Fréttablaðið - 27.09.2008, Blaðsíða 62
42 27. september 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT: 2. bauti, 6. einnig, 8. mjöl, 9.
æxlunarkorn, 11. gelt, 12. granni, 14.
ala, 16. tvíhljóði, 17. utan, 18. útsæði,
20. tveir eins, 21. lokka.
LÓÐRÉTT: 1. ládeyða, 3. kringum,
4. gróðrahyggja, 5. gapa, 7. tré, 10.
hljóðfæri, 13. súld, 15. sálar, 16.
máttur, 19. pípa.
LAUSN
LÁRÉTT: 2. buff, 6. og, 8. mél, 9. gró,
11. gá, 12. nábúi, 14. fóðra, 16. au, 17.
inn, 18. fræ, 20. dd, 21. laða.
LÓÐRÉTT: 1. logn, 3. um, 4. fégirnd,
5. flá, 7. gráfura, 10. óbó, 13. úði, 15.
anda, 16. afl, 19. æð.
„Við erum að fagna tuttugu ára afmæli félags
sem hefur getið af sér helstu stjórnmálaleið-
toga dagsins í dag hvort heldur er um að
ræða Samfylkingu, Vinstri græna eða
Framsóknarflokk,“ segir Steinunn Valdís
Óskarsdóttir alþingismaður.
Hún ætlar í ballskóna í kvöld því fyrir
dyrum stendur mikill fagnaður á Borginni.
Röskva, samtök félagshyggjufólks við
Háskóla Íslands, ætlar að efna til veislu í
tilefni þess að tuttugu ár eru frá stofnun
samtakanna. Freyr Eyjólfs og hljómsveit
ætla að leika fyrir dansi og Steinunn er þess
albúin að stíga polka í kvöld. Þeir stjórnmála-
leiðtogar sem hún er að tala um er fólk á borð
við Katrínu Jakobsdóttur og Guðmund
Steingrímsson sem verða veislustjórar. Aðrir
sem ætla má að mæti eru Björk Vilhelms-
dóttir, Páll Magnússon, Björn Ingi Hrafns-
son, Dagný Jónsdóttir, Sæunn Stefánsdóttir,
Guðjón Ólafur Jónsson, Dagur B. Eggertsson,
Þórunn Sveinbjarnardóttir, Skúli Helgason,
Katrín Júlíusdóttir og mætti lengi áfram
telja. „Fólk sem steig sín fyrstu spor í
Röskvu og er frekar áberandi í dag. Fólk sem
á það sammerkt að vera ekki í Sjálfstæðis-
flokknum. Kannski verða til ný pólitísk
bandalög í kvöld, hver veit?“ segir Steinunn.
Og slær hvergi af aðspurð hvort ganga megi
svo langt að segja að sjálfstæðismenn séu
hreinlega óvelkomnir í gleðina á Borginni í
kvöld?
„Já, ég myndi segja það. Hvað ættu þeir
svo sem að vilja? Það var mikill hiti í
stúdenta pólitíkinni í þá daga,“ segir Stein-
unn. - jbg
Sjallar óvelkomnir á Borgina í kvöld
RÖSKVUFÓLK GERIR SÉR GLAÐAN DAG Margir þeir sem
eru áberandi í pólitíkinni í dag stigu sín fyrstu pólitísku
spor í Röskvu. FRÉTTABLAÐIÐ/GVA
Ásthildur
Kjartans-
dóttir
Aldur:
57 ára.
Starf:
Kvik-
mynda-
gerðarkona
og kennari.
Fjölskylduhagir: Í sambúð með
Jakobi Andersen sálfræðingi, á þrjú
uppkomin börn, þau Arnar, Önnu
Svövu og Andra Kjartan.
Foreldrar: Svava Jónsdóttir, versl-
unareigandi, og Kjartan Guðmunds-
son heitinn, tannlæknir.
Búseta: Logaland í Fossvogi.
Stjörnumerki: Vog.
Ásthildur sýnir mynd sína Þetta
kalla ég dans, um Ernu Ómarsdótt-
ur, á Alþjóðlegu kvikmyndahátíðinni
í Reykjavík.
