Fréttablaðið - 23.10.2008, Blaðsíða 58

42 23. október 2008 FIMMTUDAGUR
folk@frettabladid.is
Skógarhlíð 18 • sími 595 1000
Akureyri • sími 461 1099 • www.heimsferdir.is
„Ég var í sveit á Hvammsstöðum
og þetta er fólkið sem ól mig upp.
Mér var ljúft að bjóða fram aðstoð
mína,“ segir Jónsi í Svörtum
fötum, sem syngur einsöng með
kórnum Sálubót úr Þingeyjarsveit
í Fella- og Hólakirkju á laugar-
dag.
Þetta verður í annað sinn
sem Jónsi syngur með kórn-
um og í þetta sinn verða á
efnisskránni Mona Lisa,
When Your Smiling, eitt lag
eftir eistneska kórstjórann
Jaan Alavere,
auk fleiri laga. Hann hlakkar
mikið til að koma fram og hefja
upp raustina. „Það er alltaf sagt að
það sé mikill vindur í Þingeying-
um og ég held að þetta sé upphafið
að því.“
Jónsi starfar um þessar mundir
sem félagsmálafrömuður
Tækniskólans auk þess sem
hann syngur úti um allar
trissur, bæði einsamall og
með Í svörtum fötum. Hefur
hann því í nógu að snúast
eins og svo oft áður. - fb
Jónsi með einsöng
JÓNSI Jón Jósep
Sæbjörnsson syngur
einsöng með kórnum
Sálubót á laugardag.
Skapti Ólafsson var í fyrsta árgangi þeirra sem
kynnti íslenskri æsku fyrir rokkinu og gaf út vinsæl
lög eins og „Allt á floti alls staðar“ og „Syngjum hátt
og dönsum“. Nú er fyrsta plata Skapta í „fullri
lengd“ loksins komin út og heitir einfaldlega Skapti.
„Þetta kemur nú bara til af því að Birgir
Baldursson og vinir hans vildu endilega fá
gamla manninn til að syngja,“ segir Skapti.
„Ég hugsaði nú aldrei svo stórt að þetta yrði
plata, enda búinn að vera með hálfgerða
minnimáttarkennd. Það varð þó úr að við
reyndum og ég er mjög ánægður með
útkomuna.“
Innihald plötunnar eru sígild
djass- og dægurlög, tvö með nýjum
íslenskum textum eftir Þorstein
Eggertsson. Þarna er líka Lou
Reed-lagið „Perfect Day“, sem
Skapti flutti í fyrra í söngleikn-
um Ást. Það eru 64 ár síðan
Skapti byrjaði í bransanum.
„Fyrsta giggið var á Þingvöll-
um 1944,“ segir söngvarinn.
„Við strákarnir kunnum tvö og
hálft þvergrip en gerðum mikla
lukku í tjaldbúðunum. Svo var
maður í lúðrasveitum, djassböndum og í rokkinu.
Maður eignaðist fjölskyldu og vann í prentverki en
var samt alltaf eitthvað í danshljómsveitum. Á
tímabili vorum við einkahljómsveit Flugfélagsins og
spiluðum mikið í útlöndum.“
Eymundsson dreifir nýju plötunni og Skapti
og bandið ætla að spila. „Jú, við reynum að
hafa skemmtanir, þótt ekki væri til annars
en að bjóða upp á sykurpæklaðar pönnukök-
ur og nokkrar kleinur.“
Skapti varð áttræður í fyrra og man
eðlilega tímana tvenna. „Ég er fæddur inn í
kreppuna og inn í stóra fjölskyldu og
þetta var oft erfitt líf,“ segir hann. „Ég
man eftir skömmtunarmiðum og það
var oft hörgull á ýmsu. Þá reddaði
fólk sér bara, húsmæður skiptust á
skömmtunarmiðunum og gúmmí-
tútturnar komu til sögunnar. Ég
get svo sem engu spáð um það
hvað gerist hjá okkur núna. Ég
vona bara að liðið læri loksins að
spara.“ -drg
Loksins plata frá Skapta Ólafs
ALLT ER ÁTTRÆÐUM FÆRT Skapti Ólafsson man
tímana tvenna. MYND/7FN
Miklar líkur eru á því að lög
með íslenskum hljómsveit-
um verði notuð í bandarísk-
um auglýsingum í náinni
framtíð. Þetta segir hin
bandaríska Lanette Phill-
ips, einn virtasti framleið-
andi tónlistarmyndbanda
í heiminum, sem nýverið
sat ráðstefnuna You Are In
Control í Reykjavík. Einnig
sótti hún Iceland Airwaves-
hátíðina og heillaðist þar af
fjölda hljómsveita.
Lanette Phillips hefur getið sér
gott orð við framleiðslu tónlistar-
myndbanda. Hún sótti ráðstefnuna
You Are In Control og Airwaves-
hátíðina í Reykjavík í síðustu viku.
