Réttur - 01.03.1941, Síða 79

Steinn Steinarr:
Imperium 5rilannicum
Þín sekt er uppvís, afbrot mörg og stór,
og enginn kom að verja málstað þinn.
Ó, græna jörð, þar Shakespeare forðum fór
til fundar við hinn leynda ástvin sinn.
Þú brennur upp, þér gefast engin grið,
og gamalt bál þú hefur öðrum kynt.
Ó, lát þér hægt, þó lánist stundarbið,
að lokum borgast allt í sömu mynt.
Og jafnvel þó á heimsins nyrztu nöf
þú næðir þrælataki á heimskum lýð,
það varð til einskis, veldur stuttri töf.
Það vinnur aldrei neinn sitt dauðastríð.