Réttur - 01.08.1952, Side 54

Iimlend víðsjá
eftir BRYNJÓLF I5JARNASON
Bretar hef ja viðskiptastríð gegn Islendingum.
Snemma í haust var sett löndunarbann á fisk úr íslenzk-
um togurum í Bretlandi fyrir forgöngu brezkra útgerðar-
manna, í því augnamiði að knýja Íslendinga til undanhalds
í landhelgismálinu. Ríkisstjórn Bretlands hefur veitt út-
gerðarmönnum allan stuðning í þessu máli, enda vafalaust
að hennar undirlagi af stað farið. Dugði skammt þó íslenzka
ríkisstjórnin hefði samráð við brezku stjómina áður en
landhelgislínan var ákveðin, en fyrir þær sakir varð þessi
ráðstöfun hvorki heil né hálf, enda mun enginn mæla þvi
í mót að meira þarf, ef duga skal til verndar íslenzkum
fiskimiðum.
I desember fór Ölafur Thors utan til að sitja fund ,ráðs
Atlantshafsbandalagsins og Efnahagssamvinnustofnunar-
innar. Átti hann þá tal við brezku ríkisstjórnina um málið
með þeim árangri einum, að hann kvaðst nú gera sér
„gleggri grein fyrir þeim erfiðleikum, sem brezka stjórnin
á við að etja um lausn málsins“. Ennfremur lýsti hann því
yfir að íslendingar væru reiðubúnir til að hlíta úrskurði
alþjóðadómstólsins í Haag. Var þetta mælt í algeru heim-
ildarleysi af hálfu íslenzku þjóðarinnar.
Snemma í janúar barst ríkisstjórninni ný orðsending