Fréttablaðið - 23.10.2008, Blaðsíða 38

23. OKTÓBER 2008 FIMMTUDAGUR6 ● fréttablaðið ● veljum íslenskt
„Við verðum með til sýnis verk sem við höfum unnið saman og
hvor í sínu lagi. Ég verð til dæmis með glerverk sem ég hef ekki
sýnt saman á Íslandi síðan 1984,“ segir glerlistakonan Sigrún Ein-
arsdóttir um sýningu þeirra systra, hennar og Ólafar Einarsdóttur
textíllistakonu, sem verður opnuð í Salnum í Kópavogi um næstu
mánaðamót. Tilefnið er einleikstónleikar systursonar þeirra, Ög-
mundar Jóhannessonar, sem lauk með láði meistaranámi í gítarleik
og tónlist við Mozart-tónlistarskólann og ætlar meðal annars að
flytja verk eftir Takemitsu og Bach á tónleikunum.
„Þetta eru skúlptúrar sem við gerum úr þráðum og gleri,“ lýsir
Sigrún og bætir við að þótt vel fari á með þeim systrum sé sam-
starfið vandasamt þar sem alltaf sé hætt við að samþætting list-
greina verði „kitch“ eins og hún orðar það sjálf. „Ólöf verður síðan
með til sýnis textíl-myndverk eftir sjálfa sig og þarna verða eftir
mig frásagnir sem ég hef gert á blásin form, þar sem hversdags-
legir atburðir eru sýndir í alvarlegu og skoplegu ljósi.“
Þrátt fyrir að hafa helgað sig ólíkum listgreinum hafa systurn-
ar átt í góðu og farsælu samstarfi og meðal annars verið með sýn-
ingu í Kaupmannahöfn sem vakti á sínum tíma alþjóðlega athygli.
Sigrún hefur ekki síður getið sér góðan orðstír fyrir framleiðslu á
nytjahlutum undir formerkjum Gler í Bergvík á Kjalarnesi, þar á
meðal fyrir ýmis félagasamtök og stofnanir. Má þar nefna Barna-
heill, KSÍ, forseta Íslands, Fjöregg fyrir Matvæla- og næringar-
fræðingafélag Íslands og núna síðast verðlaunagrip sem Biskups-
stofa afhenti á Riff-kvikmyndahátíðinni fyrir bestu myndina með
siðferðislegum boðskap.
Sýningin í Salnum verður opnuð klukkan 15, 1. nóvember, og
konsertinn hefst síðan klukkan 17 sama dag. Allir eru velkomnir. - rve
Frásagnir á blásin form
Sigrún Einarsdóttir hefur
ásamt systur sinni Ólöfu vakið
alþjóðlega athygli fyrir verk sín.
FRÉTTABLAÐIÐ/VALLI
Klakabönd og kvika kallast þessi verk sem verða til sýnis í Salnum í Kópavogi.
MYNDIR/ÚR EINKASAFNI
Reisn er yfir nafni fyrirtækis
Stefaníu Aradóttur í Stykk-
ishólmi. Það heitir Sauma-
stofa Íslands enda sinnir það
öllu landinu meðal annars
gegnum netverslun-
ina www.lost.is og
með saumaskap
fyrir tískubúðir í
bænum.
Slár og kjólar, vel-
úrdress, náttkjólar
og íþróttagallar. Allt
þetta og margt fleira
verður til í Sauma-
stofu Íslands hjá
Stefaníu Aradótt-
ur. Ekki má heldur
gleyma húfunum og
vettlingunum. Nokk-
uð sem gott er að eiga
á þessum árstíma.
„Ég er að sauma allt
mögulegt og hef aðstöðu
til að gera ótrúlegustu
hluti,“ segir Stefanía
sem bæði sérsaumar
og fjöldaframleiðir.
Hefur oft saumað
dimmisjónbún-
inga og fatn-
að fyrir ýmsar
verslan-
ir í Reykja-
vík eins
og Nakta
apann, Spú-
útnik og Herra-
fataverslun Kor-
máks og Skjald-
ar. Kveðst nota
mikið íslenska ull
til dæmis í húfur,
vettlinga, peysur og
slár. „Svo eru peysu-
kjólarnir vinsælir hjá
stelpum og ég fæ fullt
af pöntunum að sunnan,“ segir
hún og sýnir peysur með breiðu
stroffi sem virkar eins og pils og
peysan púffar yfir.
Stefanía rekur líka verslun í
Hólminum sem heitir Lost og er
þar með eigin frameiðslu og ým-
islegt til saumaskapar og hygg-
ur hún á landvinninga því um
næstu mánaðamót mun hún opna
aðra slíka búð í Mosfellsbæ. Einn-
ig selur hún í gegnum heimasíð-
una www.lost.is. Nafnið segir
hún skammstöfun á setningunni
„Látið okkur spara tíma“.
Saumastofa Íslands var stofn-
uð 2001 upp úr tveimur öðrum
og flutti þá af höfuðborgarsvæð-
inu vestur í Stykkishólm. Stefan-
ía kveðst sjá um saumaskapinn
sjálf að miklu leyti. „En ég hóa í
fólk þegar mig vantar hjálp, sem
fer eftir verkefnastöðunni hverju
sinni. Ég á þrjár dætur og þær
hlaupa oft undir bagga.“ - gun
Notar mikið íslenska ull
Stefanía hefur lagt stund á saumaskap í áratugi. Dóttir hennar Inga „Poko“ sinnir stundum fyrirsætustörfum fyrir hana. MYND/INGA