Fréttablaðið - 23.10.2008, Blaðsíða 2

2 23. október 2008 FIMMTUDAGUR
ÖRYGGISMÁL Slökkvilið höfuðborg-
arsvæðisins (SHS) lét loka hús-
næði sem Fjölbrautaskólinn við
Ármúla hefur til afnota vegna
„alvarlegra ágalla“ á eldvörnum.
Skólameistari og sérfræðingur
menntamálaráðuneytisins viður-
kenna að kennsla hefði ekki átt að
hefjast í húsnæðinu áður en eld-
varnir voru færðar til viðunandi
horfs. Í harðorðu bréfi frá SHS
kemur fram að ástand húsnæðisins
hefði getað haft „alvarleg áhrif á
öryggi fólks“ ef eldur yrði laus í
húsinu.
Í bréfi frá forvarnasviði SHS
kemur fram að aðeins ein flóttaleið
var frá hæðinni, sem teljist „með
öllu ótækt miðað við þann fjölda
sem þarna getur hafst við“. Einnig
segir að litlar sem engar bruna-
hólfanir séu á hæðinni, neyðarlýs-
ing óviðunandi og sjálfvirkt bruna-
viðvörunarkerfi gallað. Gerðar
voru bráðabirgðaráðstafanir á eld-
vörnum og var kennsla leyfð að
nýju á mánudag. Þá hafði kennsla
legið niðri í tvo kennsludaga.
Kennt hafði verið í húsnæðinu í
fimm vikur án þess að eldvarnir
húsnæðisins væru færðar til þess
horfs sem brunahönnuður á vegum
SHS hafði gert að skilyrði fyrir
kennslunni. Allt að 160 nemendur
stunduðu þar nám á hverjum tíma.
SHS og byggingarfulltrúi Reykja-
víkurborgar höfðu upphaflega lagt
blessun sína yfir að kennt yrði
tímabundið í húsnæðinu, en gera
ætti úrbætur á brunavörnum sem
fyrst.
Gísli Ragnarsson, skólameistari
FÁ, segir að framkvæmdirnar séu
á forræði menntamálaráðuneytis-
ins en skólinn hafi tekið það að sér
að gera úrbætur eftir að kvörtun
SHS barst síðastliðinn miðvikudag.
„Ég get ekki svarað því af hverju
það hefur gengið svona hægt að
ganga frá þessu. En við munum
vinna þetta hratt því öryggi krakk-
anna okkar er númer eitt.“ Gísli
segist hafa talið að eldvarnir væru
ásættanlegar þar sem bráðabirgða-
stiga hafði verið komið upp í vor.
Aðspurður segist hann vera því
sammála að kennsla hefði aldrei
átt að hefjast í húsnæðinu áður en
gengið hefði verið frá fullnægjandi
eldvörnum og ábyrgðin.
Þráinn Sigurðsson, sérfræðing-
ur á fjármálasviði menntamála-
ráðuneytisins, minnir á að kennsla
hafi verið leyfð samkvæmt bráða-
birgðaleyfi. „Hins vegar má segja
að það hefði átt að vera búið að
koma upp viðunandi eldvörnum
áður en nemendum var hleypt
þarna inn, það er engin afsökun
fyrir því. Við reynum að kippa
þessu í lag eins fljótt og við getum.“
svavar@frettabladid.is
Skóla lokað vegna
galla á eldvörnum
Slökkvilið höfuðborgarsvæðisins lokaði húsnæði Fjölbrautaskólans við Ármúla
vegna „alvarlegra ágalla“ á eldvörnum. Skólameistari og ráðuneyti viðurkenna
að kennsla hefði ekki átt að hefjast í húsnæðinu sem rúmar 160 nemendur.
BRUNASTIGI Þessum stillansa var komið upp til bráðabirgða þangað til sérstakur
brunastigi verður byggður við húsið. Ekki er um aðalbyggingu skólans að ræða held-
ur húsnæði á lóðinni. FRÉTTABLAÐIÐ/VALLI
EFNAHAGSMÁL Starfsfólk
Kaupþings beið daginn á enda án
þess að fá úr því skorið hvort það
héldi starfi sínu hjá nýjum banka
sem tók til starfa í gær.
