Réttur - 01.08.1952, Síða 26

Desemberverkfallfð
á Akureyri
eftir ÁSGRÍM ALISF.RTSSON
Haustið er mjög óvenjulegur tími til samningsuppsagna
og kaupgjaldsbaráttu hér norðanlands. Man ég ekki til að
slíkt hafi átt sér stað fyrr en nú á s.l. hausti. Til þessa liggja
þær augljósu ástæður, að með haustinu leggst niður mikill
hluti athafnalífsins, en atvinnuleysi magnast.
Þegar stjórn Alþýðusambandsins sendi út tilmæli til
verkalýðsfélaganna snemma á s.l. hausti um það, að segja
upp samningum 1. nóv. fann það því lítinn hljómgrunn hér
um slóðir. Menn höfðu ekki fengið þá reynslu af sambands-
stjórn, að hún væri líkleg til sigursællar forystu í jafn
harðri kaupgjaldsbaráttu og telja mátti víst að yrði, ef
einhver árangur átti að nást. Skýringar erindreka sam-
bapdsstjórnar, sem var hér norðanlands til að vinna fyrir
málstað sundrungarinnar í Alþýðusambandskosningunum,
voru einnig mjög óljósar.
Verkamannafélag Akureyrarkaupstaðar og mörg önnur
félög og biðu átekta til að sjá hverju fram yndi og hvernig
stærstu félögin fyrir sunnan snerust við þessum tilmælum.
Iðja, félag verksmiðjufólks á Akureyri, tók þetta hinsvegar
til atkvæðagreiðslu og var fellt með yfirgnæfandi meiri-
hluta, að segja upp samningum. Kom þar fram það viðhorf,