Fréttablaðið - 13.12.2008, Blaðsíða 16

16 13. desember 2008 LAUGARDAGUR
1400 snúninga þvottavél
WA73140
Hljóðlát með íslensku stjórnborði og leiðarvísi.
7 kílóa hleðsla sérlega notendavæn.
LED-skjár. Hurðarop: 33 cm.
Mál (BxHxD): 85 x 60 x 60 cm.
Gorenje þvottavél
Reykjavík . Borgartún 24 . Sími 562 4011
Akureyri . Draupnisgata 2 . Sími 460 0800
Reyðarfjörður . Nesbraut 9 . Sími 470 2020
Reykjanesbær . Hafnargata 52 . Sími 420 7200
P
IP
A
R
•
S
ÍA
•
8
23
11
Morðið á hinum fimmtán ára Alex Grygoropoulos
síðastliðinn laugardag var aðeins kornið sem fyllti
mælinn í Grikklandi. Kostas Kyriakopoulos,
blaðamaður hjá gríska dagblaðinu Eleftherotypia,
segir að áföll og hneykslismál hafi skekið þjóðfélag-
ið um nokkra hríð en ríkisstjórnin hafi aldrei
brugðist við vandanum. Á laugardaginn, þegar
lögreglumaðurinn Epameinondas Korkoneas myrti
ungmennið, var langlundargeð Grikkja uppurið.
„Hér brann allur Pelopsskagi í sumar og ekkert
var gert,“ segir Kyriakopoulos. „Hér hafa komið upp
ótal spillingarmál og ekkert er gert við þeim heldur
og svo var þessi fimmtán ára nemandi myrtur og
Kostas Karamanlis forsætisráðherra kemur fram í
fjölmiðlum, lætur stórkallalega en bregst að öðru
leyti ekki við. Þetta sættir fólk sig ekki við. Árið
1985 kom upp svipað mál þegar fimmtán ára gamall
nemandi beið bana. Þá var Andreas heitinn Papand-
reou forsætisráðherra og hann lét alla yfirmenn
lögreglunar taka hattinn sinn. Það er eitthvað þessu
líkt sem þjóðin er að bíða eftir en Karamanlis
hugsar um það eitt að koma vel fyrir í fjölmiðlum en
lætur að öðru leyti líkt og hann sé ekki til.“
Það sem hefur aukið enn fremur á reiði fólks er að
lögreglumaðurinn Epameinondas hefur þótt svívirða
minningu fórnarlambs síns í málsvörninni með því
að segja að hann hafi verið fótboltabulla sem hafi
sífellt verið til vandræða og ekki tollað í skóla. „Því
hafa skólayfirvöld og þeir sem til hans þekktu vísað
á bug. Þvert á móti var þetta rólegur og vænn
drengur,“ segir Kyriakopoulos. „Því er þannig komið
að nemendur vilja helst tjá reiði sína á öllu sem
minnir á lögregluna. Þess má geta að stofnuð hefur
verið síða á fésbókinni sem heitir „fokkaðu þér
Epameinondas“ og um 40 þúsund manns hafa skráð
sig á hana.“
Rannsókn hefur leitt í ljós að byssukúlan sem
hæfði Grygoropoulos hafi haft viðkomu í vegg eða
götunni. Kyriakopoulos segir Grikki finna litla
friðþægingu í því. „Þú miðar bara ekkert byssu að
ungmennum, punktur basta,“ segir hann.
Óeirðirnar halda áfram í Aþenu þótt þær séu ekki
jafn miklar og um síðustu helgi og á mánudag.
Einnig láta nemendur reiði sína í ljós með margs
konar uppákomum í stærstu borgum landsins.
Georg Papandreou, leiðtogi sósíalistaflokksins
PASOK og jafnframt sonur Andreasar, hefur sagt
ríkisstjórn hægriflokksins Nýtt lýðveldi óstjórn-
hæfa og hvatt til kosninga. jse@frettabladid.is
Grískur blaðamaður segir gríska þjóð æfa vegna aðgerðaleysis stjórnvalda:
Aðgerðaleysið er að trylla fólkið
EKKI ERU ÞÓ ALLIR AÐ ÆSA SIG Þótt ekki sé rótt í miðborg Aþenu þessa dagana lætur þessi aldni maður ekki á neinu bera. AFP
Í LJÓSUM LOGUM Óeirðalögreglan hefur þurft að þola miklar raunir undanfarið. Eiginlega eldraunir. AP
Í REYK Menn mæta vel búnir til mótmælaaðgerðanna. AFP
ÞESSI GATA ER EKKI GREIÐ Gatan við hlið þinghússins í Aþenu er hvorki greið mótmæl-
endum né öðrum. AFP
KOSTAS KYRIAKOPOULOS