Fréttablaðið - 06.12.2008, Síða 88

68 6. desember 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
L a u g a v e g i 2 5 | 5 3 3 5 5 0 0
kr. 14.700
kr. 21.900
kr. 18.700 kr. 16.900
kr. 21.900
kr. 9.800
Leður Leður
Leður Leður
Leður Leður
Erlendis er komin út bókin The Essence of Perfume eftir lyktarsérfræð-
inginn Roja Dove. Hún hefur vakið verðskuldaða athygli og áhugavert að
lesa lýsingar hans á ilmvatni í tvívídd og þrívídd, en það síðarnefnda er í
hans augum eins og skúlptúr. Ilmur er stór hluti veraldar okkar: hann
geymir og endurvekur minningar, vekur girnd og matarlyst en líka
hrylling og óhugnað. Það var snyrtivörudívan Estée Lauder sem lét hafa
eftir sér á krepputímum að „þegar allt gengur illa þá þarf kona aðeins að
eiga ilmvatn og varalit til þess að líða samt sem áður eins og drottningu.
Samkvæmt nýjustu sölutölum erlendis hafa ilmvötn aldrei selst jafnvel
sem kann að virðast undarlegt í ljósi þess að flestir hafa minna milli
handanna. Þegar talað er um fræg ilmvötn í bókum og
blaðagreinum eru það oftast örfá ilmvötn sem
þykja bera af sökum fágunar. Þar má nefna
Fracas eftir Robert Piguet, Joy frá Jean Patou,
flestöll ilmvötn frá Guerlain en þá sérstaklega
Shalimar og Jardins de Bagatelle og ilmvötnin
frá Hermés og Anick Goutal. Ég hef bæði verið
sparsöm á ilmvatnsnotkun og nokkuð fastheldin í
ilmvatnsvali og það var fyndin upplifun þegar ég
skipti eftir mörg ár um ilmvatn í haust. Þessi nýi
og sérstaki ilmur virtist hafa undarleg áhrif á
karlpeninginn sem spurði í sífellu hvaða lykt
þetta væri eiginlega því hún væri hreinlega
sturlandi. Kannski að það leynist í honum þessi sérstöku kvenferómón
sem ilmvatnsframleiðendur reyna svo oft að fanga í flösku. Ég verð að
játa að ég er hvorki hrifin af ilmvatni né rakspíra nema í örlitlum mæli.
Ef fólk fer í sturtu og gengur í hreinum fötum gefur það frá sér sína
eigin lykt sem við felum alltof oft undir svitalyktareyði, sápum og
ilmvatnsskýi. Ég er alls ekki að tala um einhverja vonda svitalykt heldur
þennan náttúrulega ilm sem veitir hverju okkar sérkenni. Lyktin sem
maður finnur í hálsakotinu á litlum börnum og i hnakkagróf elskhugans.
Lyktin sem laðar okkur að ákveðnu fólki og sem við sjálf skiljum eftir í
fötum og sængurverum. Mér finnst synd og skömm að fela hana undir
alls konar kemískum efnum sem gera okkur öll alveg nákvæmlega eins.
Ferómónar og fín ilmvötn
Pelsar hafa verið afar umdeildir
undanfarna áratugi en dýra-
verndunarsinnar hafa verið dug-
legir að mótmæla notkun dýra-
felda í tískubransanum. Loðfeldir
hafa þó verið á nokkurri uppleið
undanfarin ár að nýju og eru
ítölsku og frönsku tískuhúsin sér-
staklega ófeimin við að nota þá.
Hjá ítölsku hönnuðunum Marni
og Dolce & Gabbana gaf að líta
mjög fallegar loðflíkur fyrir vet-
urinn 2008/2009, meðal annars
vesti og slár í öllum litum. Hér
heima er hægt að finna flotta loð-
feldi í búðum sem selja notuð föt
og þá er væntanlega hægt að
hugga sig við það að dýrið dó
drottni sínum fyrir löngu, löngu
síðan. - amb
HLÝTT OG LOÐIÐ:
Ítalskir hönnuðir hrífast af
dýraskinnum í vetur
GAMALDAGS Glamúr sveif yfir vötnum
hjá Dolce & Gabbana.
BELTI Sniðug lausn yfir sítt loðvesti, hér í mokkabrúnni útfærslu hjá Marni.
GYLLT Töff pelsvesti frá Marni.
GLÆSILEGT Dimmblár og síðhærður
loðfeldur frá Marni.
LILLABLÁTT Gullfal-
leg slá við svart pils
frá ítalska tískuhús-
inu Marni.
Nýja ilminn frá Chloé. Stelpulegur,
sexí og sérstakur.
Svalar sokkabuxur í heitustu
litatónunum: bleiku, fjólubláu og
grænu. Fást í Companys, Kringlunni.
Yndislega hlýja inniskó fyrir
köld vetrarkvöld. Frá la Senza,
Kringlunni.
OKKUR
LANGAR Í
…
> JÓLABASAR Í DAG
Í tilefni þess að íslensk hönnun er jólagjöfin í
ár selur fjölbreyttur hópur hönnuða verk sín á
jólabasar Kling og Bang á Hverfisgötu 42. Þar
verður meðal annars fatnaður eftir hönnuði eins
og Eygló, Helicopter, Hildi Yeoman og Thelma
Design, og einnig verða til sölu verk eftir ýmsa
listamenn sem fólk getur boðið í. Jólabasarinn
stendur frá kl. 12-20.