Á starfsmannafundi sem
haldinn var seinnipartinn í gær
bjóst starfsfólk við skýringum á
stöðunni. Þar kom hins vegar lítið
fram annað en að málin myndu
skýrast fljótlega. Hvorki
trúnaðarmenn né
starfsmannastjóri vildu tjá sig
um málið. - hhs
Uppsagnir hjá Kaupþingi:
Starfsmenn
bíða enn svara
Einar, ertu ofsalega ánægður?
„Á meðan ég hugsa ekki um fjár-
málakreppuna er ég bærilega kátur.“
Ný bók eftir Einar Kárason, Ofsi, kom út
í gær.
VIÐSKIPTI „Það bendir allt til þess að hér hafi átt sér
stað kerfisleg mistök og alls ekki um ásetning að
ræða,“ segir Árni Tómasson, formaður skilanefndar
Glitnis, en norski útflutningstryggingasjóðurinn
hefur kært Glitni til yfirvalda fyrir stórfelld
fjársvik.
„Uppgreiðsluskilyrði lánsins voru einfaldlega
vitlaust skráð í lánakerfi bankans. Hefði starfsemi
bankans verið í eðlilegu horfi og þessi mistök komið
fram hefðu þau að sjálfsögðu verið leiðrétt og þessi
óþægilega staða gagnvart Norðmönnum hefði ekki
komið upp,“ segir Árni og segir skilanefndina
ákveðna í að leiðrétta mistökin og vinna í framhald-
inu með forsvarsmönnum Exportfinans að lausn
málsins.
Eksportfinans hefur farið fram á að allar eignir
Glitnis í Noregi verði frystar þar og að bankinn
greiði til baka 8,4 milljarða króna, um 500 milljónir
norskra króna, vegna málsins, en það snýst ásakanir
þess efnis að Glitnir hafi stungið háum fjárhæðum
undan eftir að lán til þriggja aðila hafði verið greitt
til baka og runnið í sjóði bankans, en ekki til
upphaflegs lánardrottins.
Skilanefnd Glitnis segist vinna að lausn þessa
máls með lögfræðingum sínum á Íslandi og í Noregi,
og meðal annars sé verið að skoða „hvort hægt sé að
koma að fullu til móts við kröfur Ekportfinans án
þess fara á svig við íslensk lög eða raska jafnræði
kröfuhafa.“ - bih
Norski útflutningstryggingasjóðurinn Exportfinans sakar Glitnir um fjársvik:
Kerfismistök ekki ásetningur
LÖGREGLUMÁL Þrír karlmenn voru
í gær úrskurðaðir í Héraðsdómi
Reykjavíkur í sex vikna farbann
vegna rannsóknar lögreglu á
póstsendingu sem reyndist inni-
halda rúmlega eitt og hálft kíló af
fíkniefnum. Í pakkanum voru 480
grömm af amfetamíni og 1,1 kíló
af maríjúana.
Það voru tollyfirvöld sem
fundu, fyrir rúmlega hálfum
mánuði, fíkniefnin í sendingunni
sem póstlögð hafði verið í Pól-
landi. Sendingunni var ekið á
merkt heimilisfang. Við afhend-
ingu hennar tók lögreglan á höf-
uðborgarsvæðinu þrjá karlmenn
á aldrinum 17 til 28 ára fasta.
Tveir þeirra voru frá Póllandi og
einn frá Lettlandi. Mennirnir hafa
allir verið búsettir hér á landi um
skeið, mislengi þó. Þeir hafa setið
í gæsluvarðhaldi síðasta hálfa
mánuðinn. Það rann út í gær og
voru þeir þá úrskurðaðir í far-
bann.
Málið er enn í rannsókn hjá
fíkniefnadeild lögreglunnar á
höfuðborgarsvæðinu. - jss
Þrír karlmenn úrskurðaðir í sex vikna farbann vegna fíkniefnasmygls:
Eitt og hálft kíló með pósti
MEÐ PÓSTINUM Fíkniefnasendingin var
keyrð út og þrír menn handteknir við
afhendingu hennar.
