Fréttablaðið - 27.09.2008, Blaðsíða 6

6 27. september 2008 LAUGARDAGUR
ÞÝSKALAND, AP Sérsveit þýsku lögreglunnar réðst í
gær inn í farþegaþotu sem beið flugtaks á flugvell-
inum við Köln-Bonn og handtók tvo menn í nafni
hryðjuverkavarna. Lögreglan upplýsti að ákveðið
hefði verið að láta til skarar skríða eftir að bréf
fannst þar sem mennirnir kváðust vilja deyja
píslarvættisdauða í hermdar verki.
Hinir grunuðu eru báðir frá Sómalíu, 23 og 24 ára
gamlir, en annar þeirra hefur þýskan ríkisborgara-
rétt, að því er talsmaður lögreglunnar í þýska
sambandslandinu Nordrhein-Westfalen, Katharina
Breuer, greindi frá.
Auk hinna handteknu voru 46 farþegar í Fokker-
50-vél hollenska KLM-flugfélagsins, en för hennar
var heitið til Amsterdam.
Breuer sagði að yfirvöldum hefði borist bréf sem
hinir handteknu hefðu skrifað, þar sem þeir lýsa
vilja til að taka virkan þátt í „djíhad“, heilögu stríði
herskárra múslima, og láta lífið í hryðjuverkaárás.
Hún sagði að talið væri að mennirnir hefðu ekki
ætlað sér að ræna þessari vél. Þýskir fjölmiðlar
sögðu mennina hafa ætlað til Pakistans. Dagblaðið
Bild sagði þá hafa mánuðum saman verið undir
eftirliti í nafni hryðjuverkavarna. - aa
UPPNÁM Merki KLM-flugfélagsins sést hér á Köln-Bonn-flug-
velli eftir uppnámið sem skapaðist er sérsveit lögreglu ruddist
inn í vél félagsins. FRÉTTABLAÐIÐ/AP
Tveir ungir menn frá Sómalíu handteknir í farþegaflugvél á Köln-Bonn-flugvelli:
Vildu deyja í heilögu stríði
DÓMSMÁL Karlmaður hefur verið
úrskurðaður í sex mánaða nálgun-
arbann gagnvart fyrrverandi sam-
býliskonu, eftir að hann hafði
ónáðað hana ítrekað og hótað
henni lífláti. Konan er barnsmóðir
mannsins, samkvæmt upplýsing-
um Fréttablaðsins. Það var Hér-
aðsdómur Reykjaness sem kvað
upp úrskurðinn.
Tilefni nálgunarbannsins, sem
úrskurðað var nýverið, var
langvarandi ónæði hans sem
konan hafði tilkynnt til lögreglu. Í
því fólust meðal annars látlausar
símhringingar sem lögregla varð
vitni að, þar sem hún hafði verið
kölluð á heimili konunnar vegna
atgangs mannsins. Á síðari stigum
málsins var hann farinn að hóta
konunni, en hún tók þær hótanir
upp. Á upptökunum mátti heyra
manninn hóta konunni því að hann
myndi „láta kála henni“ ef hún
hætti ekki við framlagða beiðni
um nálgunarbann. Maðurinn var
úrskurðaður í þriggja mánaða
nálgunarbann gagnvart sömu
konu í fyrra.
Umræddur maður sætir rann-
sókn lögreglu vegna líkamsárásar
í garð konunnar og dóttur sinnar.
Hann er grunaður um að hafa
gengið í skrokk á konunni oftar en
einu sinni. Rannsókn þess máls er
á lokastigi.
Karlmaður úrskurðaður í sex mánaða nálgunarbann:
Hótaði að „láta kála“ konu
HÉRAÐSDÓMUR REYKJANESS Kvað upp nálgunarbannsúrskurðinn.
SJÁVARÚTVEGUR Erlendir kaupend-
ur íslenskra sjávarafurða þrýsta
nú á íslensk fisksölufyrirtæki að
lækka hjá sér verð. Segja þeir það
nauðsynlegt í ljósi lausafjárvand-
ans sem skapast hefur í alþjóðlegu
fjármálakreppunni. Bera þeir
einnig fyrir sig gengi krónunnar,
sem þeir segja að sé hagstætt
fyrir íslenska útflytjendur. Sökum
þess hljóti fyrirtækin að hafa borð
fyrir báru.
Svo er þó ekki að sögn Her-
manns Stefánssonar, framleiðslu-
stjóra Skinneyjar-Þinganess.
Efnahagsástandið skapi margvís-
leg vandamál.
„Þetta þýðir lægra verð, lengri
greiðslufresti, minnkandi greiðslu-
tryggingar, aukið birgðahald, auk-
inn geymslukostnað og aukinn
fjármagnskostnað. Sem sagt hell-
ings áhrif,“ sagði Hermann í sam-
tali við Fréttablaðið.
Íslensku fyrirtækin eru ekki í
góðri stöðu til að neita kröfum um
verðlækkun. „Auðvitað viljum við
segja nei en erum ekki í stöðu til
þess,“ segir Hermann. Yfir vofi að
kaupendur leiti annað eftir fiski.
