Fréttablaðið - 27.09.2008, Qupperneq 57

LAUGARDAGUR 27. september 2008
Bítillinn fyrrverandi Sir Paul
McCartney spilaði í fyrsta sinn í
Ísrael á löngum ferli sínum fyrir
framan um fjörutíu þúsund
aðdáendur. Hóf hann tónleikana
með Bítlalaginu Hello Goodbye
og eftir það flutti hann hvern
slagarann á fætur öðrum, þar á
meðal Give Peace a Chance og
Live and Let Die. Sungu áhorf-
endur með honum viðlagið í
fyrrnefnda laginu, auk þess sem
flugeldum var skotið á loft á
meðan á hinu síðarnefnda stóð.
Árið 1965 var Bítlunum bannað
að spila á fyrirhuguðum tónleik-
um í Ísrael af ótta við að þeir
myndu spilla æsku landsins.
Fyrir þessa tónleika sagði
McCartney aftur á móti að ekkert
gæti haldið honum frá sviðinu.
McCartney
spilaði í Ísrael
PAUL MCCARTNEY Bítillinn fyrverandi
spilaði í fyrsta sinn í Ísrael á löngum ferli
sínum.
Orðrómur er uppi um að breski
grínistinn Ricky Gervais verði
kynnir á Óskarsverðlaunahátíð-
inni næsta vor. Gervais þótti
standa sig einkar vel á Emmy-
verðlaununum á dögunum þar
sem hann kenndi áhorfendum
hvernig ætti að taka á móti
verðlaunum. Brá hann á leik með
gamanleikaranum Steve Carell
við mikil hlátrasköll áhorfenda.
Talið er að skipuleggjendur
Óskarsins hafi þegar rætt við
umboðsmenn Gervais í von um að
hann þekkist boðið. Myndi hann
þá feta í fótspor þekktra grínista
á borð við Billy Crystal, Steve
Martin og Ellen Degeneres.
Gervais sem
Óskarskynnir
RICKY GERVAIS Breski grínistinn er talinn
líklegur til að kynna Óskarsverðlaunin
næsta vor.
Verðlaunaflokkum Eddu-
verðlaunanna hefur verið
fjölgað. Sérstakir flokkar
hafa verið búnir til fyrir
kvikmyndatöku, klippingu,
hljóð, tónlist, leikmynd, bún-
inga og gervi. Einnig verða
veitt tvenn verðlaun fyrir
leik í aukahlutverki í stað
einna og verður þeim skipt á
milli karla og kvenna, að því
er kemur fram í tilkynningu
frá Íslensku kvikmynda- og
sjónvarpsakademíunni. Að
auki hefur dómnefndum
verið fækkað úr sjö í þrjár á sama tíma og dómnefndarfólki hefur
verið fjölgað. Sitja nú tíu í hverri nefnd.
Edduverðlaunin verða afhent í tíunda sinn hinn 16. nóvember
næstkomandi.
Fjölgun hjá Eddunni
RAGNAR BRAGASON Kvikmynd Ragnars,
Foreldrar, var sigursæl á síðustu Edduverð-
launahátíð. My Winnipeg
Mín Winnipeg
Vestur-Íslenski leikstjórinn Guy Maddin semur hér
kvikmyndaóð til heimaborgar sinnar Winnipeg og
býr til nýjar goðsagnir fyrir Kanada-búa.
≥ Norræna húsið 22.30
≥ Regnboginn
≥ Norræna húsið
≥ midi.is
Laugardagur 27. september
Landsbyggðarkennari 15:30
Fyrir morgundaginn 15:30
Ein lína á dag hlýtur að vera nóg! 15:30
Ég hef lengi elskað þig 15:30
Snjór 17:30
68-kynslóðin / Einungis fæðing 17:30
Án vægðar 17:30
Rafmögnuð Reykjavík 18:30
Hanna K 20:00
Skelfilega hamingjusamur 20:00
Barcelona (kort) 20:00
Teipið gengur! 20:15
O'Horten 21:30
Berlín kallar 22:30
Hún er strákur sem ég þekkti 22:30
Regn 22:30
Ofbeldi í bíó / Löng helgi 23:30
Ungar hetjur-10 ára og yngri 13:30
Ungar hetjur-10 - 12 ára 15:30
Speglar sálarinnar 17:30
Verk Shirin Neshat 20:00
Mín Winnipeg 22:30