Morgunblaðið - 17.05.2006, Síða 37

MORGUNBLAÐIÐ MIÐVIKUDAGUR 17. MAÍ 2006 37
DAGBÓK
Oddafélagið í samstarfi við Stofnun ÁrnaMagnússonar, Heimspekistofnun Há-skóla Íslands og Stofnun Sæmundarfróða stendur á laugardag fyrir mál-
þingi um Sæmund fróða.
Þór Jakobsson er formaður Oddafélagsins:
„Sæmundur fróði Sigfússon fæddist 1056 og eru
því liðin 950 ár frá fæðingu hans. Sæmundur lést
22. maí 1133 og hefur Oddafélagið haldið árlega
Oddastefnu, Sæmundardag, þá helgi sem næst er
þeim degi. Í tilefni 950 ára frá fæðingu Sæmundar
er dagskráin sérlega vegleg í ár,“ segir Þór.
„Við í Oddafélaginu teljum Sæmund fróða með-
al merkustu Íslendinga. Ungur drengur var hann
sendur til meginlandsins til náms og menn hafa
haldið námsstað hans vera það sem í dag er
Frakkland, en um það eru ekki allir sammála.
Margt bendir til að hann hafi lært til hæsta stigs
sem hægt var að læra til, það sem við myndum
kalla doktorsgráðu núna. Hann hefur líkast til
numið það sem kallað var hinar sjö frjálsu listir,
ekki aðeins guðfræði heldur einnig flatarmáls-
fræði, stærðfræði, tónlist, stjörnufræði, málfræði
og heimspeki, og virðist enginn annar íslendingur
sem sendur var utan til náms hafa lært jafnmikið
og Sæmundur.“
Þór segir viðfangsefni ráðstefnunnar á laugar-
dag að reyna að svara því hvað það var sem Sæ-
mundur lærði og hvar hann lærði.
Lykilerindi ráðstefnunnar flytur John Maren-
bon frá Cambridge í Englandi. Hann mun fjalla
um skólahald á elleftu öld. „Þetta var skemmti-
legur tími og menntun í Norður-Evrópu að örvast.
Hann mun fjalla um hvert námsefnið var sem Sæ-
mundur fékkst við, sendur út í heim til að læra
jafnvel aðeins 10 ára gamall.“ Gunnar Harðarson
hjá Heimspekistofnun Háskólans ræðir um heim-
speki miðalda og handrit. Þá flytur Sverrir Tóm-
asson erindið „Hvað skrifaði Sæmundur?“, um
þau verk sem kennd hafa verið við Sæmund.
„Njáll Sigurðsson frá stofnun Árna Magnús-
sonar flytur erindið „Elstu kirkjusöngshandrit
miðalda í íslenskum söfnum“ og fjallar þar um
rannsóknir Jóns Þórarinssonar tónskálds og ann-
arra fræðimanna. Jón hefur verið að semja rit um
tónlistarsögu Íslands og er gaman frá að segja að
þetta mun vera í fyrsta sinn sem lesið verður úr
verkinu.“
Edward Booth, prestur kaþólsku kirkjunnar í
Stykkishólmi, mun eftir hlé gera grein fyrir ætlan
sinni um að Sæmundur hafi í raun lært þar sem
nú er Þýskaland og Helgi Skúli Kjartansson, pró-
fessor við KHÍ, kynnir landafræði samtíma Sæ-
mundar og fjallar nánar um deiluna um hvert
námsland Sæmundar hafi verið.
Að lokum fjallar Garðar Gíslason hæstaréttar-
dómari um hvort Sæmundur lærði lög og fjallar
um rök fyrir því að námsstaðurinn hafi verið
Frakkland. Fundarstjóri er Guðrún Pétursdóttir,
forstöðumaður Stofnunar Sæmundar fróða.
Málþingið fer að hluta fram á ensku og er hald-
ið í ráðstefnusal Þjóðminjasafns Íslands. Dag-
skráin hefst kl. 13 og er aðgangur ókeypis.