Hermann fjallaði um áhrif fjár-
málakreppunnar á markaðssetn-
ingu sjávarafurða á aðalfundi
Samtaka fiskvinnslustöðva í gær.
Í máli Arnars Sigurmundssonar
formanns kom fram að verðmæti
útfluttra sjávarafurða á síðasta
ári næmi tæpum 128 milljörðum
króna og hefði aukist um rúma
þrjá milljarða frá árinu áður.
Fyrstu sjö mánuði þessa árs er
útflutningurinn áætlaður tæpir
níutíu milljarðar, sem er þrettán
milljörðum meira en á sama tíma í
fyrra.
Arnar fjallaði líka um efnahags-
umhverfi greinarinnar. Sagði hann
nauðsynlegt að ríkisstjórnin léti
hefja boðaða úttekt á árangri í
efnahagsstjórnun, stöðu krónunn-
ar og samskiptum við Seðlabank-
ann. „Þá hlýtur nú að vera komið
að lækkunarferli á stýrivöxtum
bankans svo um munar en slíkt
gæti orðið til þess að skapa meiri
ró og lækka fjármagnskostnað
fólks og fyrirtækja. Verði ekkert
gert á næstunni og sama gengis-
þróun heldur áfram er ekki víst að
krónan komist heil út úr þeim hild-
arleik,“ sagði Arnar Sigurmunds-
son.
bjorn@frettabladid.is
Þrýst á um lægra
verð á sjávarfangi
Vegna alþjóðlegrar fjármálakreppu og gengislækkunar krónunnar er þrýst á
um verðlækkun á íslenskum fiski. Formaður Samtaka fiskvinnslustöðva spáir
að illa fari fyrir krónunni ef ekki verði gripið til viðeigandi efnahagsaðgerða.
AÐALFUNDUR SAMTAKA FISKVINNSLUSTÖÐVA Í máli formannsins kom fram að nú hlyti að vera komið að lækkunarferli á stýri-
vöxtum Seðlabankans. Það gæti skapað meiri ró og lækkað fjármagnskostnað fólks og fyrirtækja. FRÉTTABLAÐIÐ/ARNÞÓR
BANDARÍKIN, AP John McCain, for-
setaframbjóðandi repúblikana
vestra, snerist hugur og ákvað í
gær að mæta í fyrstu sjónvarps-
kappræðurnar við mótframbjóð-
andann úr flokki demókrata, Bar-
ack Obama. Útsendingin fór fram
frá Mississippi-háskóla í nótt.
Fyrr í vikunni hafði McCain
sagt að hann vildi fresta kapp-
ræðunum á þeim forsendum að
ábyrgð sín sem öldungadeildar-
þingmanns krefðist þess að hann
einbeitti sér að því að finna leiðir
út úr fjármálakreppnunni sem
ógnaði efnahagslífi Bandaríkj-
anna. Obama, sem einnig á sæti í
öldungadeild Bandaríkjaþings,
taldi þó enga ástæðu til að fresta
kappræðunum.
Þegar innan við tíu tímar voru
til stefnu tilkynntu talsmenn
kosningabaráttu McCains að hann
myndi mæta. - aa
Fyrstu kappræðurnar:
McCain hætti
við að hætta við
Var rétt að auglýsa stöðu
lögreglustjórans á Suðurnesjum
lausa til umsóknar?
Já 16,8
Nei 83,2
SPURNING DAGSINS Í DAG
Á að setja framkvæmdirnar á
Kársnesi í umhverfismat?
Segðu skoðun þína á visir.is
NÁTTÚRA Sama fyrirkomulag
verður haft á rjúpnaveiðum í
haust og viðhaft var í fyrra. Leyft
verður að veiða rjúpur í samtals
átján daga í nóvember, og verður
sölubann áfram í gildi, sam-
kvæmt ákvörðun umhverfisráð-
herra, sem tilkynnt var í gær.
Heimilt verður að veiða rjúpur
frá 1. til 30. nóvember, en
eingöngu frá fimmtudegi fram á
sunnudag. Er mælst til þess að
hver veiðimaður skjóti ekki fleiri
en tíu rjúpur. Fækkunarskeið
virðist afstaðið hjá rjúpnastofnin-
um, og er farið að fjölga í
stofninum á Austurlandi. - bj
Óbreytt fyrirkomulag veiða:
Rjúpur veiddar
í 18 daga í haust
VEIÐAR Fjölgað hefur í rjúpnastofninum
á Austurlandi, en stofninn virðist standa
í stað annars staðar á landinu.
FRÉTTABLAÐIÐ/KRISTJÁN
Vinnuslys á Hellisheiði
Starfsmaður við Hellisheiðarvirkjun
slasaðist þegar járnbútur, sem verið
var að hífa upp, slóst í hann. Maður-
inn var fluttur á sjúkrahús með minni
háttar meiðsl.
LÖGREGLUFRÉTTIR
Tvítugur karlmaður í Reykjavík hefur
verið ákærður fyrir peningafals. Hann
greiddi sendli með tveimur fimm
þúsund króna seðlum, sem hann
vissi að voru falsaðir, fyrir mat og gos,
sem hann hafði pantað.
DÓMSTÓLAR
Ákærður fyrir peningafals
KJÖRKASSINN