Fréttablaðið - 23.10.2008, Blaðsíða 10
23. október 2008 FIMMTUDAGUR
40%
afsláttur
40%
afsláttur
Verið velkomin í Nettó
Mjódd - Salavegi - Hverafold
Akureyri - Höfn - Grindavík
...frábær helgartilboð!
TILBOÐIN GILDA 23. - 26. OKTÓBER
w
w
w
.m
ar
kh
on
nu
n.
is
30%
afsláttur
KALKÚNN 1.FL., FROSINN
769 kr/kg
1.098 kr/kg
GRÍSAGÚLLAS, PREPACK
1.100 kr/kg
1.834 kr/kg
OFNSTEIK M/DÖNSKUM BLÆ
1.286 kr/kg
2.144 kr/kg
X-TRA EPLA OG APPELSÍNUSAFI 1.5l
149 kr/stk.
199 kr/stk.
BANDARÍKIN, AP Leiðtogafundur um
heimskreppuna verður haldinn í
Washington 15. nóvember næst-
komandi. Þetta tilkynnti talsmaður
George W. Bush Bandaríkjaforseta
í gær, en fundurinn á að verða sá
fyrsti í röð funda þar sem leiðtogar
heims setjast á rökstóla um við-
brögð við hinni alþjóðlegu fjár-
málakreppu sem nú lítur út fyrir að
ætla að valda langvinnum sam-
drætti í efnahagslífi heimsins.
Talsmaður Hvíta hússins, Dana
Perino, sagði að á fyrsta fundinum
yrði sjónum fyrst og fremst beint
að undirliggjandi orsökum fjár-
málakreppunnar, hinum hnattrænu
viðbrögðum við henni og á hvaða
hugmyndum væntanleg endurskoð-
un á reglum um hið alþjóðlega fjár-
málakerfi skuli byggð.
Á fundinn hafa verið boðaðir
leiðtogar Japans, Bretlands, Frakk-
lands, Þýskalands, Ítalíu, Kanada,
Bandaríkjanna, Evrópusambands-
ins, Kína, Brasilíu, Indlands, Rúss-
lands, Suður-Kóreu og fleiri lykil-
ríkja. Perino sagði að væntanlegur
sigurvegari bandarísku forseta-
kosninganna, sem fara fram 4. nóv-
ember, yrði beðinn að sitja fundinn
einnig, en hann verður settur í
embætti 20. janúar næstkomandi.
Perino sagði að gera mætti ráð
fyrir að leiðtogarnir kæmu á þenn-
an fyrsta fund með ólíkar hug-
myndir um það hvernig bregðast
skuli við ástandinu og því væri
þess ekki að vænta að neinar
áþreifanlegar niðurstöður kæmu
út úr viðræðunum strax.
Áformað er að á fyrsta fundinum
verði skipaðir vinnuhópar sem fái
það verkefni að þróa tillögur sem
lagðar verði til grundvallar við-
ræðum leiðtoganna á fundunum
sem á eftir fylgja.
Á undirbúningsfundi sem Nicol-
as Sarkozy, forseti Frakklands sem
er í forsæti Evrópusambandsins
þetta misserið, og Jose Manuel
Barroso, forseti framkvæmda-
stjórnar ESB, áttu með Bush Banda-
ríkjaforseta í Camp David í Maryl-
and um síðustu helgi var stefnan
sett á að halda þessa leiðtogafunda-
röð, með þeim orðum að alþjóða-
samfélagið verði að taka höndum
saman um að finna lausnir á hinni
hnattrænu fjármálakreppu.
Bush tók strax fram að hverjar
þær ráðstafanir sem leiðtogar
heimsins komi sér saman um verði
að varðveita grunngildi þess sem
hann kallaði lýðræðislegan kapítal-
isma, sem felst aðallega í frjálsum
mörkuðum, frjálsu framtaki og
frjálsum viðskiptum.
Sarkozy vill aðrar áherslur; hann
hefur sagt að endurskoða þurfi
heimskapítalismann og setja
honum skorður með skilvirku eft-
irliti. „Stefna afskiptaleysis er
dauð,“ lýsti Sarkozy yfir nýlega.
„Hinn alvaldi markaður sem alltaf
veit betur er úr sögunni.“ Þessa
skoðun sína ítrekaði hann í ræðu á
Evrópuþinginu í Strassborg í gær.
