Fréttablaðið - 23.10.2008, Blaðsíða 36

23. OKTÓBER 2008 FIMMTUDAGUR
Hreindýraleður og fiskroð eru
hráefnin sem Ágústa Arnar-
dóttir á Djúpavogi hannar úr
dýrindis tískuvörur. Vörumerk-
ið hennar er Gustadesign.
„Ég hanna allt í samræmi við hrá-
efnið og vil leyfa skinnunum að
halda sér sem allra náttúrulegust-
um sem gerir það að verkum að
engir tveir hlutir eru nákvæmlega
eins,“ segir Ágústa. „Áður vann ég
með roð og skinn hvort í sínu lagi
en snillingarnir í skinnasútuninni
á Sauðárkróki prófuðu sig áfram
og náðu að lita hreindýr og fiskroð
þannig að það tónar ótrúlega vel
saman,“ bætir hún við.
Ágústa lærði hönnun í Iðnskól-
anum í Hafnarfirði og skó- og fylgi-
hlutahönnun á Ítalíu. Hún er frá
Hornafirði en býr á Djúpavogi og
er nýkomin úr tveggja ára fæðing-
arorlofi því fyrsta barnið, Vigdís,
fæddist í september 2006 og það
næsta, Örn Þór, í febrúar á þessu
ári. „Ég hef notið þess að hugsa um
fjölskylduna mína en auðvitað hef
ég haldið utan um fyrirtækið líka,“
segir Ágústa sem tekur framtíð-
inni fagnandi. Hún er að koma sér
upp vinnustofu og verslun
á Djúpavogi og stefnir
á að stórauka fram-
leiðsluna. Vör-
urnar hennar
verða á sýningu
Handverks
og hönnun-
ar í Ráðhúsi
Reykja-
víkur um
næstu mán-
aðamót og á
tískusýningu á
Egilsstöðum 8. nóvem-
ber. Einnig má benda á síðuna www.
gustadesign.is.
Ágústa telur Íslendinga eiga
að einbeita sér að íslenskri fram-
leiðslu og að styðja við bakið hver
á öðrum. „Við erum rík af hönnuð-
um, handverksfólki og listamönn-
um hér á landinu,“ segir hún og
kveðst hafa góða reynslu af vöru-
skiptum. „Þegar ég er í fatnaði eftir
íslenska hönnuði er ég undan-
tekningalaust spurð hvar ég
hafi fengið flíkina. Þetta
er góð auglýsingaleið því
allir eru að gera mis-
munandi hluti. Ef Ís-
lendingar standa
saman og ríkis-
stjórnin styð-
ur við bakið á
fyrirtækjum og
einstaklingum
í eigin rekstri,
eins og hún segist
ætla að gera, gætu
þessi ósköp sem
dunið hafa yfir þjóð-
ina falið í sér stór
tækifæri. Við verð-
um bara að vera
bjartsýn.“ - gun
Úr vönduðum efniviði
„Ég hef undanfarið hannað nokkrar týpur af höttum og húfum,“ segir Ágústa, sem hér ber höfuðfat úr eigin línu.
Á holdrosan-
um (bakhlið
skinnsins) sést
æðakerfið
sem gerir það
hráefni engu
öðru líkt.
„Ég reikna með því að vöruúrval-
ið breytist lítið enda stöndum við
sem þjóð framarlega í bakstri.
Hins vegar er aukin verðsam-
keppni vel hugsanleg þar sem við
fáum nú fleiri tækifæri til að búa
til vörur. Því meira sem við fram-
leiðum því betra verð verður hægt
að bjóða,“ segir bakarameistarinn
Jóhannes Felixson, einnig þekkt-
ur sem Jói Fel, um aukna áherslu
á íslenska framleiðslu í bakarí-
um sem stafar af hækkuðu verði á
innfluttri vöru.
„Bakarar eru þegar farnir að
láta til sín taka í kreppunni með
því að bjóða vissar vörur á lækk-
uðu verði. Jafnvel þótt árferð-
ið sé erfitt og eðlilegt hefði verið
að hækka verð um síðustu mán-
aðamót með verðhækkun á hveiti.
Eiginlega má segja að við séum að
selja tilteknar vörur á kostnaðar-
verði,“ segir hann og bætir við að
Hjá Jóa Fel standi til að framleiða
vörur sem verði framvegis seldar
á lægra verði. „Þær verða góðar
en kannski ekki alveg eins vand-
aðar og þær dýru,“ segir Jóhann-
es, sem vonar að framboð á ís-
lenskri vöru aukist líka í verslun-
um og stórmörkuðum. Hann telur
þó ólíklegt að erlendar vörur komi
til með að hverfa alfarið úr hillum
verslana þótt þær verði ekki eins
áberandi. - rve
Bætt framboð og lægra verð
Jóhannes segir nú kjörið tækifæri til að
koma íslenskri framleiðslu á framfæri.
FRÉTTABLAÐIÐ/VALLI
Fiskroð er efni sem gaman
er að vinna úr og hrein-
dýraleðrið er algjörlega
einstakt að sögn Ágústu.
Íslenskara getur það
varla orðið.