Fréttablaðið - 27.09.2008, Blaðsíða 59

LAUGARDAGUR 27. september 2008 39
FÓTBOLTI Litlu munaði að lítið yrði úr spennandi
lokaumferð þar sem Keflvíkingar voru aðeins
nokkrum mínútum frá því að tryggja sér
Íslandsmeistaratitilinn í 21. umferð gegn FH á
Kaplakrikavelli. En sigurmark Atla Viðars
Björnssonar á ögurstundu fyrir FH kom í veg
fyrir það. FH vann svo örugglega leik gegn
Breiðabliki sem liðið átti til góða og því er
mjótt á munum á milli Keflavíkur og FH fyrir
lokaumferðina.
Keflavík mætir Fram og verður einfaldlega
Íslandsmeistari með sigri í þeim leik. FH þarf
því að vinna sinn leik gegn Fylki og treysta
jafnframt á að Fram taki stig af Keflavík til
þess að eygja von um titilinn. Ef Keflavík og
Fram skilja jöfn þarf FH að vinna Fylki með
meira en eins marks mun til þess að enda með
hagstæðari markamun en Keflavík. Að öðrum
kosti verða Keflvíkingar Íslandsmeistarar, þar
sem þeir hafa skorað talsvert fleiri mörk en
FH-ingar í sumar.
Keflavík varð síðast Íslandsmeistari árið
1973 og félagið er nú í seilingarfjarlægð frá
því að enda þessa 35 ára löngu bið. Kristján
Guðmundsson, þjálfari Keflvíkinga, kvað
stemninguna fyrir Framleiknum í Keflavík
vera á suðupunkti.
„Það er alveg gríðarleg stemning fyrir leikn-
um og fólk hér í bæ bíður í ofvæni eftir því að
leikurinn hefjist. Leikmennirnir og þjálfarar
eru líka spenntir eftir því að takast á við þetta
stóra verkefni og vikan er búin að vera löng, en
við erum búnir að vinna eins vel úr okkar
málum og hægt er,“ segir Kristján.
Hann á von á gríðarlega erfiðum leik gegn
Fram, sem er að elta þriðja sætið sem gefur
þátttökurétt í Evrópukeppni félagsliða á næsta
ári.
„Þetta er úrslitaleikur fyrir bæði lið og ég á
von á báðum mjög grimmum í leiknum. Það er
frábær endir á góðu fótboltasumri að leikirnir
í lokaumferðinni hafi svona mikið vægi,“ segir
Kristján að lokum.
Heimir Guðjónsson, þjálfari FH, á einnig
von á erfiðum leik gegn Fylki þó svo að
Árbæingar hafi þannig séð ekki að miklu að
keppa.
„Við þurfum bara
að standa okkar
vakt og vinna Fylki
en ég á von á erfið-
um leik þar sem Fylk-
ismenn hafa verið að
spila vel upp á síðkast-
ið. Ég sá þá spila á móti
Breiðabliki þar sem þeir voru
mun betri aðilinn. En við áttum
líka góðan leik gegn Blikunum nýverið þar
sem við sýndum bæði samstöðu og góða liðs-
heild og vonandi verður sama uppi á teningn-
um gegn Fylki. Við mætum alla vega einbeittir
og fullir sjálfstrausts í leikinn og verðum ekk-
ert með hugann við leikinn í Keflavík,“ segir
Heimir.
Heimir vonar að það hjálpi Hafnarfjarðar-
liðnu að vera með marga leikmenn sem hafa
kynnst því að spila mikilvæga leiki í toppbar-
áttunni á síðustu árum.
„Þetta er náttúrlega ekkert í fyrsta skiptið
sem FH er í þeirri stöðu að berjast um Íslands-
meistaratitilinn; við erum með leikmenn sem
hafa reynslu af því að spila þessa mikilvægu
leiki og vonandi nýtist það okkur gegn Fylki.
Annars er gaman að fólk fái spennu á lokadegi
mótsins og þannig á það að vera. Vonandi verð-
ur þetta bara góður dagur,“ segir Heimir. - óþ
Íslandsmeistarakandídatar Keflavíkur og FH verða í eldlínunni í lokaumferð Landsbankadeildar karla í dag:
Frábær endir á góðu fótboltasumri
REYNSLA Heimir Guðjónsson, þjálfari FH, vonast til
að leikmenn sínir muni njóta þess gegn Fylki að hafa
spilað marga mikilvæga leiki í titilbaráttu síðustu ára.
FRÉTTABLAÐIÐ/ANTON
EFTIRVÆNTING Kristján Guðmundsson, þjálfari Keflavíkur, segir mikla
spennu og eftirvæntingu ríkja í Keflavík fyrir Framleiknum. Keflavík
varð síðast Íslandsmeistari í efstu deild fyrir 35 árum. FRÉTTABLAÐIÐ/ANTON
FÓTBOLTI Framarar geta kórónað
frábært sumar hjá sér með
góðum úrslitum gegn Keflavík í
dag en Safamýrarfélagið er í
harðri baráttu um þriðja sætið.
