga
fjármálastofnana fyrir allt að 700
milljarða dala, andvirði um 64.000
milljarða króna. - aa
Ekkert samkomulag vestra:
Bush biðlar til
þingheims
GEORGE W. BUSH Forsetinn fékk flokks-
bræður upp á móti sér. FRÉTTABLAÐIÐ/AP
FINNLAND Búið er að bera kennsl á
öll fórnarlömb Matti Juhani Saari,
unga mannsins sem skaut tíu
skólafélaga sína og kennara í
Finnlandi í vikunni. Einn hinna
látnu var einn besti vinur Saaris í
skólanum, að sögn finnska blaðsins
Hufvudstadsbladet.
Talað er um fjöldamorðið sem
slátrun. Nemendurnir köstuðu sér
í gólfið þegar fyrstu skotin
heyrðust. Saari gekk á milli og
skaut þá. Kastaði síðan bensíns-
prengju og kveikti í.
Skólar í Finnlandi hafa fengið
margar hótanir í þessari viku.
Allar hótanir eru teknar mjög
alvarlega. - ghs
Fjöldamorðið í Finnlandi:
Myrti einn
besta vin sinn
MENNING Útilistaverkið Sveipur,
sem sveitarfélagið Árborg samdi
um kaup á við listakonuna Sigrúnu
Ólafsdóttur í ársbyrjun 2006, hefur
enn ekki verið gert. Kostnaður við
smíði verksins verður margfalt
hærri en þær þrjár til fimm millj-
ónir króna sem upphaflega var
áætlað.
Í samkomulagi við Sigrúnu sem
bæjarráð Árborg-
ar staðfesti í jan-
úar 2006 kemur
fram að henni
skyldu greiddar
tvær milljónir
króna fyrir hönn-
un útilistaverks
úr stáli. Verkinu,
sem nefnt er
Sveipurinn, er
ætlaður staður austan við Ölfusár-
brúna.
Sigrún hefur þegar skilað teikn-
ingum og módeli að verkinu og
fengið stærstan hluta sinnar þókn-
unar greiddan. Að auki hefur verið
unnin talsverð vinna við burðar-
þolshönnun. Kostnaður vegna henn-
ar er óuppgerður en er meiri en ráð
var fyrir gert að sögn Jóns Hjartar-
sonar, formanns bæjarráðs.
„Megin skýringin er sú að heims-
markaðsverð á góðu stáli hefur
margfaldast frá því samið var um
verkið,“ segir Jón um ástæðu taf-
anna.
Nýlega mun Árborg hafa spurst
fyrir um það hjá stálsmiðju hvað
smíði listaverksins myndi kosta.
Svarið mun hafa verið fimmtán
milljónir króna. Þá er eftir kostnað-
ur við undirstöður, sem þurfa að
vera miklar þar sem verkið verður
þungt og umfangsmikið. Það blasir
því við að heildarkostnaður við
listaverkið Sveip verður naumast
undir tuttugu milljónum króna –
allt að fjórfalt hærri en lagt var
upp með.
Á fundi menningar- og lista-
nefndar Árborgar í síðustu viku
var lögð rík áhersla á að samning-
urinn við Sigrúnu yrði efndur. Rætt
var um að fá einkaaðila til að
hlaupa undir bagga með fjármögn-
un og Jón segir það einmitt koma
til greina. Ekki sé annað í mynd-
inni en að bærinn standi við samn-
inginn.
„Við viljum – og eigum sam-
kvæmt samningi – að koma þessu
gríðarlega flotta og mikla lista-
verki upp. Það verður skoðað í
tengslum við fjárhagsáætlun 2009
og þriggja ára áætlun frá 2010 til
2012. Allir möguleikar verða skoð-
aðir,“ segir formaður bæjarráðs.
gar@frettabladid.is
Útilistaverk í Árborg
fjórfaldaðist í verði
Hækkandi heimsmarkaðsverð á stáli er sagt orsök þess að útilistaverkið Sveipur
hefur ekki verið smíðað og sett upp á Selfossi eins og samið var um við listamann-
inn. Kostnaður verður líklega um tuttugu milljónir króna en ekki fimm milljónir.
