Fréttablaðið - 27.09.2008, Blaðsíða 30

U
ppeldi og umhverfi hafa umtalsverð áhrif á framtíð barna.
Hvort tveggja mótar sýn þeirra á lífið og hefur áhrif á áhuga-
svið, afstöðu til trúmála, vina- og makaval, námsleiðir og
starfsvettvang og það heimili sem hver og einn kýs að skapa
sér og sínum á fullorðinsárum. Í mínu tilviki hafði móðir mín mikil áhrif
á þetta allt.
Mamma er ein þeirra sem hafa frá því að ég man eftir mér verið í sí-
felldri sjálfsleit. Og þar sem ég var örverpið í fjölskyldunni varð ég
þess heiðurs aðnjótandi að fá að fljóta með í leit hennar að æðri upp-
ljómun. Þannig hafði ég meðal annars fengið árulestur, hugleitt, kyrj-
að með búddistum, farið í lithimnulestur hjá indíána, komist að því með
hjálp heilara hvaða mat mér bæri að forðast, innbyrt blómadropa og
aðra elexíra við ofnæmi og horfið aftur til fyrri tilverustiga áður en ég
náði þrettán ára aldri.
Bernskuheimilið var líka vitnisburður um þessar þreifingar mömmu.
Meðan aðrar fjölskyldur skiptu út sófanum eða endurnýjuðu eldhús-
græjurnar með nokkurra ára millibili var
okkar heimili hálfgert tilraunasvæði. Einn
dag minnti það á útibú frá Fríðu frænku, þann
næsta var eins og Osborne-fjölskyldan hefði
sest að. Auðvitað var ekki leiðinlegt að sofna
í dimmbláu herbergi og vakna upp í heið-
gulu himnaríki, sjá hvítan vegg hverfa á bak-
við fjólubláa múrsteina eða sitja til borðs í
Art Deco eldhúsi þar sem sveitarómantík ríkti
áður. Stundum var þó örlítið lýjandi að þurfa
að kynnast eigin heimili sífellt upp á nýtt,
finna aldrei neitt og detta á rassinn við að setjast á horfinn stól.
Hvers konar einstaklingi skyldi síðan svona uppeldi og umhverfi
hafa skilað út í samfélagið? Svarið er tiltölulega trúlausum manni sem
vill hafa sem flest í föstum skorðum heima hjá sér og hræðist fátt eins
mikið og fjólubláa múrsteina. Hvítir veggir og látlausar innréttingar,
ferköntuð furuborð, leðursófi og eikarparket eru málið á mínu heimili
og blómaskreyttir lampaskermar með því flippaðra sem þar er að finna.
Stundum hvarflar að mér að kannski sé ég helst til íhaldssamur.
Hvort ekki væri nú nær að sleppa aðeins af sér beislinu og skvetta til
dæmis úr rauðri málningarfötu á veggina upp á grín. Tilhugsunin um
jólaboðin heima hjá mömmu og pabba, þar sem við fjölskyldan borðum
jólasteikina saman með flennistórt málverk af púkum í óviðeigandi stell-
ingum á einum veggnum, slær þó yfirleitt á slíkt stundarbrjálæði. Nei,
þá er bara miklu betra að leyfa öllum hinum að vera flippaðir í friði.
„Stundum var þó
örlítið lýjandi að
þurfa að kynnast
eigin heimili sífellt
upp á nýtt, finna
aldrei neitt og detta á
rassinn við að setjast
á horfinn stól.“
● Forsíðumynd: Valgarður Gíslason tók mynd á heimili
Hörpu Heimisdóttur Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar:
Hrefna Sigurjónsdóttir hrefna@frettabladid.is, Roald
Eyvindsson roald@frettabladid.is, Emilía Örlygsdóttir
emilia@frettabladid.is Auglýsingar: Hlynur Þór Stein-
grímsson s. 517 5439 Útlitshönnuður: Kristín Agnars-
dóttir kristina@frettabladid.is.
