Morgunblaðið - 17.03.2006, Síða 24

24 FÖSTUDAGUR 17. MARS 2006 MORGUNBLAÐIÐ
MINNSTAÐUR
SUÐURNES
Reykjanesbær | Nýr bátur hefur bæst við
safn Reykjanesbæjar. Vertíðarbáturinn
Örninn sem nú hefur fengið einkennisstaf-
ina KE var afhentur Byggðasafninu til
varðveislu í tengslum við Víkingaheim og
Íslending, að því er fram kemur á vef
Reykjanesbæjar. Örninn er annar af
tveimur bátum sem voru þjóðargjöf Norð-
manna til Íslendinga árið 1974.
Það var Norðmaðurinn Jón Godal sem
hafði veg og vanda af smíði og siglingu
bátanna til Íslands. Örninn er ekki eig-
inlegt víkingaskip heldur vertíðarbátur af
þeirri gerð sem mjög vinsæl var til fisk-
veiða í Lofoten í Norður Noregi og víðar.
Örninn hefur verið varðveittur í Árbæj-
arsafni. Báturinn samrýmdist ekki lengur
safnastefnu Árbæjarsafns og var Reykja-
nesbæ boðið að taka hann til varðveislu.
Fram kemur á vef bæjarins að í framtíð-
inni verður báturinn hafður til sýnis á
svæðinu við Víkingaheim á Fitjum í Njarð-
vík þar sem byggt verður yfir Íslending.
Árbæjarsafn kostaði flutning hans til
Reykjanesbæjar og greiðir efniskostnað
vegna viðgerða á Erninum en þær annast
Gunnar Marel Eggertsson, skipstjóri Ís-
lendings.
Morgunblaðið/Kristinn
Þjóðargjöf Örninn hefur staðið á Árbæj-
arsafni og þarfnast viðgerðar.
Þjóðargjöfin er-
komin til Reykja-
nesbæjar
Keflavík | „Þetta er það skemmtilegasta sem ég
geri. Ég stefni að því að gera þetta í lífinu,“ seg-
ir Alexandra Ósk Sigurðardóttir, formaður Vox
Arena, leiklistarfélags Fjölbrautaskóla Suð-
urnesja í Keflavík. Vox Arena og Leikfélag
Keflavíkur hafa samvinnu um uppsetningu á
gamanleik um lífið í Keflavík sem leikhópurinn
samdi sjálfur. Verkið verður frumsýnt í kvöld.
Leikritið heitir „Keflavík, Ísland, alheim-
urinn eða mamma þín“ og er leikstýrt af Sigurði
Eyberg. „Við byrjuðum á þessu með tvær hend-
ur tómar,“ segir Alexandra. Þátttakendurnir
tóku viðtöl við fólk á Suðurnesjum og annars
staðar frá, meðal annars um það hvað því fynd-
ist um Keflavík, og sauð kjarnann úr leikritinu
upp úr þeim. Unnið var upp úr þessum upplýs-
ingum af hæfilegu kæruleysi og staðreyndum
snúið á hvolf, ef svo bar undir. „Leikritið bygg-
ist upp á stuttum atriðum. Það er mikill húmor í
þessu, kannski svolítið súr á köflum,“ segir
Alexandra. Hún segir að allir Suðurnesjamenn
ættu að skilja skopið en var ekki viss um aðra.
Titill verksins er þessu marki brenndur og vísar
að hluta til orðatiltækis sem hún segir algengt
að menn noti í Keflavík þegar þeir þrátta.
„Ég held að vel hafi tekist til með þetta. Það
er viss hætta á að svona vinna fari út í algert
rugl en ég vona að þetta sé vel skiljanlegt hjá
okkur,“ segir Alexandra.
Mikil vinna
Alexandra hefur mikinn áhuga á leiklist og er
á kafi í henni. „Ég fékk þessa bakteríu þegar ég
var lítil. Ég og vinkona mín vorum alltaf að
semja asnaleg leikrit. Seinna frétti ég af því að
það væri leikfélag hér í Keflavík og gaf mig
fram. Ég hef verið á kafi í þessu síðan.“ Hún hef-
ur tekið þátt í verkefnum Leikfélags Keflavíkur
frá árinu 2002 og er varaformaður félagsins. Þá
er hún formaður Vox Arena í Fjölbrautaskól-
anum. Það er ekki nóg með að hún leiki í verkinu
og sé eins og útspýtt hundskinn í undirbúningi
heldur tók hún einnig þátt í því að semja tónlist
fyrir sýninguna og leikur á bassa í henni.
„Þetta er rosaleg vinna. Ég held að fólk geri
sér almennt ekki grein fyrir því hvað við þurfum
að hafa mikið fyrir þessu. Ég gef allan minn tíma
í þetta,“ segir Alexandra og viðurkennir að það
bitni á náminu. Hún lætur jafnframt þá skoðun í
ljós að svona starf mætti meta til eininga í nám-
inu, eins og tónlist.
„Ég gef allan minn tíma í þetta“
Ljósmynd/Hreggó
Mamma þín! Húmorinn er nokkuð súr á köflum í leiksýningu Vox Arena og Leikfélags Keflavíkur.
Ljósmynd/Hreggó
Leikur Alexandra Ósk Sigurðardóttir ætlar að
verða leikari þegar hún verður „stór“.
Leikhópurinn tók viðtöl
við fólk og samdi upp
úr því leikrit
Eftir Helga Bjarnason
helgi@mbl.is
Næst ekur þú Avensis
Stundum er afskaplega erfitt að bæta við. Avensis er þannig bíll. Hann hefur
einfaldlega allt sem þú þarft. Hvort sem um er að ræða afl, tæknibúnað, aksturs-
eiginleika eða þægindi. Avensis uppfyllir og fer fram úr væntingum þínum.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
31
76
9
03
/2
00
6

Avensis er hugarsmíði þess bílaframleiðanda sem hefur komist í fremstu röð Formúlu 1
á aðeins fimm árum. Við væntum mikils á komandi keppnistímabili og í kjölfar fyrstu
keppninnar í Bahrain bjóðum við 42” Panasonic plasmasjónvarp að verðmæti 250.000 kr.
með öllum Avensis sem afhentir eru fyrir 20. júní n.k.
Innst inni langar alla…
Verð frá 2.240.000 kr.
Toyota
Nýbýlavegi 4
Kópavogur
Sími: 570-5070
Toyota Akureyri
Baldursnesi 1
Akureyri
Sími: 460-4300
Toyota Reykjanesbæ
Njarðarbraut 19
Reykjanesbær
Sími: 421-4888
Toyota Selfossi
Fossnesi 14
Selfoss
Sími: 480-8000