Fréttablaðið - 23.10.2008, Blaðsíða 6
6 23. október 2008 FIMMTUDAGUR
Það er eitthvað einstaklega jákvætt og hlýlegt við haustið hjá A4
Skólavörubúðinni og það er aldrei of seint að hlúa að samveru-
stundum fjölskyldunnar. Skapaðu fallegar gjafir með vönduðum
hannyrða og föndurvörum.
Smiðjuvegi 5
Kópavogi
Sími: 585 0500
sala@a4.is
Sköpun – Þroski – Samvera
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
FASTEIGNAMARKAÐUR „Síðastliðinn
hálfan mánuð hefur ástandið verið
þannig að menn vita ekki hvar þeir
eru staddir, hvað þeir skulda og
eiga mikið,“ segir Jón Steindór
Valdimarsson, framkvæmdastóri
Samtaka iðnaðarins um stöðu
byggingaverktaka í dag. „Það er
mikilvægt að þokunni létti til að
menn sjái hvar þeir eru staddir.“
Hann segir mjög marga bygg-
ingaverktaka í vandræðum, bæði
sé yfirvofandi fjöldi uppsagna og
þrot byggingafyrirtæka. Ljóst sé
að verktakar þurfi að koma fast-
eignum sínum í verð, annaðhvort
með því að selja eða leigja en
markaðsaðstæður séu mjög erfið-
ar um þessar mundir.
Samkvæmt upplýsingum frá
Fasteignamati ríkisins eru 9.033
íbúðir núna í byggingu á höfuð-
borgarsvæðinu. Til samanburðar
voru 125.682 íbúðir fullbyggðar á
landinu öllu í lok árs 2007, sam-
kvæmt Hagstofu Íslands.
„Fólk er að bíða og sjá til með
framvinduna,“ segir Ingibjörg
Þórðardóttir, formaður Félags
fasteignasala, en 66 kaupsamning-
um á höfuðborgarsvæðinu var
þinglýst í síðustu viku.
Að meðaltali var um áttatíu
samningum þinglýst á höfuðborg-
arsvæðinu vikurnar þrjár þar á
undan. Í fyrra var þinglýst 191
samningi að meðaltali á viku. Haldi
áfram sem horfir muni það taka að
minnsta kosti tvö til þrjú ár að
selja þær íbúðir sem nú eru í bygg-
ingu. Ingibjörg segir að fólk bíði
eftir upplýsingum um hvort breyt-
ingar verði á fasteignalánum, nú
þegar bankarnir eru aftur komnir
í ríkiseigu, eða breytingar verði á
reglum Íbúðalánasjóðs.
Íbúðaverð á höfuðborgarsvæð-
inu hafði í september lækkað um
tólf prósent á ársgrundvelli, segir
Magnús Árni Skúlason, sérfræð-
ingur í húsnæðismálum. Ásgeir
Jónsson, forstöðumaður greininga-
deildar Kaupþings, bendir á að
þegar hlutabréf og og aðrar eignir
lækki í verði sé líklegt að fast-
eignaverð geri það líka.
Ingibjörg segir hugsanlegt að
fasteignaverð lækki eitthvað
áfram, en „það þarf að standa vörð
um eignir landsmanna. Það er ekki
nóg að horfa á húsaleigumarkað.“
Hún bendir á að ef húsnæðislán
verði hærri en fasteignaverð, geti
fólk freistast til að hætta að borga
af lánum og leigi frekar af Íbúða-
lánasjóði. Það er eitt af þeim
úrræðum sem Jóhanna Sigurðar-
dóttir félagsmálaráðherra hefur
lagt til fyrir fólk sem lendir í
greiðsluerfiðleikum. „Er ekki nær
að hjálpa fólki til að hjálpa sér
sjálft?“ svanborg@frettabladid.is
Fasteignir lækka um
12 prósent milli ára
Fasteignir á höfuðborgarsvæðinu hafa lækkað um tólf prósent frá því fyrir ári.
Rúmlega 9.000 íbúðir eru nú í byggingu, en 66 kaupsamningar voru gerðir í
síðustu viku. Uppsagnir og gjaldþrot byggingafyrirtækja yfirvofandi.
HÚSLAUS GATA VIÐ URRIÐAVATN Fjölmörgum lóðum hefur verið skilað til sveitarfélaga á undanförnum mánuðum. Um 9.000
íbúðir eru í byggingu á höfuðborgarsvæðinu. FRÉTTABLAÐIÐ/PJETUR
LÖGREGLUMÁL Lögreglumenn frá
embætti ríkislögreglustjóra munu
fara með tvo Albana til Kosovó í
dag, þar sem þeim hefur verið
vísað frá landinu. Mennirnir eru
grunaðir, ásamt þeim þriðja, um að
hafa verið í frelsisher Kosovó.