Phillips hreifst svo mjög af Íslandi
að hún sendi fjöldapóst á hóp hátt-
settra vina sinna í tónlistar- og
kvikmyndabransanum þar sem
hún mærði land og þjóð en þó sér-
staklega íslenska flytjendur á borð
við Hjaltalín, Lay Low, Borko, Sea-
bear og Dikta. Fylgdu myspace-
síður þeirra og fleiri hljómsveita
með til frekari glöggvunar. „Mað-
urinn minn er með fyrirtæki sem
aðstoðar tónlistarmenn og hljóm-
sveitir við að komast inn í banda-
rískar auglýsingar. Ég sendi póst-
inn á allar stofurnar sem hann
rekur og hef þegar fengið viðbrögð
frá fólki sem líkaði böndin vel,“
segir Lanette. „Það gæti komið sér
vel fyrir suma listamennina að
koma tónlistinni sinni í auglýsing-
ar um öll Bandaríkin.“
Lanette hóf feril sinn í afþrey-
ingariðnaðinum sem móttökudama
hjá Propaganda, fyrrum fyrirtæki
Sigurjóns Sighvatssonar í Los Ang-
eles. Eftir það skildu leiðir en í
byrjun áratugarins var hún aftur
ráðin til Sigurjóns, þá sem yfir-
maður myndbandaframleiðslu Pal-
omar Pictures. Á afrekaskrá henn-
ar þar voru myndbönd fyrir ekki
ómerkari listamenn en Red Hot
Chili Peppers, Michael Jackson,
Moby og Foo Fighters. Einnig
hefur hún á ferli sínum framleitt
myndbönd fyrir U2, Britney
Spears, Eminem, Beyonce og Elton
John. Nýlega stofnaði hún sitt eigið
fyrirtæki og fyrsta verkefni þess
verður framleiðsla á nýju mynd-
bandi fyrir rapparann 50 Cent.
Gengu samningarnir í gegn á
meðan Lanette var stödd hér á
landi.
Hún segir að margt hafi heillað
sig hérlendis, bæði umhverfið,
Bláa lónið, og svo auðvitað Airwa-
ves-hátíðin. „Landið er ótrúlegt,
hátíðin var æðisleg og tónlistar-
mennirnir algjörlega frábærir. Það
sem ég heillaðist af var hversu
samrýndir menn voru og studdu
hver annan og hve allir voru vin-
gjarnlegir. Þið ættuð að vera mjög
stolt því tónlistarsenan þarna er
ótrúleg. Það er líka merkilegt
hvernig allir þekkja alla og spila í
hljómsveitum hverjir hjá öðrum,“
segir hún. Bætir hún því við að sér-
lega eftirminnilegt hafi verið þegar
Páll Óskar steig á svið með Hjalta-
lín og söng Þú komst við hjartað í
mér. Spurð hvort Palli gæti orðið
stjarna í Bandaríkjunum segir hún
það vel mögulegt, enda hafi hann
mikla útgeislun rétt eins og George
Michael og Robbie Williams sem
báðir hafi náð langt vestan hafs.
freyr@frettabladid.is
Íslenskar hljómsveitir í
bandarískum auglýsingum
MEÐ JÓNSA Lanette Phillips hitti Jónsa, söngvara Sigur Rósar, á tónleikum Para-
chutes á Organ. Einn meðlima hennar er Alex Somers, kærasti Jónsa, og heillaðist
Lanette mjög af hljómsveit hans.
> HEIÐRAÐUR Í RÓM
Leikarinn Al Pacino verður heiðr-
aður fyrir æviframlag sitt til leik-
listarinnar á kvikmyndahátíðinni
í Róm sem hófst í gær. Nýjasta
mynd hans, Chinese Coffee, sem
hann bæði leikstýrir og fer með að-
alhlutverkið í, var opnunarmynd
hátíðarinnar. Fjallar hún um
rithöfund sem má muna
sinn fífil fegurri.
Daniel Craig verður seint sakaður um að setja
sig ekki inn í hlutverk James Bond. Sem er
kannski bara ágætis starf. En hann upplýsir í
viðtali við breska blaðið Time Out að hann hafi
prófað sig áfram til að finna rétta bragðið af
þjóðarrétti leyniþjónustumannsins, vodka-
martini. „Ég prófaði tíu mismunandi útgáfur
og að endingu þá datt ég bara í gólfið, dauða-
drukkinn,“ segir Craig. Nýjustu kvikmyndar-
innar, Quantum of Solace, er beðið með mikilli
eftirvæntingu.
Quantum of Solace tekur upp þráðinn þar sem
Casino Royal sleppti og er Bond nú í mikilli
hefndarför. Vill reyna að klófesta þá sem komu
unnustu hans, Vesper Lynd, fyrir kattarnef.
Leikstjórinn er Marc Forster en hann er meðal
annars þekktur fyrir kvikmyndina Finding
Neverland, sem seint verður kölluð Bond-ættuð
mynd.
Craig upplýsir jafnframt að Pierce Brosnan
hafi ekki borið nokkurn kala til hans. Síður
en svo, þeir hafi sama talsmann og að hann
hafi því getað rætt við hann um James
Bond. „Það var virkilega gott að finna
stuðning frá honum,“ segir Craig en slíkt
var þó ekkert sjálfgefið enda sagðist
Brosnan hafa verið hundsvekktur yfir því
að hafa ekki fengið að leika Bond aftur.
Leikarinn greinir jafnframt frá því að
það sé engin furða að hann sé í góðu
formi enda sé einkaþjálfarinn
hans liðsmaður í sérsveitum
breska hersins. Quantum of
Solace verður frumsýnd hér á
landi um miðjan nóvember.
Craig drakk sig blindfullan af martini
DRAKK SIG UNDIR BORÐIÐ
Craig bragðaði á tíu mismunandi
útgáfum af vodka-martini og féll að
endingu kylliflatur í gólfið.