Sagnfræði | Oddafélagið heldur málþing um Sæmund fróða í Þjóðminjasafninu á laugardag
Hvar lærði Sæmundur fróði?

Þór Jakobsson fædd-
ist í Kanada 1936. Hann
lauk stúdentsprófi frá
MR 1956, cand. mag. í
jarðeðlisfræði frá Osló-
arháskóla og Háskól-
anum í Bergen og cand.
real. í veðurfræði frá
Háskólanum í Bergen.
Árið 1973 hlaut hann
doktorsgráðu í veður-
fræði frá McGill-há-
skóla í Montreal. Þór starfaði hjá Umhverfis-
stofnun Kanada 1973-79 en frá 1980 hefur
hann verið verkefnisstjóri hafísþjónustu Veð-
urstofu Íslands. Þór er kvæntur Jóhönnu
Jóhannesdóttur og eiga þau tvö börn.
Árnaðheilla
dagbók@mbl.is
60 ÁRA afmæli. Í dag, 17. maí,verður sextug Helga Hrönn
Þórhallsdóttir húðsjúkdómalæknir.
Ferðablað Morgunblaðsins Sumarferðir 2006
fylgir blaðinu miðvikudaginn 24. maí.
Vertu með í Sumarferðurm 2006 -
blaðinu sem verður á ferðinni í allt sumar.
Sumarferðir 2006
Auglýsendur!
Pantið fyrir kl. 17:00 fimmtudaginn 18. maí.
Allar nánari upplýsingar veitir Katrín
Theódórsdóttir í síma 569 1105 eða kata@mbl.is
Meðal efnis er:
• Fjölskylduhátíðir
• Gististaðir
• Tjaldsvæði
• Skemmtigarðar
• Hellaferðir
• Afþreying fyrir
smáfólkið
• Bátsferðir
• Gönguferðir
• Sundlaugar
• Uppákomur
• Veiði
• Hestaleigur
• Söfn
Cavendish.
Norður
♠D8
♥Á1095 N/Allir
♦G1065
♣KG8
Vestur Austur
♠1052 ♠643
♥D763 ♥8
♦84 ♦K972
♣ÁD76 ♣109432
Suður
♠ÁKG97
♥KG42
♦ÁD3
♣5
Hið árlega uppboðsmót Cavendish-
klúbbsins í New York fór fram í síð-
ustu viku. Fyrst var spiluð sveita-
keppni, sem lið egyptans Wafikabdou
vann (Pratap, Goldberg og Landen) en
tvímenninginn unnu hollensku lands-
liðsmennirnir Huub Bertens og Ton
Bakkeren eftir harða baráttu við Eric
Rodwell og Geoff Hampson. Spilið að
ofan er frá tvímenningnum.
Vestur Norður Austur Suður
Levin Blanchard Weinstein Meckstroth
– Pass Pass 1 spaði
Pass 1 grand Pass 3 lauf *
Pass 3 tíglar * Pass 3 hjörtu
Pass 5 hjörtu Pass 6 hjörtu
Pass Pass Pass
Sex hjörtu er auðvitað vond slemma,
en hún vinnst með því að finna hjarta-
drottninguna úr því að tígulkóngur
liggur fyrir svíningu. Út kom laufás og
tígull í öðrum slag, sem Meckstroth
tók heima, lagði niður hjartakóng og
svínaði gosanum: 12 slagir.
Sagnir NS eru athyglisverðar. Kerf-
ið er Standard og grandsvarið krafa.
Stökk suðurs í þrjú lauf sýnir sterk
spil, en getur verið eitt af þrennu: (1)
lauf, (2) einlita spaðahönd, (3) fjórlitur í
hjarta.
Þrír tíglar norðurs er biðsögn og hér
sýnir suður hjartalit, en með myndi
melda þrjá spaða með einlita hönd og
þrjú grönd eða fjögur lauf með ekta
lauflit.