HEIMILISHALD
ROALD EYVINDSSON
Art Deco og árulestur
Hallgrímur Ólafsson býr í gömlu
þríbýli í lítilli götu í Vesturbæn-
um og kann því vel.
Þar blanda hann og konan
saman gömlu og nýju en elsta
húsgagnið er 100 ára gamalt
borðstofuborð. „Það fengum við
að gjöf frá tengdamömmu en hún
keypti það á antíksölu í Kaup-
mannahöfn. Stólana keypti hún
síðan á annarri antíksölu. Þarna
eigum við fjölskyldan notalega
stund á morgnana og plönum dag-
inn,“ segir Hallgrímur og fær sér
sopa af rjúkandi kaffi.
Hann segist vilja hafa fínt í
kringum sig eins og flestir. „Ég
ligg þó ekkert yfir neinum lífs-
stíls- og húsgagnablöðum og kaupi
bara það sem efni gefa tilefni til
en konan er meira í því að fletta
blöðum,“ segir hann og brosir út
í annað. Hún festi nýlega kaup á
litríkri mynd í New York sem fær
að njóta sín fyrir ofan borðið.
Hallgrímur segir framkvæmd-
ir í vændum á heimilinu og að til
standi að opna upp í ris svo eitt-
hvað sé nefnt. Hann segir þó af
og frá að hann muni koma nálægt
þeirri vinnu. „Ég er sá allra versti
þegar kemur að framkvæmdum á
heimilinu og get varla tekið bens-
ín á bílinn. Einu sinni réðist ég í
að flísaleggja og þegar því var
lokið hugsaði ég með mér að það
væri greinilega ástæða fyrir því
að menn lærðu til verka.“
Hallgrímur er í raun nýflutt-
ur heim eftir allnokkra útlegð en
hann lék í Fló á skinni á Akureyri
síðastliðinn vetur. Hann æfir nú
fyrir söngleikinn Fólkið í blokk-
inni sem verður frumsýndur í
Borgarleikhúsinu í byrjun næsta
mánaðar.
„Þar segir frá lífi fólks í blokk í
Breiðholti sem á sér draum um að
slá í gegn eða finna tilgang í líf-
inu. Þetta er falleg saga og per-
sónur í verkinu sem margir kann-
ast við,“ segir Hallgrímur sem
sjálfur ólst upp í blokk. „Ég er þó
persónulega búinn með blokkina.
Það er alltaf eitthvert vesen sem
kemur upp á milli íbúa og mér
finnst viðráðanlegra að búa í þrí-
býli.“ - ve
Búinn með blokkina
● Leikarinn Hallgrímur Ólafsson lumar á 100 ára gömlu borðstofuborði. Hann bjó lengi í
blokk en er í dag ánægður með ögn fámennari húsakynni í vesturbæ Reykjavíkur.
Tengdamóðir Hallgríms keypti borðstofuborðið á antíksölu í Kaupmannahöfn.
FRÉTTABLAÐIÐ/ANTON
● ÁRVISST DJÁSN GEORGS JENSEN Blómakarfa húðuð með 24
karata gulli er jólaóróinn frá Georg Jensen í ár. Hönnuður hans er Rigitze Ov-
ergaard. Nýr órói hefur komið á markaðinn ár hvert frá 1984 og þeir eru marg-
ir sem safna þeim. Sumir hafa þá uppi við allt árið en aðrir taka þá bara fram
fyrir jólin. Borðarnir sem þeir hanga í eru merktir útgáfuárinu og eru rauðir að
lit en óróinn er gylltur og stundum skreyttur með steinum, líkt og gert er þetta
árið. Gyllt blómin skarta steindum blómhnappi sem glitrar fallega og eru mótívin
fallega útskorin. Jólaóróarnir fást í Kúnígúnd, Epal og Saga Boutique.
www.eirberg.is • 569 3100 • Stórhöfða 25
Muvman fyrir breytilega hæð
• Bakið beint
• Dýpri öndun
• Aukin virkni
• Sveigjanleiki
Muvman fyrir eldhúsið
Einstakur stóll
● heimili&hönnun 27. SEPTEMBER 2008 LAUGARDAGUR2