„Sprelligosinn verður ekki í önd-
vegi. Heldur verður þetta á ljúf-
um og Hermannlegum nótum,“
segir Hermann Gunnarsson sem
er að byrja með nýjan útvarpsþátt
á Bylgjunni frá klukkan átta til
hálf ellefu á sunnudags-
morgnum. Þátturinn heitir
einfaldlega Sunnudags-
morgunn með Hemma og
segir það sína sögu um anda
þáttarins að einkennis-
lag er „Sunnudags-
morgunn“ Jóns
Ólafssonar.
„Já, ég skilgreini
sjálfan mig auð-
veldlega sem tvær
persónur: Það er
trúðurinn og svo
Hemmi. Sem er
kannski „hinn
djúpþenkjandi
Dylan,“ svo vitnað sé í meistara
Bjartmar, og hann fær nú að njóta
sín. Ég ætla ekki að vera með
neinn fíflagang – ætla ekki að
terr orisera fólk í þynnkunni,“
segir Hemmi og hlær.
Einn aðalgestur verður í hverj-
um þætti og er það silfurbangs-
inn frá Peking, Sigfús Sigurðs-
son handboltakappi, sem
verður sá að þessu sinni.
„Viðtal á persónuleg-
um nótum. Ég ætla að
sýna þjóðinni allt
aðra hlið á þeim
manni en hún þekk-
ir.“
Ýmislegt annað verður til efnis.
Þannig ætlar Hemmi að gramsa í
gullkistunni sem Bylgjan á en
megnið þess sem hann hefur unnið
fyrir útvarp hefur varðveist. „Ég
mun til dæmis leika Harðsnúnu
Hönnu í blúsgítarstíl en Gunni
Þórðar kom eitt sinn til mín í við-
tal og lék og söng sjálfur tvö lög.
„Svo ætla ég að rifja upp einhverja
frétt frá Íslandssögunni og færa
hana til nútímans. Nú er ég að
skrifa inngang að frétt frá árinu
1977, sem ég fæ fréttamann til að
lesa, en þá eignuðumst við Íslend-
ingar okkar fyrsta heimsmeistara
í skák. Jón L. Árnason þá sextán
ára. Í 3. sæti var Gary nokkur
Kasparov. Svo leik ég vinsælasta
lagið frá því í september árið 1977
og Jón kemur í heimsókn,“ segir
Hemmi og er spenntur fyrir því að
hefjast handa. - jbg
Trúðurinn Hemmi settur á hilluna
HINN DJÚPÞENKJANDI
HEMMI Sprelligosinn
verður lagður á hill-
una, Hemmi ætlar
ekki að terrorisera
fólk í þynnkunni.
Mikla athygli vakti þegar Frétta-
blaðið greindi frá því
í vikunni að Bubbi
Morthens ætlar að
sjá um vikulegan
þátt á mánudags-
kvöldum á Rás
2 í vetur. Bubbi
er þó ekki eini
tónlistarmaður-
inn sem hefur
sett stefnuna á útvarp. Þannig
heyrist því hvíslað að sjálfur KK sé
með þátt í undirbúningi. Hug-
myndin mun vera sú að hann verði
með klukkutíma þátt á Rás 1, milli
átta og níu á morgnana á virkum
dögum. Landsmenn gætu örugg-
lega fengið verri mann til að koma
sér á fætur en ljúfmennið KK.
Veðurfar septembermánaðar hefur
verið ömurlegt en vilji menn tala
hrútshornum tveimur yfir tákn-
gervingi veðurs á Íslandi, Sigurði
Þ. Ragnarssyni eða Sigga stormi,
munu þeir grípa í tómt. Siggi er nú
í vellystingum í húsi sínu á Spáni
og nýtur blíðunnar. Andskotar Sigga
geta þó huggað sig við
það að krónan fellur
og fellur en það fylgir
þessari sögu að Siggi
stormur er nú orðinn
eindreginn talsmaður
upptöku evru á
Íslandi.
Árni Þórarinsson er einn þeirra
höfunda sem senda frá sér krimma
um þessi jól. Aðalsöguhetja hans,
Einar blaðamaður, fer að þessu
sinni vestur á Ísafjörð til að fjalla
um dularfullt mál. Titill er kominn
á bókina en Árni hefur gert sér
að leik að finna sér titla á krimma
sína í lagaheitum svo sem Dauði
trúðsins og Tími nornarinnar.