Kosturinn við þessa sagnvenju er
augljós – til dæmis myndi stökk beint í
þrjú hjörtu sýna fimmlit.
BRIDS
Guðmundur Páll Arnarson | dagbok@mbl.is
Of mjó göngu- og
hjólreiðabraut
ÉG geng að staðaldri niðri í Foss-
vogi þar sem er mjög góð göngu- og
hjólreiðabraut. En málið er að þar er
nú orðið svo mikið af hjólreiðafólki
og skautafólki að brautin sem ætluð
er fyrir hjólreiðafólk er of mjó. Það
þarf að breikka hana um helming.
Þá er hún orðin jafnbreið göngu-
brautinni því eins og þetta er núna
þá truflar þetta mjög fótgangandi
fólk og eldra fólk verður mjög hrætt
því það er of lítið pláss. Þessi braut
liggur vestur í Nauthólsvík og er
mikið notuð og aldrei eins og núna.
Því vil ég biðja þá sem þessu ráða
hjá Reykjavíkurborg að athuga
þetta mál og breikka hjólreiðabraut-
ina um helming.
190923-4799.
Ótrúleg hræsni
ÉG er fæddur Íslendingur og var
hér til 20 ára aldurs þegar aðstæður
urðu til þess að ég fór til Bretlands
og gifti mig svo þar. Eignaðist 2
börn sem fæddust 1979 og 1982. Ég
sótti aldrei um annað ríkisfang, enda
fyrirfinnst ekki meiri Íslendingur,
var með heimþrá mestan tímann,
sem ég bjó þar.
Ég kom svo heim smám saman
fyrir 8-9 árum. Fyrst ein og svo
langaði dóttir mína að koma líka. Ég
hafði komið heim með hana og bróð-
ur hennar í 2 ár þegar þau voru 6 og
9 ára, og lærðu þau þá íslenskuna, en
ég ákvað að fara með þau út aftur,
þar sem syni mínum líkaði ekki hér.
Ég gæti alltaf komið aftur þegar
hann yrði sjálfstæður, sem og ég
gerði.
Síðan voru sett ný lög um að öll
börn fædd eftir 1982 með annað for-
eldri íslenskt fengju íslenskan rík-
isborgarétt, að sjálfsögðu. En hvers
eiga þeir að gjalda sem fæddir eru
fyrir þann tíma? Dóttir mín telur sig
vera Íslending og ég hef aldrei litið
öðruvísi á en það sé móðurréttur
hennar. Er hún skráð í ættarbækur
á Íslandi, sem og Íslendingabók, og
er skírð hérna í þjóðkirkjunni.
En nú vill dómsmálaráðuneytið fá
sönnun þess að hún sé dóttir mín og
að ég hafi aldrei tekið upp annað rík-
isfang. Það virðist ekkert mál vera
fyrir fólk eins og Bobby Fischer að
fá íslenskt ríkisfang. Svo er talað um
Íslendinga eins og Bjarna geimfara
frá Kanada sem fær heiðursorðu,
fyrir hvað? Að hann hafi menntað
sig vel í Kanada. Hann talar ekki
einu sinni íslensku og hafði aldrei
komið hingað. Ef dóttir mín væri
heimsfræg fyrir eitthvað væri þetta
sennilega ekkert mál. Mér er mjög
misboðið.
Svo er þvílík umræða í gangi varð-
andi erlenda aðila – hvað með okkur
Íslendinga? Hvar er okkar réttur og
barnanna okkar?
Rannveig Einarsdóttir.
Velvakandi
Svarað í síma 5691100 kl. 10–12
og 13–15 | velvakandi@mbl.is
Hlutavelta | Þessi duglegi drengur,
Stefnir Guðmundsson, hélt tombólu og
safnaði 7.500 kr. til styrktar abc-barna-
hjálpinni.