Fréttablaðið - 23.10.2008, Blaðsíða 13

FIMMTUDAGUR 23. október 2008 13
25% afsláttur af öllum
leikföngum í Hagkaupum
fyrir e-korthafa dagana 23.–26. október
INDLAND, AP Indverjar hafa sent fyrsta
ómannaða geimfar sitt út í geiminn áleiðis til
tunglsins. Tilgangurinn er meðal annars að
kortleggja tunglið með nákvæmari hætti en
áður hefur verið gert, bæði yfirborð þess og
jarðlögin undir yfirborðinu.
Geimfarið heitir Chandrayaan-1 og er
indverskt að öðru leyti en því að háþróuð
kortagerðartæki eru fengin frá Bandaríkjun-
um.
„Þetta er stórkostlegt tækniafrek fyrir
landið,“ segir S. Satish, talsmaður indversku
geimrannsóknastöðvarinnar, en áður hafa
Indverjar einkum skotið á loft veðurhnöttum
og fjarskiptahnöttum.
Þótt meira en fjórir áratugir séu síðan
Bandaríkjamenn og Rússar sendu fyrstu
geimförin til tunglsins, þá er jarðfræði þess
minna þekkt en jarðfræði reikistjörnunnar
Mars, sem hefur verið ítarlega könnuð á
síðustu árum.
Bandaríska geimferðastofnunin NASA
hefur sent könnunarför til hinna köldu
pólasvæða á Mars, en ekki á póla tunglsins,
þar sem landslagið þar er miklu hrjúfara en
á svæðunum sem tunglfarar Bandaríkjanna
lentu á og könnuðu.
Áður hafa Bandaríkin, Rússar, Geimferða-
stofnun Evrópu, Japan og Kína sent geimför
til tunglsins, en einungis Bandaríkjamenn
hafa þó sent þangað mönnuð geimför.
- gb
Fyrsta geimfarinu frá Indlandi skotið til tunglsins:
Indverjar ætla að kortleggja tunglið betur
INDVERSKA TUNGLFARIÐ CHANDRAYAAN-1 Tveggja ára
könnunarleiðangur til tunglsins hófst í gær.
NORDICPHOTOS/AFP
HEILBRIGÐISMÁL Á fundi Velferð-
arráðs Reykjavíkurborgar í gær
var samþykkt að ganga til
samninga við SÁÁ um rekstur á
nýju búsetuúrræði með félags-
legum stuðningi.
Í tilkynningu frá Reykjavíkur-
borg kemur fram að um sé að
ræða búsetuúrræði fyrir allt að
20 einstaklinga sem hætt hafa
neyslu áfengis- eða vímuefna,
en þurfa á umtalsverðum
stuðningi að halda til að ná
tökum á lífi sínu. Þeir fá
húsaskjól, félagslegan stuðning
og endurhæfingu.
Nokkuð hefur verið deilt um
málið í borgarkerfinu. - kg
Velferðarráð og SÁÁ:
Samningar um
búsetuúrræði
BANKAMÁL Afborganir viðskipta-
vina Glitnis af íbúðalánum í
erlendri mynt munu ekki berast
gamla bankanum þrátt fyrir að
þeim hafi borist rukkun í hans
nafni.
Viðskiptavinum Glitnis bárust
tilkynningar um gjalddaga
dagsettar 15. október,
undirritaðar með nafni Glitnis
banka hf. Þann dag hafði Nýi
Glitnir banki hf. hins vegar tekið
yfir alla starfsemi hans.
Þær upplýsingar fengust frá
Glitni að þrátt fyrir þessa villu
muni greiðslur skila sér til nýja
bankans. - hhs
Rukkað í nafni gamla Glitnis:
Greiðslur berast
nýja bankanum
LÖGREGLUMÁL Fleiri innbrot voru
framin á þriðja fjórðungi þessa
árs en fyrri tvo. Brotin voru 786
á þeim þriðja en 513 á öðrum
ársfjórðungi og 516 á þeim
fyrsta. Þetta sýnir afbrotatöl-
fræði sem birtist á vef lögregl-
unnar.
Samtals voru 1.327 hegningar-
lagabrot framin í september. Það
eru fleiri brot en undanfarna
þrjá septembermánuði.
Umferðarlagabrot voru
fimmtán prósentum færri en í
september í fyrra, 4.540 talsins.
Fíkniefnabrot voru 155. Þau voru
færri í september í fyrra en fleiri
í september árið 2006. - hhs
Afbrotatölfræði lögreglunnar:
Fleiri innbrot
seinni hluta árs
EFNAHAGSMÁL
Bænastund í háskólanum
Kennarar guðfræðideildar ætla að
leiða stuttar íhugunar- og bæna-
stundir í kapellunni á annarri hæð
í aðalbyggingunni klukkan níu á
morgnana á næstunni. Hugsa á til
þeirra sem þjást af áhyggjum og
kvíða vetri.
Réttarbót farandverkafólks
Evrópuþingið hefur samþykkt að
farandverkafólki, sem fær störf í gegn-
um starfsmannaleigur, verði tryggð
sömu réttindi og fastráðið starfsfólk
fyrirtækja hefur varðandi vinnutíma
og yfirvinnu.
EVRÓPUSAMBANDIÐ
INNBROT 786 innbrot voru framin á
þriðja fjórðungi þessa árs.