Réttur - 01.01.1986, Síða 41

„Og synd mín er æ fyrir augum mér“.
Nú er tími glitrandi ljósa á hóruhúsum
og knæpum. í húsi Kaífasar er múgur og margmenni.
Nú er sá tími þegar herráðin koma saman
og pyntingafræðingar stíga niður í dýflissurnar.
Tími leynilögrelgu og njósnara
þegar þjófar og hórkarlar snuðra í húsunum
og lík eru falin. — Líkami fellur í vatn.
Nú er tími þeirra dauðvona að hefja dauðastríðið.
Tími svitans í aldingarðinum og tími freistinganna.
Úti syngja fyrstu fuglarnir daprir
og ákalla sólina. Nú er tími myrkursins.
Og kirkjan héluð einsog krökk af djöflum
meðan við kyrjum áfram sálmana í nóttinni.
(Ingibjörg Haraldsdóttir þýddi)
Ernesto Cardenal (f. 1925). Kaþólskur
prestur og ljóðskáld í Nicaragua, núver-
andi menningarmálaráðherra.