Fréttablaðið - 13.12.2008, Síða 91

LAUGARDAGUR 13. desember 2008 83
KÖRFUBOLTI Benedikt Guðmunds-
son, þjálfari toppliðs KR í Iceland
Express-deild karla, náði merkum
árangri á dögunum þegar KR sigr-
aði Tindastól, 96-70, á Króknum.
Þetta var hundraðasti deildarsig-
urinn sem lið undir hans stjórn
vinnur í úrvalsdeild karla. Lið
Benedikts hafa nú unnið 101 af
152 leikjum sem hann hefur
stjórnað en það gerir 66 prósenta
sigurhlutfall.
Benedikt stjórnaði sínum fyrsta
leik í Grindavík 9. nóvember 1995
þegar KR mátti sætta sig við tap,
77-103. Benedikt var þá aðeins 23
ára gamall og tók þá við starfi
Axels Nikulássonar sem hætti
með liðið á miðju tímabili. Fyrsti
sigurinn kom strax í næsta leik
þremur dögum síðar þegar KR
vann ÍA, 115-88, á Seltjarnarnesi.
Benedikt hefur þjálfað þrjú
félög í úrvalsdeild: KR, Grindavík
og Fjölni. KR vann 17 af 32 deild-
arleikjum undir stjórn hans 1995-
1997, Grindavík vann 19 af 22
leikjum undir hans stjórn 1997-98
og þá vann Fjölnir 21 af 44 deild-
arleikjum undir hans stjórn í
úrvalsdeild frá 2004-2006.
KR hefur síðan unnið 44 af 54
deildarleikjum sínum síðan Bene-
dikt tók við liðinu 2006.
Valur Ingimundarson, þjálfari
Njarðvíkinga, á metið sem hann
bætir með hverjum sigurleik en
lið hans hafa nú alls unnið 234
leiki í deildarkeppni.
Bróðir hans Sigurður er enn
fremur eini þjálfarinn fyrir utan
Val og Benedikt sem hefur náð að
stjórna liði til sigurs í 100 leikjum
og er enn að þjálfa.
Það gæti fjölgað fljótlega í
hópnum því Friðrik Ragnarsson
vantar nú aðeins fjóra sigra upp á
að stjórna liði til sigurs í hundrað-
asta sinn. Grindavík hefur unnið 9
af fyrstu 10 leikjum sínum og því
má búast við að hundraðasti sig-
urinn komi í hús fljótlega á nýju
ári.
- óój
Sex þjálfarar hafa náð að stjórna liðum til sigurs í 100 leikjum í úrvalsdeild:
Benedikt er kominn í 100 sigra klúbbinn
SIGURSÆLL Benedikt Guð-
mundsson, þjálfari KR, ræðir
við Kristin Óskarsson dómara.
SUND Hrafnhildur Lúthersdóttir,
sundkona úr SH, synti í gærmorg-
un á nýju íslensku stúlknameti í
100 metra fjórsundi á EM í 25
metra laug sem fram fer þessa
dagana í Króatíu. Hrafnhildur
synti á tímanum 1:03,24 sem er
bæting hjá henni um 3/100 úr
sekúndu en Íslandsmetið í
greininni á Erla Dögg Haralds-
dóttir úr ÍRB en hún synti á
1:02,71. Hrafnhildur endaði í 25.
sæti af 34 keppendum.
Í dag keppir Hrafnhildur í 100
metra bringusundi og þá keppir
Sigrún Brá Sverrisdóttir, sem
nýlega gekk í raðir Sundfélags
Ægis, í 400 metra skriðsundi. - óþ
Hrafnhildur Lúthersdóttir:
Setti nýtt
stúlknamet
MET Hrafnhildur Lúthersdóttir setti nýtt
íslenskt stúlknamet á EM í 25 metra
laug í Króatíu í gær. FRÉTTABLAÐIÐ/DANÍEL
FÓTBOLTI Framkvæmdastjórn
UEFA hefur ákveðið að breyta
nafni og keppnisfyrirkomulagi í
Evrópukeppni kvenna frá og með
næsta keppnistímabili en keppnin
mun þá verða kölluð Meistara-
deild kvenna.
Íslandsmeistarar Vals verða
fulltrúar Íslands í keppninni á
næsta ári en aðeins ein umferð
verður leikin í riðlakeppni í stað
tveggja áður en þegar svo komið
er í 32 liða úrslitin verður leikið
heima og að heiman. Úrslitaleikur
Meistaradeildar kvenna fer svo
fram aðeins tveimur dögum áður
en úrslitaleikur Meistaradeildar
karla og leikirnir munu fara fram
í sömu borg. - óþ
Breyting á Evrópukeppni kvk.:
Meistaradeild
sett á laggirnar
VALSSTÚLKUR Verða fulltrúar Íslands í
nýrri Meistaradeild Evrópu.
FRÉTTABLAÐIÐ/AUÐUNN
FLESTIR SIGRAR ÞJÁLFARA
Í ÚRVALSDEILD:
(Sigurhlutfall innan sviga)
Valur Ingimundarson 234 (62%)
Friðrik Ingi Rúnarsson 228 (72%)
Sigurður Ingimundarson 186 (74%)
Jón Kr. Gíslason 131 (74%)
Gunnar Þorvarðarson 109 (73%)
Benedikt Guðmundsson 101 (66%)
Friðrik Ragnarsson 96 (68%)
Reynir Kristjánsson 88 (58%)
FR
ÉTTA
B
LA
Ð
IÐ
/VA
LLI
Myndform ehf • Trönuhraun 1 • Sími: 534 0400 • www.myndform.is • myndform@myndform.is