Réttur - 01.08.1952, Blaðsíða 39

RETTUR
233
framleidd er í Tyrklandi, Iran, Pakistan, Egyptalandi, Irak, Sýr-
landi og Afganistan samtals, þar sem íbúatalan er alls 156 milljón-
ir. (Lófatak). Og ef við berum raforkuframleiðslu eins sovétlýð-
veldis, til dæmis Aserbaisjan, saman við Tyrkland, komumst við
að raun um að í Sovét-Aserbaisjan, þar sem íbúatalan er einungis
einn sjöundi af því sem er í Tyrklandi, er framleidd fjórum sinn-
um meiri raforka en í Tyrklandi, sem hefir stungið hálsinum í
snöru bandarískrar „efnahagsaðstoðar". (Hlátur).
Sovétlýðveldi okkar hafa meira að segja komizt langt fram
úr hinum gömlu og grónu iðnaðarríkjum Vestur-Evrópu.
Við skulum til dæmis bera eitt sovétlýðveldi — Úkrainu —
saman við tvö stór, borgaraleg lönd í Evrópu — Frakkland og
Ítalíu. Þarna er auðvitað um margt að ræða, sem ekki er sam-
bærilegt. Eins og alkunnugt er voru arðránsstéttirnar afnumdar
fyrir löngu í úkrainska sovétlýðveldinu, verksmiðjurnar, landið
og allur afrakstur vinnunnar tilheyrir fólkinu, atvinnuleysi hefir
verið útrýmt fyrir fullt og allt, allt vald er í höndum fólksins.
Á þessu sviði fór Úkraina fyrir meira en þrjátíu árum síðan fram
úr Frakklandi og Ítalíu, þar sem auðvaldið er við völd. (Lófatak).
Þessvegna munum við aðeins bera saman nokkra meginþætti í
atvinnulífi þessara landa.
Sovét-Úkraina, sem tvisvar á tilveruskeiði sínu hefir orðið að
rísa úr rústum og ösku eftir innrás erlendra árásaseggja, fram-
leiðir nú miklu meira steypujárn en Frakkland og Italía tii sam-
ans (lófatak); hún framleiðir meira af stáli og völsuðum málmi
en Frakkland og rúmlega þrisvar sinnum meira en Ítalía; hún
framleiðir 50% meira af kolum en Frakkland og Ítalía til samans;
hestaflatala dráttarvélanna, sem framleiddar eru í Úkrainu, ernæst-
um þrisvar sinnum hærri en þeirra, sem framleiddar eru í Frakk-
landi og Ítalíu til samans; og Úkraina framleiðir langtum meira
korn, kartöflur, sykurrófur og sykur en Frakkland og Ítalía til
samans.
Svo er framförum sósíalistisks iðnaðar og samyrkjubúskapar
fyrir að þakka að úkrainska þjóðin lifir við velmegun og nýtur
allra gæða menningarinnar. Það sama verður ekki sagt um strit-
andi fjöldann í Frakklandi og Ítalíu.
Engu áhrifaminna dæmi er hin hraða þróun í baltnesku sovét-
lýðveldunum eftir að þau komu á hjá sér sovétskipulagi. Ef við
berum sambandslýðveldin Líetúvu, Lettland og Eistland saman
við Noreg, Holland og Belgíu munum við komast að raun um
að þróun iðnaðarins í sovétlýðveldunum er langtum hraðari en
í evrópsku auðvaldslöndunum, sem ég hef nefnt.