„Ég er mjög ánægður með
gengi liðsins og það hefur farið
fram úr mínum björtustu
vonum,“ segir varnarmaðurinn
Auðun Helgason, sem gekk í raðir
Framara frá FH fyrir þetta
tímabil.
„Ég er Framari í dag og við
Framarar munum gera allt sem í
okkar valdi stendur til
þess að ná hagstæðum
úrslitum úr Keflavíkur-
leiknum, fyrir okkur.
Menn eru í þessu til
þess að ná árangri
fyrir sjálfa sig og lið
sitt og þetta vita
menn sem hafa verið í
þessu lengi. Það lið
sem tapar fæstum
stigum, hvort sem það
verður Keflavík eða
FH, mun eiga skilið að
verða Íslandsmeistari,“
segir Auðun. - óþ
Auðun Helgason, Fram:
Ánægður með
gengi Fram
FÓTBOLTI Íslandsmeistarabikarinn
í Landsbankadeild karla verður
til vörslu hjá Jóhanni G. Kristins-
syni eða Jóa vallarstjóra á
Laugardalsvelli á meðan á
leikjum Keflavíkur og Fram og
FH og Fylkis stendur. Þetta
staðfesti Ómar Smárason, leyfis-
og markaðsstjóri KSÍ, við
Fréttablaðið í gær.
„Bikarinn verður um miðja vegu
á milli Sparisjóðsvallarins í
Keflavík og Fylkisvallar í Árbæ,
um það bil við Álverið í Straums-
vík. Bikarinn verður í öruggum
höndum því Jói vallarstjóri mun
sjá um að skutla honum þaðan,“
segir Ómar. - óþ
Íslandsmeistarar krýndir í dag:
Jói vallarstjóri
geymir bikarinn
SIGURLAUNIN Það verða annaðhvort
Keflvíkingar eða FH-ingar sem hampa
Íslandsmeistarabikarnum. FRÉTTABLAÐIÐ/TEITUR
FÓTBOLTI Fylkir getur haft mikil
áhrif á titilbaráttuna þegar FH
kemur í heimsókn á Fylkisvöll og
Haukur Ingi Guðnason, framherji
Fylkis, ítrekaði að Fylkismenn
myndu selja sig dýrt í leiknum.
„Það eru kannski margir sem
hugsa að við munum hafa að litlu
að keppa gegn FH en við viljum
alls ekki að neitt annað lið en
Fylkir taki við Íslandsmeistara-
titlinum á Fylkisvelli,“ segir
Haukur Ingi.
Hann er fæddur og uppalinn
Keflvíkingur og lék lengi vel með
Keflavík og fer ekki leynt með þá
von sína að Keflvíkingar muni
standa uppi sem Íslandsmeistarar.
„Ég ber taugar til Keflavíkur-
liðsins þar sem margir félagar
mínir eru enn að spila og auðvitað
vonast ég frekar til þess að þeir
landi titlinum.“ - óþ
Haukur Ingi Guðnason, Fylki:
Vonast eftir
sigri Keflavíkur
KEFLVÍKINGUR Haukur Ingi er fæddur og
uppalinn Keflvíkingur og stendur með
Keflavík í titilbaráttunni. FRÉTTABLAÐIÐ/DANÍEL
Úrslitin í Landsbankadeild karla ráðast í dag. Keflavík og FH berjast um Íslandsmeistara-
titilinn og Fram, KR og Valur keppa um öruggt Evrópusæti. Í baráttunni um titilinn tekur
Keflavík á móti Fram á heimavelli og FH leikur gegn Fylki á útivelli. Möguleg úrslit í
baráttunni um titilinn eru eftirfarandi:
· Keflavík sigrar = Keflavík Íslandsmeistari
· Keflavík tapar og FH tapar stigum = Keflavík Íslandsmeistari
· Keflavík gerir jafntefli og FH sigrar með 2 mörkum eða meira = FH Íslandsmeistari
· Keflavík tapar og FH sigrar = FH Íslandsmeistari
Fjölmennum á völlinn!
Úrslitin ráðast í dag!
Þróttur R.lau. 27. sept.
lau. 27. sept.
lau. 27. sept
lau. 27. sept
lau. 27. sept
lau. 27. sept
Lokaumferð
Grindavík
ÍA Fjölnir16:00
16:00
Fylkir
Breiðablik16:00
FH16:00
Keflavík 16:00
Valur KR16:00
Fram
Landsbankadeild karla
HK
Landsbankinn býður 16 ára og yngri á völlinn.
Sækja þarf boðsmiðann í næsta útibú Landsbankans.