Fréttablaðið - 23.10.2008, Blaðsíða 65

FIMMTUDAGUR 23. október 2008 49
KÖRFUBOLTI Óli Björn Björgvins-
son, formaður körfuknattleiks-
deildar Grindavíkur, er ekki sátt-
ur við kollega sinn hjá KR, Böðvar
Guðjónsson, sem hann segir hafa
gengið á bak orða sinna um að
senda bandarískan leikmann KR
heim líkt og Grindavík og Kefla-
vík hafa gert til að mynda. Grinda-
vík reyndar sagði upp samningi
við sinn mann en sendi hann ekki
heim.
„Ég átti símtal við Böðvar um
það leyti sem lið voru að senda
útlendingana sína heim og sagði
honum að við ætluðum að senda
útlendingana okkar heim. Þetta
var á miðvikudegi. Böðvar sagði
þá að þeir myndu líka segja sínum
Kana upp og það kæmi tilkynning
um það eftir hádegi á föstudegi.
Ég beið og beið og aldrei kom neitt
frá KR,“ sagði Óli Björn frekar
ósáttur en hann segist ekki treysta
Böðvari eftir þessa uppákomu.
„Þá hafði Böðvar sett fram til-
lögu um heiðursmannasamkomu-
lagið í millitíðinni og skýlir sér á
bak við það núna. Það er hans mál
og ef honum líður betur eftir þetta
er það bara gott mál.
Ég held hann hafi aldrei ætlað
að senda Kanann heim. Ég treysti
ekki orðum þessa manns og þetta
er ekkert nýtt hjá KR sem gerði
heiðursmannasamkomulag við
Keflavík í kvennaboltanum fyrir
nokkrum árum um að nota ekki
Kana. Daginn eftir mætti KR til
leiks með Kana,“ sagði Óli Björn.
Böðvar segir Óla Björn ekki
fara með rétt mál. „Við töluðum
saman á miðvikudagskvöldið og
daginn eftir sendi ég tillögu að
heiðursmannasamkomulagi frá
mér.
Ég sagði við Óla að það yrði að
samþykkja tímabil án útlendinga
ef við yrðum með. Þetta sem Óli
segir er bara alls ekki rétt. Ég
sagðist vera til í að spila bolta með
öllum ef það yrði gert skriflegt
samkomulag sem menn höfðu ekki
áhuga á,“ sagði Böðvar sem telur
þess utan líklegt að liðin í deild-
inni muni fá sér Kana þegar nær
dregur úrslitakeppni.
Hann segir enn fremur að það
kæmi sér ekki á óvart ef Damon
Bailey myndi mæta í Grindavík-
urbúningi er Grindavík sækir KR
heim í byrjun nóvember.
„Þeir segjast ekki treysta mér
en hvernig á ég að treysta Grind-
víkingum þegar Damon Bailey er
enn í Grindavík? Við skulum bíða
eftir 6. nóvember og verður áhuga-
vert að sjá hvort Bailey verði þá í
stúkunni, á skýrslu eða jafnvel
byrji leikinn,“ sagði Böðvar. - hbg
Formenn körfuknattleiksdeilda Grindavíkur og KR ásaka hvor annan um að fara með rangt mál:
Körfuknattleiksdeildir KR og Grindavíkur í hár saman
BÖÐVAR GUÐJÓNSSON Formað-
ur körfuknattleiksdeildar KR
segist ekki treysta Grindvíking-
um frekar en þeir treysti honum.
FRÉTTABLAÐIÐ/STEFÁN
KÖRFUBOLTI Þó svo Bandaríkja-
maðurinn Damon Bailey sé ekki
lengur með samning við Grinda-
vík er hann enn staddur í
Grindavík þar sem hann er
aðstoðarþjálfari hjá meistara-
flokki kvenna ásamt því sem
hann þjálfar yngri flokka hjá
félaginu.
„Hann er að þjálfa hjá okkur og
við erum mjög ánægðir með hann
enda stórkostlegur þjálfari,“
sagði Óli Björn Björgvinsson,
formaður körfuknattleiksdeildar
Grindavíkur, sem þvertekur ekki
fyrir að hann muni semja upp á
nýtt við Bailey.
„Það getur vel verið að hann
dúkki upp í Grindavíkurbúningi
síðar. Hann vill spila og fengist
hugsanlega til þess að spila fyrir
lítið ef eftir því væri leitað. Við
tókum aftur á móti þá ákvörðun
að spila með íslenskt lið og sú
ákvörðun stendur þar til annað
kemur í ljós,“ sagði Óli Björn.
- hbg
Bailey enn í Grindavík:
Spilar kannski
með Grindavík
AFTUR Í GULT? Margir spá því að Bailey
verði aftur kominn í gula búninginn er
Grindavík sækir KR heim.
FRÉTTABLAÐIÐ/STEFÁN
KÖRFUBOLTI Kristinn Óskarsson
fagnar 20 ára starfsafmæli í
Garðabænum í kvöld þegar hann
dæmir leik Stjörnunnar og
Njarðvíkur í Iceland Express-
deild karla.
Kristinn dæmdi sinn fyrsta leik
23. október 1988. Kristinn dæmdi
fyrsta leikinn með Jóni Otta
Ólafssyni og það var leikur á milli
Njarðvíkur og Tindastóls í
Ljónagryfjunni. Valur Ingimund-
arson, sem nú þjálfar lið Njarð-
víkur, lék með
liði Tindastóls í
þeim leik.
Kristinn
dæmir leikinn í
kvöld með
Einari Þór
Skarphéð-
inssyni en
þetta verður
467.
leikurinn
sem hann
dæmir í
úrvalsdeild
karla. - óój
Kristinn Óskarsson:
Hefur dæmt í
deildinni í 20 ár
Ásta B. Gunnarsdóttir
FYRIRLIÐI FRAM
N1 deild kvenna
N1 deild karla
Fimmtudagur 23. október
Fimmtudagur 23. október
Fimmtudagur 23. október
Fimmtudagur 23. október
Laugardagur 25. október
Laugardagur 25. október Laugardagur 25. október
Laugardagur 25. október
Ragnhildur R. Guðmundsdóttir
FYRIRLIÐI FH
HANDBOLTAVEISLAN HELDUR ÁFRAM
KL. 18:00
HK – STJARNAN
Digranes
KL. 19:30
HAUKAR – FRAM
Ásvellir
KL. 20:00
HK – VÍKINGUR
Digranes
KL. 19:30
AKUREYRI – VALUR
Höllin Akureyri
KL. 16:00
STJARNAN – FH
Mýrin
KL. 16:00
FYLKIR – GRÓTTA
Fylkishöll
KL. 16:00
VALUR – HAUKAR
Vodafone höllin
KL. 13:00
FRAM – FH
Framhús