Titill nýrrar bókar Árna er
Sjöundi sonurinn og
verður poppfróðum
látið eftir að finna
til hvaða lags það
vísar.
- hdm, jbg
FRÉTTIR AF FÓLKI
„Þetta er stór rulla sem maður
verður að prófa,“ segir Gísli Örn
Garðarsson leikari, sem hefur
þekkst boð hins virta breska leik-
húss Royal Shakespeare Company
um að taka að sér hlutverk kvenna-
bósans Don Juan í væntanlegri
leiksýningu. Um er að ræða nýja
leikgerð sem byggð er á hinni
þekktu óperu Don Giovanni. Leik-
ritið kallast Don John og gerist
árið 1978, á pönktímabilinu í Bret-
landi. „Þetta leggst bara vel í mig,
mér líst ótrúlega vel á það sem
mér hefur verið sagt af þessu,“
segir Gísli, sem mun sýna á sér
nýja hlið í hlutverki Don Juan
sjálfs. „Það er einhver söngur í
þessu. Ég hef aldrei sungið áður á
sviði og hef raunar aldrei þótt
neitt rosalega lagvís. Það eru
margir mér fremri þar.“ Leik-
stjóri Don John er Emma Rice,
sem leikstýrði Gísla einmitt í
breska þjóðleikhúsinu, í A Matter
of Life and Death. Nína Dögg Fil-
ippusdóttir, eiginkona Gísla, hefur
verið ráðin í eitt af kvenhlutverk-
um sýningarinnar.
Royal Shakespeare Company er
eitt virtasta leikhús Bretlandseyja
ef ekki það virtasta. Sumir ganga
svo langt að segja það hið virtasta
í heiminum. Saga leikhússins nær
allt aftur til 1879 þegar leikhús
var reist til minningar um William
Shakespeare í fæðingarbæ hans,
Stratford-upon-Avon. Enn þann
dag í dag eru höfuðstöðvar leik-
hússins þar en við hafa bæst útibú
í London og Newcastle. Fjölmarg-
ir virtir leikarar hafa leikið í Royal
Shakespeare Company, til að
mynda Kenneth Branagh sem
skapaði sér fyrst nafn þar. Auk
hans má nefna Daniel Day-Lewis,
Ben Kingsley, Ian McKellen, Laur-
ence Olivier, Judi Dench og Peter
O‘Toole.
Eins og Fréttablaðið hefur
greint frá fer Gísli Örn nú með
hlutverk í næstu stórmynd fram-
leiðandans Jerry Bruckheimer
þar sem Ben Kingsley er einmitt í
stóru hlutverki. Myndin kallast
Prince of Persia: The Sands of
Time og hafa tökur meðal annars
farið fram í Marokkó. Innan
skamms halda tökur áfram í
myndveri í London en í millitíð-
inni frumsýnir Vesturport Ham-
skiptin á Írlandi. Á næstu mánuð-
um verða Hamskiptin svo
frumsýnd á fleiri stöðum víða um
veröldina. Æfingar á Don John
hefjast í byrjun nóvember og
frumsýnt verður um miðjan
desember. Fyrirhugað er að sýn-
ingin gangi með hléum fram í maí
á næsta ári víða um Bretland. Gísli
Örn viðurkennir að hann hafi verið
á báðum áttum með að taka þetta
hlutverk að sér vegna anna. „Það
er nú það, ég var tvístígandi með
þetta. Og það gæti enn komið eitt-
hvað upp á. En maður vonar það
besta.“ hdm@frettabladid.is
GÍSLI ÖRN: FRÁ BRUCKHEIMER Í ROYAL SHAKESPEARE COMPANY
Leikur Don Juan í þekkt-
asta leikhúsi Bretlands
ÍSLENSKUR DON JUAN Gísli Örn Garðarsson leikur um þessar mundir í næstu stór-
mynd Jerry Bruckheimer en hefur auk þess tekið að sér hlutverk Don Juan í hinu
virta breska leikhúsi Royal Shakespeare Company. FRÉTTABLAÐIÐ/HÖRÐUR
Dive Deeper 08
Tækninámsstefna í Smárabíó 9-10 október
Microsoft sérfræðingar, ekki missa af þessu!
Nánari upplýsingar og skráning í síma 544 4500 og www.ntv.is/divedeeper
Auglýsingasími
– Mest lesið