JÓN HJARTARSON
SIGRÚN ÓLAFSDÓTTIR Listakonan Sigrún Ólafsdóttir hefur unnið útilistaverk við
ýmsar byggingar í Þýskalandi þar sem hún er búsett. Verkið sem sett verður upp á
Selfossi ber nafnið Sveipur.
VIÐSKIPTI Samkeppniseftirlitið
samþykkti í gær samruna
Kaupþings og SPRON. Í ákvörð-
uninni segir að ef ekki kæmi til
samrunans myndi SPRON hverfa
af markaðnum sem sjálfstæður
keppinautur og af því myndu
skapast samkeppnishömlur. Því
væri óhjákvæmilegt annað en að
leyfa samrunann. Guðmundur
Hauksson, forstjóri SPRON,
neitaði því í fréttum Stöðvar 2 að
fjárhagserfiðleikar væru ástæða
samrunans. Í ákvörðuninni segir
hins vegar að „í máli þessu hefur
því verið haldið fram að staða
SPRON sé erfið og að sökum þess
bæri að heimila samrunann“. - jse
Samkeppniseftirlitið:
Sameining til
bjargar SPRON
STJÓRNMÁL Þingmönnum verður
gert að sundurliða allar tekjur
sínar, fyrir utan störf á vegum
þingsins, verði drög að reglum
um skráningu á fjárhagslegum
hagsmunum þingmanna sam-
þykkt óbreytt. Þetta kemur fram
í drögunum, sem Fréttablaðið
hefur í vörslu sinni.
Upplýsingar þessar verða
aðgengilegar almenningi á heima-
síðu þingsins, líkt og er í Dan-
mörku.
Forsætisnefnd sendi þingflokk-
um drögin í mars 2007 og hafa
tveir flokkar svarað erindinu; VG
og Framsókn. Drögin eru trúnað-
armál og hafa upplýsingar um
þau úr þingheimi verið nokkuð
misvísandi. Til skamms tíma var
því haldið fram að ekki stæði til
að þingmenn gæfu upp fyrr-
greind launuð störf.
En einnig hafði komið fram að
þingmönnum yrði frjálst að fara
ekki eftir reglunum og er það rétt.
Flokkarnir tveir sem brugðist
hafa við erindi forsætisnefndar
gera báðir athugasemd við þetta.
„Til hvers að setja reglur um að
þú megir gera hvað sem þú vilt?“
spurði þingflokksformaður VG.
Og Framsókn telur nauðsynlegt
að skylda alla til að skrá hags-
muni sína svo reglurnar nái til-
gangi sínum. Formaður Samfylk-
ingar hefur einnig sagt
„heppilegra“ að reglurnar gildi
um alla. - kóþ
Upplýsingar um fjárhagslega hagsmuni þingmanna verði á heimasíðu Alþingis:
Greint frá launuðum störfum
ALÞINGI Þingmenn geta afturkallað
samþykki sitt fyrir skráningu á fjárhags-
legum hagsmunum hvenær sem er
samkvæmt drögunum. FRÉTTABLAÐIÐ/GVA
LÖGREGLUMÁL Enn liggur engin
játning fyrir í rannsókninni á
morðinu á Hrafnhildi Lilju
Georgsdóttur að sögn Cristians
Ferreira,
yfirmanns
rannsóknarlög-
reglunnar í
Puerto Plata í
Dóminíska
lýðveldinu. Þrír
eru í haldi, tveir
karlmenn og ein
kona.
Í fréttum
Stöðvar 2 í gær
var sagt frá því
að rannsóknablaðamaður í
Dóminíska lýðveldinu héldi því
fram að lögreglan hefði reynt að
þagga málið niður og afgreiða
eins og um sjálfsvíg væri að
ræða. „Það er ekki rétt,“ segir
Cristian. „Lögreglan hefði engan
hag af því að þagga málið niður
og gæti það ekki heldur því mun
fleiri en lögreglan komu að
málinu strax frá upphafi.“ - jse
Lögreglan í Puerto Plata:
Þögguðu málið
ekki niður
HRAFNHILDUR
LILJA
GEORGSDÓTTIR
SPURNING DAGSINS