Hlutabréfaverð tók dýfu á mörk-
uðum um allan heim í gær eftir að
bandarísk fyrirtæki birtu lakari
afkomutölur en búist var við, sem
kynti undir svartsýni.
audunn@frettabladid.is
Leiðtogar á rökstóla
um kreppuviðbrögð
Ákveðið hefur verið að leiðtogar helstu ríkja heims komi saman í Washington um
miðjan nóvember til að hrinda af stað röð leiðtogafunda um viðbrögð við alþjóð-
legu fjármálakreppunni. „Stefna afskiptaleysis er dauð,“ segir Nicolas Sarkozy.
VILL NÝTT REGLUVERK Nicolas Sarkozy, forseti Frakklands sem gegnir nú formennsku
í Evrópusambandinu, ávarpar Evrópuþingið í Strassborg í gær. FRÉTTABLAÐIÐ/AP
HEILBRIGÐISMÁL Helmingsfjölgun á einstaklingum
sem greinst hafa með lifrarbólgu B á milli áranna
2007 og 2008 er talin stafa af því að fíklar nota
mengaðar sprautur og nálar.
Á fyrri helmingi síðasta árs greindust nítján
með lifrarbólgu B en 38 á fyrri árshelmingi nú.
Þetta kemur fram í nýjum Farsóttarfréttum
Landlæknisembættisins.
Tólf, eða 32 prósent þeirra sem greinst hafa það
sem af er árinu, eru af erlendu bergi brotnir. Þetta
er nokkuð óvenjulegt að því er fram kemur í
Farsóttarfréttum, þar sem nýbúar hafa hingað til
verið í meirihluta þeirra sem greinast með
sjúkdóminn.
Enn sem fyrr greinast margir með lifrarbólgu C
hér á landi. Fyrstu sex mánuði ársins greindist 41
með sjúkdóminn en það er svipað og árið 2007 á
sama tíma. Flestir þeirra sem greinast með
lifrarbólgu C hafa neytt fíkniefna með menguðum
sprautum og nálum.
Þá höfðu þrír einstaklingar greinst með HIV-
sýkingu á fyrstu sex mánuðum þessa árs. Það er
sami fjöldi og greindist á sama tíma í fyrra. Þeir
sem greinst hafa á þessu tímabili eru af erlendu
bergi brotnir. - jss
Helmingsfjölgun milli ára á þeim sem greinast með lifrarbólgu B:
Mengaðar sprautur og nálar
valda stórfjölgun smitaðra
HEIMILD: LANDLÆKNISEMBÆTTIÐ
SJÚKDÓMUR
HIV Lifrarbólga B Lifrarbólga C
■ 1. jan.–30. jún. 2007
■ 1. jan.–30. jún. 2008
3 3
19
38
40 41
DANMÖRK, AP Tveir danskir ríkis-
borgarar, Hammad Khuershid og
Abdoulghani Tokhi, voru dæmdir í
fangelsi fyrir að hafa skipulagt
hryðjuverk. Annar þeirra hlaut
fangavist til sjö ára, en hinn til tólf
ára.
Khuershid, sem er af pakist-
önskum uppruna, og Tokhi, sem er
af afgönskum uppruna, voru hand-
teknir í september á síðasta ári.
Þeir höfðu þá verið kvikmyndaðir
með leynd þar sem þeir voru að
blanda saman sprengjuefni af
sömu gerð og notað var í árásun-
um á samgöngukerfið í London
sumarið 2004.
Við húsleitir heima hjá þeim
fundust handskrifaðar leiðbein-
ingar um sprengjugerð. Fyrir rétti
var fullyrt að Khuershid hefði
afritað leiðbeiningarnar í Rauðu
moskunni í Islamabad í Pakistan,
þar sem talibanar hafa haft ítök.
Ekki þótti ljóst hvort þeir hefðu
verið að undirbúa hryðjuverk í
Danmörku eða í öðrum löndum.
Báðir lýstu mennirnir sig sak-
lausa af þessum ákærum og sögðu
sprengiefnin einungis ætluð til að
búa til flugelda. Danska
leyniþjónustan byrjaði að fylgjast
með þeim eftir að ábending hafði
borist frá erlendri leyniþjónustu.
Símtöl voru hleruð, fylgst var með
tölvupósti og falin myndavél sett
upp í íbúð Khuershids. Öfgamenn
hafa hvað eftir annað hótað
árásum á Danmörku eftir að
skopmyndirnar af Múhameð
spámanni birtust í dönsku dagblaði
fyrir tveimur árum. - gb
Dómur fallinn í hryðjuverkaréttarhöldum yfir tveimur mönnum í Danmörku:
Dæmdir í sjö og tólf ára fangelsi
HANDTEKNIR FYRIR ÁRI Bifreið með
öðrum manninum ekið frá dómhúsi í
Kaupmannahöfn. NORDICPHOTOS/AFP