HÖFUÐSTÖÐVAR GLITNIS Á KIRKJUSANDI Skilanefnd Glitnis
segir að unnið sé að lausn málsins í Noregi.
LÖGREGLUMÁL Þrír karlar sem
grunaðir eru um að hafa ráðist á
tvo lögreglumenn í Hraunbæ í
Árbæ aðfaranótt sunnudags voru í
gær úrskurðaðir í áframhaldandi
gæsluvarðhald til 27. október.
Að kröfu lögreglunnar á
höfuðborgarsvæðinu sitja því
fimm karlar í gæsluvarðhaldi
vegna rannsóknar málsins því
tveir aðrir voru í fyrradag
úrskurðaðir í gæsluvarðhald sem
einnig nær fram á næsta mánudag
að því er segir á vef lögreglunnar.
Þar kemur fram að alls hafi tólf
menn verið handteknir vegna
málsins, þar af tveir í gær sem
bíði yfirheyrslu. - gar
Átök við lögreglumenn:
Fimm í haldi
fram yfir helgi
LEIKLIST Á fjórða þúsund ungmenni
á aldrinum átta til átján ára lögðu
leið sína í anddyri Borgarleikhúss-
ins í gær til að skrá sig í áheyrnar-
prufur fyrir hlutverk Von Trapp
systkinanna í söngleiknum
vinsæla Söngvaseið, eða Sound of
Music, sem frumsýndur verður í
mars.
Þórhallur Sigurðsson leikstjóri
var að vonum ánægður með
viðtökurnar. „Þetta gekk ótrúlega
vel og krakkarnir voru mjög
þolinmóðir. Ég hef einu sinni áður
staðið fyrir opnum áhorfendapruf-
um, þegar við sýndum Emil í
Kattholti fyrir mörgum árum, og
þá komu leikkonurnar Anita
Briem og Álfrún Örnólfsdóttir út
úr hópnum. Það getur því ýmislegt
gerst,“ segir Þórhallur. - kg
Söngvaseiður í Borgarleikhúsi:
Fjöldi í prufur
BLÍÐ BROS Teknar voru ljósmyndir af
öllum sem mættu í Borgarleikhúsið í
gær. FRÉTTABLAÐIÐ/VALLI
ALÞINGI Ríkissaksóknari mætir á
fund allsherjarnefndar Alþingis í
dag og upplýsir um fyrirhugaða
athugun á hvort lög hafi verið
brotin í aðdraganda bankahruns-
ins.
Dómsmálaráðherra upplýsti á
Alþingi í síðustu viku að slík
athugun stæði fyrir dyrum að
frumkvæði ríkissaksóknara.
Birgir Ármannsson, formaður
allsherjarnefndar, segir ríkissak-
sóknara munu greina frá hvernig
hann sjái verkefnið fyrir sér og
hvaða atriði verði skoðuð. Vinnan
miði að því að leggja mat á hvort
ástæða sé til að ráðast í sérstaka
rannsókn á tilteknum þáttum. - bþs
Saksóknari á nefndarfund:
Rætt um hugs-
anleg lögbrot
HEILBRIGÐISMÁL Rúmlega 130
salmonellutilfelli hafa greinst á
Landspítalanum á árinu. Á síðasta
ári komu upp samtals 93.
Það sem af er árinu er 21
einstaklingur talinn vera með
smit af innlendum toga en þeir
voru 16 í fyrra. Þetta kemur fram
í Farsóttarfréttum landlæknis-
ins. Aukningu salmonellutilfella
má rekja til tveggja hópsýkinga.
Sú fyrri varð á sambýli aldraðra á
höfuðborgarsvæðinu. Hin síðari
meðal íslenskra ferðalanga á
eyjunni Ródós. - jss
Sýkingum fjölgar milli ára:
Rúm 130 tilfelli
salmonellu í ár
Kosið um refsileysi vændis
Í Kaliforníu verður í byrjun nóvember
kosið um hvort vændi verði refsilaust.
Vændi verði þó áfram bannað, en
yfirvöld geti hvorki handtekið, sótt
til saka né rannsakað neinn fyrir að
stunda vændi. Kalifornía yrði eina
ríkið þar sem þessi háttur yrði hafður.
BANDARÍKIN