Mennirnir komu 4., 10. og 11.
október til landsins og óskuðu eftir
hæli. Við eftirgrennslan lögreglu
kom í ljós að tveir mannanna höfðu
komið frá Þessalóníku í Grikklandi
með dags millibili, en farið mis-
munandi leiðir.
Lögregla leitaði í fórum mann-
anna og fann myndir í síma sem
sýndu þá saman hér á landi og einn-
ig myndir af tveimur þeirra þung-
vopnuðum í útlöndum. Vaknaði þá
grunur um að þeir tengdust frelsis-
her Kosovó.
Taldi lögreglan, með vísan til
greinargerðar greiningardeildar
Ríkislögreglustjóra um frelsisher
Kosovó, að tveir mannanna kynnu
að vera hættulegir og fór fram á
gæsluvarðhald yfir þeim á meðan
á rannsókn málsins stæði.
Gæsluvarðhaldið rann út í gær.
Þriðji maðurinn hefur verið
dæmdur í eins mánaðar fangelsi
fyrir skjalafals þar sem hann fram-
vísaði vegabréfi annars manns.
- jss
KOSOVÓ Mennirnir verða fluttir til síns
heima í Kosovó í dag.
Menn sem óskuðu eftir hæli hér eru grunaðir um að tengjast frelsisher Kosovó:
Tveir Albanir fluttir til Kosovó
Sækir þú sjósund?
Já 4%
Nei 96%
SPURNING DAGSINS Í DAG
Ert þú í vanskilum?
Segðu þína skoðun á visir.is
FERÐAÞJÓNUSTA Bæði Iclelandair og
Iceland Express auglýsa meira
erlendis en hér heima og reyna
þannig að ná erlendum flugfarþeg-
um í stað þeirra íslensku.
„Við höfum verið að herja á
breska markaðinn,“ segir Matthías
Imsland, forstjóri Iceland Express,
„og kynnt Ísland sem ódýrt,
skemmtilegt og kúl.“ Veruleg aukn-
ing hafi orðið á bókunum að utan að
undanförnu.
Í sama streng tekur Guðjón Arn-
grímsson, upplýsingafulltrúi Ice-
landair. Hann segir að hjá Ice-
landair hafi verið fjórðungs
aukning á bókunum síðustu sjö
daga. „Mest er aukningin í Bret-
landi þar sem við erum að fá meira
en tvöfalt fleiri bókanir en í sömu
vikunni í fyrravetur,“ segir Guðjón.
Ferðasíðan easier.com sagði frá því
á mánudag að leit að flugi á
leitarsíðunni Skyscanner, frá Bret-
landi til Íslands, hafi aukist um 400
prósent síðasta mánuðinn og rekur
aukninguna til falls krónunnar. Nú
sé lag að heimsækja þessa eyju í
Atlantshafinu sem hingað til hafi
verið talin með dýrari áfangastöð-
um.
Fall krónunnar hefur þó ekki ein-
ungis góð áhrif á flugbókanir, því
skandinavíska flugfélagið SAS varð
að hætta netsölu á flugsætum með
SAS frá Noregi til Íslands fyrir
helgina af tæknilegum ástæðum.
Vegna gengis krónunnar voru flug-
miðarnir of ódýrir til að tölvukerf-
ið gæti selt þá, að sögn fréttastof-
unnar NTB. - ghs/ - ss
Flugfélögin reyna að ná erlendum farþegum í stað íslenskra:
Ísland ódýrt, skemmtilegt og kúl
REYNT AÐ DRAGA BRETA TIL ÍSLANDS
Fleiri sækja í ódýrt Ísland nú, en á sama
tíma fyrir ári. FRÉTTABLAÐIÐ/AUÐUNN
BELGÍA, AP Evrópusambandið,
Bandaríkin og fleiri alþjóðlegir
fjárveitendur hafa heitið því að
veita Georgíu 4,5 milljarða dala í
fjárhagsaðstoð.
Féð á að nota til uppbyggingar
landsins eftir eyðilegginguna,
sem varð í stríði Georgíu við
Rússa nú í sumar.
Eftir að Georgíuher réðst inn í
Suður-Ossetíu réðust Rússar inn í
Georgíu. Sprengjum var varpað á
herstöðvar, flugvelli og herskip,
auk þess sem skógareldar
kviknuðu, brýr og vegir eyðilögð-
ust og íbúðablokkir í borginni
Gori urðu fyrir miklum skemmd-
um. - gb
Eyðileggingin í Georgíu:
Vesturlönd lofa
fjárstuðningi
KJÖRKASSINN