Fréttablaðið - 13.12.2008, Blaðsíða 80

13. desember 2008 LAUGARDAGUR
Er síminn til þín?
Lifðu núna
Kláraðu málið á vodafone.is og fáðu
símann sendan heim
Nokia 5310 Xpress Music
0 kr. út
1.000 kr. inneign á mán. í 12 mán.
Þú greiðir 0 kr. út og 3.000 kr. á mán. í 12 mán.
eða staðgreiðir 34.900 kr.
Nokia 2680
0 kr. út
1.000 kr. inneign á mán. í 12 mán.
Þú greiðir 0 kr. út og 2.000 kr. á mán. í 12 mán.
eða staðgreiðir 19.900 kr.
F
í
t
o
n
/
S
Í
A
folk@frettabladid.is
> LÍKAR BECKHAM-HJÓNIN
Seal segir að David og Victoria Beckham séu tvær
af almennilegustu og gáfuðustu manneskj-
um sem maður gæti óskað sér að hitta. Breski
sálarsöngvarinn, sem er kvæntur ofurfyrirsæt-
unni Heidi Klum, segir þau vera ósköp venju-
lega fjölskyldu. Hann vill meina að börn segi
mikið til um hvernig foreldrar þeirra séu
og segir þrjá syni Victoriu og David vera
kurteisustu börn sem hann hafi hitt.
Ákvörðun Alþingis um
hækka áfengisgjaldið um
12,5 prósent fer öfugt
ofan í eigendur öldurhúsa
í Reykjavík. Þótt sumir
telji of snemmt að gefa út
dánarvottorð næturlífs í
Reykjavík þá er því spáð að
næstu mánuðir einkennist
af lokunum og fámenni.
Eins og Fréttablaðið greindi frá
fyrir skömmu er verð á hálfum
lítra af bjór víða á bilinu 7-800
krónur. Með ákvörðun Alþingis um
hækkun áfengisgjaldsins má fast-
lega gera ráð fyrir því að bjórinn
verði seldur á 800 til 900 krónur. Á
sumum stöðum gæti verð á þess-
um vinsæla miði farið upp í þúsund
krónur. Sem verða að teljast tíðindi
í íslenskri barmenningu enda ekki
ýkja langt síðan hægt var að súpa á
köldum bjór fyrir fimm hundruð
krónur.
Kormákur Geirharðsson á
Ölstofunni segir þetta vera kalda
gusu í andlitið. „Við höfum reynt
að taka á okkur þær hækkanir sem
hafa verið í þjóðfélaginu en við
getum ekkert gert við þessu,“ segir
Kormákur sem telur ríkisstjórnina
vera að skjóta sjálfa sig í fótinn.
Ísland veki mikla athygli fyrir lágt
verð en nú eigi bara að hækka
verðið á einni vinsælustu afþrey-
ingu komumanna. „Til hvers eiga
menn eiginlega að vera að koma
hingað þegar allt er búið að hækka
svona mikið. Það er bara verið að
slátra skemmtistöðunum,“ segir
Kormákur.
Guðfinnur Karlsson, eigandi
Priksins í Bankastræti, saup
hveljur yfir þessum tíðidnum.
„Eigum við þá ekki bara að vona að
lögreglustjórinn takmarki opnun-
artímann við tólf á miðnætti og þá
getum við bara farið að loka sjopp-
unni,“ segir Guðfinnur í háðsleg-
um tón. Hann segir þessa ákvörðun
gera allt miklu erfiðara og er ekki
bjartsýnn á framhaldið. „Þessir
gamalgrónu staðir gætu staðið
þetta af sér en við eigum örugg-
lega eftir að sjá verulega fækkun
skemmtistaða.“
Bæði Guðfinnur og Kormákur
óttast að nú hafi skapast grundvöll-
ur undir fjörugt næturlíf í úthverf-
um. Miðbærinn eigi hins vegar
eftir að verða nokkuð rólegur. Guð-
finnur er jafnframt handviss um
að landasölum og bruggurum eigi
eftir að vaxa fiskur um hrygg í
ljósi þessara hækkana
Arnar Þór Gíslason á English
Pub segir að menn verði bara að
taka þessu eins og hverju öðru
hundsbiti. Allir í þjóðfélaginu verði
fyrir þessum þrengingum og eig-
endur skemmtistaða séu ekkert
undanþegnir því. „Auðvitað er
þessi hækkun sjokk. En ég er ansi
hræddur um að þetta sé aðeins ein
af mörgum hækkunum. Maður
verður þá bara að vinna meira fyrir
minna kaup en þannig er þetta hjá
öllum.“ freyrgigja@frettabladid.is
Bjór verður enn
dýrari á börunum
ÁHYGGJUFULLIR
Kormákur Geirharðsson og
Guðfinnur Karlsson eru ósátt-
ir við hækkun áfengisgjalds.
Þeir segja hækkunina vera
kalda tusku framan í andlitið.
Þótt of snemmt sé að gefa út
dánarvottorð miðbæjarins hafi þarna
skapast grundvöllur fyrir landasölu og
fjörugu næturlífi í úthverfum borgar-
innar. Og það geti varla verið eitthvað
sem lögregluyfirvöldum hugnist.